30 Azaroa 2016

Bera Bera Eskubaloiko arduradun Tati Garmendiak 2016. urtean bizitakoari errepasoa jo dio komunikabideen aurrean. Duela urte bete, taldea Rocasatik lau puntura zegoela ohartarazi zuen Bera Bera ez zegoela lehiatik kanpo eta denboraldia “triplete batekin amaitu zen, ezinhobeto”. Garmendiak onartu ditu “ziurtasun eza” denboraldi hasieran “Ziarsolo, Pinedo, Bea Fernández eta Tania Yáñez erretiroa hartuta”. “Guztiak golegileak ziren baina Matxalen eta Eli ziren erreferentziak taldean, baina taldea egokitu da oso jende gaztearekin, Temprano eta Elorzaren bajak kudeatu ditu eta, ahal den neurrian, Ana Martínezena”. Hori dela eta Montse Pucheren lana azpimarratu du esanez “bera ekartzen asmatu genuen, jokalariak galdu arren goi mailan jarraitzen dugu”. Tituluaz gain, Tati Garmendiak aipatu du “Txapeldunen Ligari baietz esan genion Reala, instituzioak eta babesleak lagun, espero ez bezala, sailkatze fasea Donostian antolatu genuen, Gasca bete genuen lehenengo egunean”. “Europak –jarraitzen du- non gauden erakutsi zigun eta koska bat falta zaigu, Txapeldunen ligako balorazioa oso positiboa da eta EHFn Brest Bretagne bezalako taldea bati zaila jarri diogu, ia hiru aldiz gure aurrekontua duen arren”. Garmendiak Super Amara Bera Berak Europan maila eman duela uste du eta hasperen egin du “Brest Arena ezagututa, erabilera anitzeko, hori da guk behar duguna”. “Liga irabazten badugu –dio Garmendiak- espero dezagun berriro Txapeldunen ligari baietz esatea, halere -ohartarazi du- urtarrila hasiera gogorra dugu Rocasa eta Zuazorekin”. Horrez gain, Bera Berako eskubaloi arduradunak azpimarratu du babesle berrien inplikazioa “batez ere Super Amararen hiru urteko apustua, jokalari gazteak sendotzeko balio behar duena”. Bihar Espainiako Federazioko Asanbladak Paco Blázquez aukeratuko du presidente –hautagai bakarra izanik-. Bera Bera Eskubaloiak erabakitzeko gunean egon behar duela uste du eta Asanblada berriaren kide gisa “konfidantzazko babesa emango diogu presidenteari baina Bera Berak estutu behar du emakumeen eskubaloi liga profesionala eta indartsua lortze aldera”.

29 Azaroa 2016

Abenduaren 26tik 30era bitartean Bera Bera Eskubaloiak Gabonetako kanpusa garatuko du Bidebieta kiroldegian. Goizero lau orduz, 9etatik 1ak bitartean, 8 eta 13 urte bitarteko neska-mutilei zuzenduko zaie Kanpusa. Bi multzo egingo dira, 2003ean edo 2004ean jaiotakoak alde batetik, eta 2005 eta 2008 urte bitartekoak bestetik. Lehenengoek teknifikazioa, tailerrak eta hitzaldiak izango dituzte, 8 eta 11 urteko gazteek entrenamentu, tailerra eta jolasak landuko dituzte. Kirol txartela duten gazteek 60 euro ordainduko dute, kirol txartelik gabekoek, 70 euro. Interesaturik 620320042 telefonora dei dezala edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzi dezala.

29 Azaroa 2016

Jorge Dueñas hautatzaileak abenduaren 4tik 18ra bitartean Suediako Eurokopan arituko diren 16 jokalarien zerrenda eman du. Bertan dira Super Amara Bera Berako jokalari Judith Sans eta Marta López, hortaz, Ana Temprano berriro ere etxean geldituko da. Stocholmera bidaia egingo duten 16 jokalarietatik sei baino ez dira Espainiako ligan jokatzen. Eli Pinedok erretiroa hartuta, Dueñasek ez du deialdian sartu Elorza arazo fisikoak tarteko eta, ondorioz, nobedade dira Amaia González de Garibay hegaleko jokalaria, Mireya González albokoa eta Judith Sans pibotea. Suedia antolatzailearen aurka egingo du debuta Espainiak igandean abenduaren 4ean (18etan), asteartean (18,30etan) Serbia izango da aurkaria eta ostegunean (18,30etan), Eslovenia. Partida guzti hauek, Stocholm hirian.

28 Azaroa 2016

Bera Bera Eskubaloiko harrobiko taldeek sei garaipen lortu dituzte jokaturiko hamaika partidetan. Nesketan, infantil, kadete eta seniorretan lider jarraitzen dute; jubenil taldeak berriz hasiera ona eman dio bigarren faseari.
Emaitzak:
Infantil neskak
BERA BERA URDINA 43-14 UDARREGI USURBIL A
PITCH BIDASOA IRUN B 22-20 BERA BERA TXURIA
MODELTEK ELGOIBAR 18-23 BERA BERA LARANJA

Infantil mutilak
BERA BERA URDINA 38-25 PITCH BIDASOA IRUN C Ikus argazkiak

Kadete neskak
BERA BERA URDINA 23-8 ALOÑA MENDI K.E. -B-
Ikus bideoa:
Ikus argazkiak
AIALA A ZKE 40-20 BERA BERA LARANJA

Kadete mutilak
TXIKIXA TABERNA PULPO KE 26-19 BERA BERA URDINA
AMENABAR C ZKE 44-16 BERA BERA LARANJA

Jubenil neskak
BERA BERA URDINA 28-20 CONSULTING ALAVÉS
ATHLON ALOÑA MENDI K.E. 26-17 BERA BERA LARANJA

Senior euskal liga
BERA BERA 37-16 LAUKO ELGOIBAR
Ikus bideoa: Bera Bera gurasoak