SUPER AMARA Bera Bera datorren igandean, hilak 8, Bidebietan 12etan bi hilabeteko ibilbideari ekingo dio helburu garrantzitsu lortze aldera, Kopa eta Guerreras Iberdrola Liga, alegia.
Liga amaitzeko zazpi jardunaldi gelditzen dira eta Kopako fase finala Málagan ospatuko da apirilaren 20tik 22ra bitartean. SUPER AMARA Bera Berak atzo arratsaldean La Perlan burutu zuen entrenaldi saioa. Pucheren taldeak ez du Liga bere esku baina Guardesekin berdinduz gero edo Rocasa eta galiziarrekin bat eginez gero berdinketak bere alde egingo luke. Lehiaketa bihar bertan jarriko da martxan Barakaldon, izan ere, HGB Prosetecnisa Zuazok Rocasa hartuko du kanariarrek Challengeko finalerdiak jokatuko batituzte asteburuan.
Gipuzkoarren hiru partida jokatuko dituzte etxean: Godoy Maceira BM Porriño igandean, Aula Alimentos de Valladolid (maiatzak 5) eta Elche Mustang (maiatzak 19), aldiz, etxetik at lau: Granollers, apirilak 14 abril; Villaverde, apirilak 28; Valentzia, maiatzak 12 eta Barakaldo, maiatzak 27.
Kopako ordutegiak
Bestalde, Kopa irabaztea bere eskuan du SUPER AMARA Bera Berak. Final-laurdenetan Valladolideko Aula Alimentos izango du aurrean apilaren 20an, ostirala, 16etan. Irabaztekotan, Málagako Rincón Fertilidad eta Mecalia Atlético Guardés partidaren garaile izango da aurkaria finalerdietan.
Bestetik, kadete Kopan, Lacturale Bera Bera hiru partidako ligaxka ospatuko du multzo bereko aurkariekin, hau da, Mecalia Atlético Guardésekin ostiralean 10,15etan; larunbatean, 11,30etan Rincón Fertilidaden aurrean eta 19etan Aula Alimentos de Valladolid taldearen aukra. Multzo baikotzeko aurrenekoen artean jokatuko da finala igandean 10etan.
