Bera Bera - Berriak

25 Martxoa 2017

Lehenengo zati bikainari esker, SUPER AMARA Bera Berak Mavi Nuevas Tecnologías taldearen aurkako partida bideratu du (27-22, atsedenaldian 16-7), hamar egun zailak pasatu ostean, Alicia Fernández eta Esther Arrojeria jokalarien lesioak jakin zirenetik. Usurbildarrari Madrileko Cemtro klinikan gaur egin dioten ebakuntza ondo atera da.
Atarikoan Montse Puchek jokalari batzuen papera aldatuko zela ohartarazi zuen. Elorza central moduan aritu da, Marta López eta Maitane Etxeberria eskuin albokoan zein hegalean ondo ibili dira eta defentsan, nobedadea zen Elorza eta Sans ondoan Menéndez eta Etxeberria kokatu direla eta Aramendia eta López, hegaletan.
Hasieran, SUPER AMARA Bera Berak amorruz ekin dio partidari, Mavi Nuevas Tecnologías erabat gaindituz, defentsan nahiz kontraerasoan non Menéndez, López eta Aramendiak asmatu duten edo eraso posizionalea, Malagako internazionalak ondo irakurri baitu defentsa, eta horrez gain Menéndez eta Etxeberria erditik sartzeko aukera izan dute. 8 minutura iritsi baino lehen, 7-2.
Asturiarren aldetik Carla Gómez piboteak arazoak sortu ditu baina SUPER AMARA Bera Berak abiadura bizian jarraitu du, entrenatzaileak atarikoan zalantzan jartzen zuena. Lópezek barneraketak bilatu ditu, Múgicak penaltiak gauzatu ditu eta Menéndezek hiru gol jarraian sartu ditu taldeari tarte gehiago emanez (24 min. 14-4).
Ezkurdia eta Múgica sartu dira eta Diego Lafuente entrenatzaileak defentsa aldatu du; Montse Puchek Ane Encina sartu du, azken bi denboraldietan Errotabarri Ermuarekin zilarrezko mailan aritu dena eta aste honetan SUPER AMARA Bera Berak fitxatu duena. Mailari egokitzea eta egoera honetan ohorezko mailan debutatzea eragina izan du baina jokaturiko 20 minutuak ondo etorriko zaio legazpiarrari bere jokua erakusteko.
Atsedenaldian partida erabakita zegoen baina bigarrren zati hasieran SUPER AMARA Bera Berak gehiago nahi zuen, orain Zugarrondo atepean eta Ezkurdia hegaletik eta Judith Sansen hiru jarraian, (19-8) ezarri dute. Hortik aurrera, SUPER AMARA Bera Bera partidatik joan da, defentsak atzerago jo du eta Mavi Nuevas Tecnologíasek hutsuneak ikusi ditu bigarren zatiaren partziala bereganatuz.
Garaipen honekin, SUPER AMARA Bera Berak lidergoan jarraitzen du gaur Porriñon irabazi duen Mecalia Atlético Guardésekiko bi puntuko aldearekin eta Rocasarekiko, sei. Larunbatean A Guardan galizarrak eta kanariarrak elkarren aurka arituko dira, gipuzkoarrak aldiz Madrilen Base Villaverderen aurrean.

Fitxa: SUPER AMARA Bera Bera 27, Mavi Nuevas Tecnologías 22

SUPER AMARA Bera Bera 27 (16+11): Temprano, Etxeberria (3), López (5), Elorza (1), Ederra, Menéndez (7) eta Aramendia (2) –titular- Sans (4), Múgica (3p), Ezkurdia (2), Encina, Lizarbe eta Zugarrondo (o.a.). Deialdian: Berasategi eta Zaldua.

Mavi Nuevas Tecnologías 22 (7+15): Ruiz, Luján, Pévida (5), Faria (3), Gómez (4), Lozano (2) eta Fernández –titular- Salgado (4), Argüelles (1), Nedelcu (1), López (1), Cobo (1), Blanco eta M. Fernández (o.a.)

Epaileak: Efrén Vázquez eta Julio Posada (Madril) Kanporatuak: Sans, Ezkurdia, Menéndez, Lizarbe eta Encina Super Amara Bera Beratik eta López eta Pévida Mavi Nuevas Tecnologíasetik

Partzialak: 4-1, 7-3, 8-3, 10-5, 14-6, 16-7 – atsedenaldia- 21-8, 22-11, 22-14, 25-18, 26-21 eta 27-22

24 Martxoa 2017

Euskal liga amaitzeko hiru jardunaldi gelditzen direnean, Bera Berak igande eguardian Bidebietan egun puntu bakarreko aldearekin Indupime Basauri taldeari lidergoa kendu nahi dio, izan ere donostiarrak multzo lehenengoak bukatu nahi dute lauko finala Bidebietan antolatze aldera.

Martxoak 24, ostirala
Andoain 17,00 Kadete neskak Bera Bera Laranja vs Leizaran
Martxoak 25, larunbata
Beraun     10,15 Infantil neskak Ereintza Aguaplast vs Bera Bera Laranja
Bidebieta 14,30 Infantil neskak Bera Bera Txuria vs Hernani B
               16,00 Kadete neskak Bera Bera Laranja vs Tolosa B
Gasca      16,00 Kadete mutilak Bera Bera Urdina vs Urola Goierri Bus
Gasteiz    17,00 Kadete mutilak Corazonistas vs Bera Bera Laranja
Martxoak 26, igandea
Bidebieta 9,30 Infantil neskak Bera Bera Urdina vs Leizaran Eskubaloia A
              11,00 Kadete neskak Bera Bera Urdina vs Usurbil A
              12,30 Senior neskak Bera Bera vs Indupime Basauri

Jubenilak, Jordi Riberarekin saioa

Nerea Álvarez eta Anne Gorostidi eta Espainiako eta Euskal federazioak antolaturiko entrenaldian izango dira, bertan Jordi Ribera, Espainiako gizonezkoen hautatzaileak eta Hugo Sánchez Euskadiko kirol zuzendariak zuzenduko dute saioa, Leioan burutuko dena eta bi egun iraungo duena, bihar eta etzi.

24 Martxoa 2017

Fremapi esker, Bera Beraren mutualitatea, Esther Arrojeriari eskuin belauneko lotailu gurutzatua konpontzeko ebakuntza bihar larunbata egingo diote Madrileko Cemtro klinikan. Duela astebete Espainiako goreneko selekzioarekin entrenatzen ari zela Errumanian Arrojeriak mina hartu duen. Egindako erresonantziak haustura berretsi zuen. Hortaz, Usurbildarra gaur arratsaldean Madrilera abiatuko da eta bihar lehenengo orduan Cemtro klinikan egingo du ospitalatzea eta belaunean aditua den César Flores medikuak egingo dio ebakuntza. Kasu hauetan ebakuntza ostean errekuperazioak sei hilabete inguru iraun ohi du.

24 Martxoa 2017

Montse Puchek onartu du gaur goizean Esther Arrojeria –bihar egingo diote ebakuntza- eta Alicia Fernández jokalarien lesioak “kluban shock egoera eragin dutela”, hortaz, bere taldeak “hasteko guztia astean zehar onartzen igaro du eta bigarrenik moldaketa lana egin behar izan du egoera berri honi heltzeko”. SUPER AMARA Bera Berako entrenatzaileak aurreratu du “agerian da zerbait aldatu behar dugula”, eta bi arlo aipatu ditu, batetik “jokalari batzuk lekuz aldatu beharko dute” eta bestetik, jokuari ematen dioten abiadura “urtean zehar landu dugunarekin modu horretan jokatzen jarrai dezakegu edo agian martxa bat jaitsi”. Horregatik, bihar partidari begira (larunbata, 18etan) Bidebietan (Efrén Muñoz eta Julio Posada, Madril) “etorkizuna finkatuko du, taldeak nola erantzungo dion egoerari ikusiko dugu, lehiaketa aurrera doa eta guztia eman behar dugu” adierazi du Puchek. SUPER AMARA Bera Berak helburuak aldatu behar baditu galdetuta, entrenatzaileak mezua bidali du esanez “bajaz aparte, kalitate handiko jokalarik ditu plantilla honek”. Aurkariari buruz, Puchek azpimarratu du Gijongo Mavi Nuevas Tecnologías taldeak Loterías Ligara “aurten igo arren, bertan beste urtebetez egoteko aukera ugari ditu”. “Gauzak ondo egin ditu, lehiaketak jartzen dituen trabak gaindituz eta jokalari onak ditu Marizza Faria edo Lozano esate baterako eta defentsan jokalari handiak”. Azkenik, Puchek zalegoari deia egin dio, “jokalari hauei eskua botatzea etor daitezela babesa sentí dezaten”. Entrenatzaileak uste du “urteak pasatu ahala geroz eta zailagoa jartzen zaigu, bere garaian oinarrizko bi jokalari galdu genituen, iaz erretiroa hartu zuten beste lau eta aurten lesioak”, Ana Martínez aurretik eta orain Arrojeria eta Fernández “gainditu behar diren zailtasunak” amaitu du. Biharko partidarako, Puchek 15 jokalari deitu ditu, horien artean Ane Encina eta Eider Lizarbe.

23 Martxoa 2017

Canyamelar Valencia, Elche Mustang, KH7 BM Granollers eta Aula Valladolid taldeek 18. Jardunaldia osatzen dutenean, Loterías Liga amaitzeko zortzi partida geldituko dira bi etenaldi medio, Aste Santukoa eta Kopakoa (apirilaren 29, 30 eta maiatzaren 1). Sailkapenari so eginez, lau Liga agertzen dira. Behetik, Esencia 27 ULE Cleba León (5 puntu), Base Villaverde (6) eta Canyamelar Valencia (7) jaitsiera postua saihesten saituko dira, valentziarrek Elche Mustang gertuago izango dute bertan behera gelditu zen partida irabaziz gero. Horren ostean, lau taldeko multzoa dator: KH7 BM Granollers (10 puntos), elxetarrak (11), Helvetia Alcobendas (11) eta Mavi Nuevas tecnologías (13) gora begira datozenak, nahiz eta despistatzea ez zaien komeni. Sailkapenaren erdialdetik goruntz laugarren postuaren bila lau talde: Aula Valladolid (20 puntu), Rincón Fertilidad (22), Godoy Maceira Porriño (24) eta Prosetecnisa Zuazo (25). Rocasak Madrilen irabazita Loterías Ligarako aukerak ditu Mecalia Atlético Guardés eta SUPER AMARA Bera Bera aurkari izango dituelako, galizarrak lau puntura dituzte kanariarrek eta gipuzkoarrak, seira. Egutegia Rocasak larunbatean Helvetia Alcobendas hartuko du, A Guarda egingo du bidaia ostean eta Telden Godoy Maceira BM Porriño eta Esencia 27 ULE Cleba León izango ditu Kopa aurretik. Mecalia Atlético Guardés, berriz, egutegiko zatirik zailena burutuko du orain. Godoy Maceira BM Porriñori egingo dio bisita, Rocasa izango du aurrean A Guardan, Barakaldora egingo du bidaia eta Aste Santu ostean eta Kopa aurretik, apirilaren 22an, SUPER AMARA Bera Bera hartuko du. Bestetik, Loterías Ligako 2016-17 denboraldiko partida erabakiorra jokatu aurretik, gipuzkoarrek larunbatean (18etan) Bidebietan Mavi Nuevas Tecnologías hartuko dute, Base Villaverde izango da hurrengo aurkaria Madrilek eta Helvetia Alcobendas izango da Bidebietan hurrengo astean. Ligako zati honetak taldeak bajak nola hartzen dituen jakingo da. Lau partida hauen ostean, Kopa pasata, maiatzean azken lau jardunaldiak jokatuko dira.