Bera Bera Eskubaloiko harrobiko taldeek hamar partida jokatuko dituzte asteburuan. Azpimarratzekoak dira, euskal ligan, jubenil eta senior taldeenak, hain zuzen. Bera Bera Urdina jubenil taldeak Etxebarrin irabaziz gero aurreneko postua bereganatuko luke eta sektoreetan lekua; senior taldeak, berriz, Bidebietan Aiala Zarautz aurkari zuzena hartuko du.
Ordutegiak:
Martxoak 11, larunbata
Zarautz 11,15 Kadete mutilak Amenabar A vs Bera Bera Urdina
Zarautz 12,45 Kadete mutilak Amenabar B vs Bera Bera Laranja
Andoain 11,45 Infantil neskak Leizaran Eskubaloia C vs Bera Bera Txuria
Bidebieta 13,30 Infantil neskak Bera Bera Urdina vs Aiala A
Bidebieta 16,00 Kadete neskak Bera Bera Urdina vs Brakis Pulpo
Bidebieta 17,45 Senior neskak Bera Bera Urdina vs Aiala
Martxoak 12, igandea
Bidebieta 10,00 Jubenil neskak Bera Bera Laranja vs Aiala
Etxebarri 12,00 Jubenil neskak Kukullaga vs Bera Bera Urdina
Paco Yoldi 10,30 Infantil neskak Bera Bera Urdina vs Hernani
Paco Yoldi 12,00 Infantil mutilak Bera Bera Urdina vs Tolosa B
Bihar larunbata (18,30etan) Málagan, El Carranque kiroldegian (Millán eta Quintanar, Catalunya), Loterías Ligako etorkizuna finkatuko duen partidari helduko dio SUPER AMARA Bera Berak. Gaindituz gero, Mecalia Atlético Guardésekiko bi puntuko aldea mantenduko du, izan ere, galizarrek asteazkenean Esencia 27 ULE Cleba León mendean hartu zuten, eta gipuzkoarren tartea erabakiorra izan daiteke txapelketa amaitzeko zortzi jardunaldien faltan.
Montse Puche eta plantilla jakinaren gainean daude. “Partida oso garrantzitsua da guretzat” onartu du, Rincón Fertilidad “oso sasoi onenan dagoelako, Ligako bigarren itzulia bikaina burutzen ari da, hortaz, guztia eman beharko dugu norgehiagoka osoan zehar”.
Bidebietan elkarren aurka jokatu zutenetik, Rincón Fertilidaden ibilbidea izan da: 9 garaipen, bi berdinketa eta porrota bakarra, laugarren postutik puntu bakarrera kokatuz. “Denboraldi hasieran jakin bagenekien taldea goruntz joango zela, orain jokalariek elkar ezagutzen dute eta urtea ondoen hasi duen taldea da, etxean are arriskutsuagoa dena”. Diego Carrascoren taldeak Rocasari El Carranquen, Porriñon eta Barakaldon irabazi du eta Kopako fase finalean egongo da iaz bezala, Aula Valladolid gaindituta.
Montse Puchek Rincón Fertilidad deskribatu du. “Atezain bikainak dituzte: Virginia Fernández eta Cristina Maestro; hegaleko jokalariek portzentaje handia dute eta batzuk lehenengo lerroan ere aritzeko aukera dute, hemen ez dute kanpotik asko jaurtitzen baina oso borrokalariak dira, gainera adi egon behar dugu Bea Puertas eta, jakina, Nuria Benzalekin, oso sasoi onean dagoelako eta Paula García pibotearekin oso ondo konpontzen delako”.
KH7 BM Granollersen aurrean bere taldeak emandako erantzunarekin pozik zegoen Puche, Laura Steinbachek maila igo zuen eta SUPER AMARA Bera Berak eskertu zuen amaieran. “Partida ona egin genuen, defentsan batez ere eta ondo etorri zitzaigun”. Puchek ohartarazi du taldea, izan ere, "Málagan, defentsan oso konzentrarurik atera behar dugu hasieratik, intentsitatearekin ea akatsak eragiten ditugun eta aprobetxatzen jakin”. Entrenatzaileak dio “gureari eutsiko diogu”, hau da, taldeak dituen birtuteei heldu “partida gogorra izango delalo, Rincón Fertilidad gogor defendatzen duelako”.
Junior mailako konzentrazioa dela eta, talde bakoitzak baja bat du, SUPER AMARA Bera Beran Estitxu Berasategi alboko jokalari eta, bestetik, Rincón Fertilidaden aldetik Ana González hegaleko jokalaria. Hortaz, Puchek 14 jokalari eramango ditu eta horietatik zazpi igandean selekzio ezberdinekin bat egingo dute, gorenekoarekin (Sans, Etxeberria eta Fernández) eta B taldearekin (Marta López, Arrojeria, Menéndez eta Aramendia).
SUPER AMARA Bera Berak Malagoko El Carranquen jokatuko du larunbatean (18,30etan), Loterías Ligako pistarik zaileenetarikoa.
Marta Lópezentzat “partida berezia” izango da, jakina, “bederatzi urte eta gero hasi nintzen taldearen aurka jokatuko baitut”. 18 urterekin hegaleko jokalaria Alconbendasera abiatu zen eta orain pozik dago egun Rincón Fertilidad Málaga taldea Loterías Ligan egotea, orointzapenen artean nabarmen mantentzen baitira “jubenila nintzenean bi igoera fase jokatu genuen baina ez genuen lortu ohorezko mailan aritzea, horregatik talde horren kontra jokatzeko irrikan nago eta zentzu batean nostalgia ere bai”.
Marta Lópezek Rincón Fertilidad indartsua ikusten du. “Bere garaian esan nuen oso jokalari onak fitxatu zituztela, gainera kementsuak dira, han egon nahiz eta badakit zer den eta Ligako lehen zatian gorabeherak izan arren, orain sasoian daude, Rocasa, Porriño eta Zuazo gainditu dituzte, ondorioz, partida oso zaila izango da Málagan goian egoteko taldea duelako”.
SUPER AMARA Bera Beraz hegaleko internazionalak onartu du Aularen aurka galdu ostean “bolada txarra pasatu dugu baina sentsazioak berreskuratzen saiatzen ari gara eta azaroko mailara heltzeko”. Marta Lópezek “ondo” ikusten du taldea “baina, zentzu batean malezia falta zaigu”, hortaz, “beroketa hasten dugunetik adi egon behar dugu partida gogorra eta beroa izango baita”. “Defentsen lana estua izango da alde batean edo bestean, horregatik, konzentrazioa mantentzea ezinbestekoa izango da, baloi galduen kudeaketa bezala eta Nuria Benzal eta Paula García pibotearen arteko jokua bezala”.
SUPER AMARA Bera Beraren etorkizuna Ligan finkatuko duen partida den galdetuta, bere iritziz, “gure helburua guztia irabaztea da eta sentsazioak berreskuratzea”. Gipuzkoarrek tartea mantenduz gero, Mecalia Atlético Guardésekiko bi puntuak, galizarren egutegia da estutzen joango dena: Porriño eta Zuazo etxetik at eta Rocasa eta SUPER AMARA Bera Bera etxean. Horregatik, Marta Lópezek dio “huts egiteko aukera bakarra badugu nahiago dut A Guardan izatea eta ez Liga erraztea”.
Asteburu luzea izan zuen Bera Bera senior taldeak, ostiralean zeraman aldea galdu zuen Portugaleten bertan behera gelditu zen partida amaieran, hortaz, Bidebietan konpondu beharko du Aiala (larunbatean, 17,45etan) eta Indupime Basauri taldeen aurrean igoera fasea antolatu nahi badu.
Garaje Axiri Pulpo aise gainditu zuen (38-12). Bestetik, beste behin, hirugarren aldiz, Bera Bera Urdina jubenil nesken taldeak Tecnifuelle Elgoibar gainditu zuen Elene Vázquezek azken segunduan sartutako golari esker (25-24). Hortaz, lidergoan da sei puntuekin. gazkiak Bera Bera senior Argazkiak Bera Bera jubenil Urdina neskak
Emaitzak
Larunbata, martxoak 4
Infantil mutilak Amenabar vs Bera Bera Urdina
Kadete neskak Bera Bera Laranja 17-15 Arantzazuko Ama KE
Senior neskak (Euskal Liga) Bera Bera 38-12 Garaje Axiri Pulpo
Jubenil neskak Untzilla Abokatuak 25-24 Bera Bera Laranja
Kadete neskak Usurbil KE A 12-27 Bera Bera Urdina
Igandea, martxoak 5
Infantil neskak Bera Bera Urdina 29-19 Orio Ikastola
Infantil neskak Bera Bera Txuria 28-25 Pitch Bidasoa B
Kadete mutilak Bera Bera Urdina 33-29 Leizaran Imatel
Infantil neskak Bera Bera Laranja 33-26 Modeltek Elgoibar
Jubenil neskak (Euskal liga) Bera Bera Urdina 25-24 Tecnifuelle Elgoibar
Bera Bera Eskubaloiko arduradun Tati Garmendiak eta Komunikazio arduradun Jabier Oterminek goizean Gipuzkoako foru aldundian antolatu den World Kafean parte hartu dute, Emakumeen nazioarteko egunaren bezperan.
Emakumeen eta Gizonen Berdintasunerako Organoak aurrera eramen du ekimena Berdintasuna eta Kontziliazioa titulupean. World Kafearen metodologian, Foru Aldundian 120 pertsona inguru elkartu dira, 14 mahaietan banaturik, hasieran oztopoak izendatu dituzte, ondoren kontziliazioa sustatzeko ekintzak zehaztu dituzte eta arlo honetan erronka bat identifikatu dute.
Ekimena oso positiboa da eta ekarpenak Gipuzkoako Foru Aldundiaren lehen Ardura Partekatuaren eta Kontziliazioaren Foru Plana loratuko dituzte. Aldun nagusi Markel Olanok itxi zuen jardunaldia martxoaren 8aren inguruko deklarazio instituzionala irakurriz.
Argazkian, Emakumeen eta Gizonen Berdintasunerako Organoko zuzendari Miren Elgarresta eta, atzean, Tati Garmendia
