10 Apirila 2017

Lehengo igandean Euskal Ligako azken partida irabazita, GF Zuazori 31-19, Bera Bera da aurtengo txapelduna ligaxkan, 21 jardunaldietatik 19 irabazita eta bakarra berdinduta. Sailkapen nagusian Aiala Zarautz bigarren izan da, Indupime Basauri gaindituta. Portugaleteko Jarrilleras da lauko finala jokatuko duen beste taldea, apirilaren 21etik 23ra bitartean burutuko dena.
Harrobiko beste bi taldek jokatu zuten asteburuan, larunbatean Hernanin 33-32 galdu zuten Bera Berako mutilen kadeteek eta 24-30 Bera Bera Laranja jubenil taldeak Bidebietan Legazpiko Untzilla Abokatuak taldearen aurka.
Argazkiak Juan Antonio Garaikoetxea
Bera Bera Laranja
Bera Bera senior

08 Apirila 2017

Lehengo asteburuan ez bezala, gaur SUPER AMARA Bera Berak Helvetia Alcobendasek planteatu dion defentsa irekia gainditzeko giltza segituan aurkitu du eta 11. minutura iritsi baino lehen norgehiagoka aise menperatu du (6-1). Giltza pibotean zegoen, izan ere, Ederrak lehen gola sartzeaz gain hurrengo bi asistentziak eman dizkeie Menéndez eta Elorzari taldea 3-0 aurretik jartzeko. Gainontzekoak defentsak egin du, intentsitatea handikoa madrildarrek lehenengo lerroak egin duen jokoa oztopatuz, non Gandulfo, Andreu eta Aleksic arazoan zituztez eta ondoren Azurmendi donostiarrak baliabide gehiago eskaini ditu. Eta horren ostean Temprano zegoen, 6-0 defentsaren lana berretsi duena, Elorza, Sans, Etxeberria eta Menéndez erdian eta López eta Ezkurdia hegaletan osatua. Hortaz, SUPER AMARA Bera Berak kontraerasoak gauzatu ditu López, Menéndez eta Ezkurdiarekin eta joku geldoan, Etxeberria bikain egon da eskuin alboko jokalari gisa (13-4). Minutuak pasatu ahala, bertakoen abantaila geroz eta zabalago zen Alcobendasen entrenatzaileak birritan norgehiagoka gelditu arren. Azkenekoan ia banakako defentsa agindu du, gipuzkoarrek aise gainditu dutena. Abantailari esker, Puchek eserlekua mugitu du Múgica, Aramendia eta Lizarbe sartuz eta bigarren zatian Berasategi, Encina eta Zaldua, Menéndez eta Etxeberriari atsedena emanez. Bigarren zati honetan Helvetia Alcobendasek defentsa itxi du eta horrek zailtasunak eman dizkio SUPER AMARA Bera Berari. Erasoan, madrildarrek Navas Flox aurkitu dute baina donostiarrek 3-0 partziala lortu dute Ezkurdia, Sans eta López jokalarien golei esker partida (24-14, min 53) kontrolpean jartzeko. Norgehiagoka amaieran Ane Encinaren gola iritsi da, SUPER AMARA Bera Berarekin aurrenekoa, Emua eta Legazpitik etorritako jendeak ederki asko ospatu duena. Hortaz, donostiarrek helburua bete dute, hau da, Loterías Ligako partidarik garrantzitsuenetan, apirilaren 22an A Guardan Mecalia Atlético Guardésen aurka, lider izatea. Fitxa: SUPER AMARA Bera Bera 27, Helvetia Alcobendas 17 SUPER AMARA Bera Bera 27 (16+11): Temprano, Etxeberria (4), López (5, 2p), Sans (2), Elorza (3), Menéndez (3) eta Ezkurdia (3) –titular- Ederra (3), Múgica, Lizarbe, Aramendia (3), Encina (1), Berasategi, Zaldua eta Zugarrondo (o.a.). Helvetia Alcobendas 17 (9+8): Ciobanu, Navas Flox (4), Gandulfo (4), Andreu (3), Aleksic (1), Ausàs, Cardador (1) –titular- Azurmendi (3), Fernández, Tanic, Llopis (o.a.), Mejia, Boada (1p), San José. Epaileak: Josu Ansoleaga eta Aitor Izquierdo (euskaldunak) Kanporatuak: Elorza (2) eta Sans SUPER AMARA Bera Beratik eta Gandulfo Helvetia Alcobendasetik Partzialak: 1-0, 5-0, 8-2, 11-3, 13-4, 16-7 –titular- 18-9, 19-9, 19-12, 20-13, 26-15 eta 27-17

07 Apirila 2017

Lehengo asteazkenean Irungo San Juan enparantzan, SUPER AMARA Bera Bera eta CD Bidasoa-Irun taldeek #GipuzkoaActiveHacking martxan jarri zuten, kirola kalean egiteko abian jarri den ekimena.
Gipuzkoako Foru Aldundiko Kultura, Gazteria eta Kiroletako Departamentuak sustatuta, SUPER AMARA Bera Berako hiru jokalari: Patri Elorza, Silvia Ederra eta Leire Aramendia eta beste horrenbeste CD Bidasoa-Irun taldetik: Asier Zubiria, Jon Azkue eta Markel Beltza eskubaloi pista osatu zuten Irungo enparantzan eta SUPER AMARAko erosketako orga atezainarik gabe ate moduan jarri zuten. Talde mistoak egin zituzten eta eraskutaldia ostean, neska-mutilak sartu ziren joku ezberdinak egitera horien artean dibertigarriena bola-irenslearena izan zelarik.
Europako proiektu baten baitan kokaturik, ekimen honen bidez Foru Aldundiak gazteriari adierazi nahi dio kalea ere jokutarako eremu aproposa dela, kiroletarako edo jarduera fisikoetarako. Horrela, #GipuzkoaActiveHacking se hashtag irekita dago sare sozialetan argazkiak edo bideoak igotzeko.

07 Apirila 2017

Iaz Helvetia Alconbendasen aurka Bera Berak Loterías Ligako laugarren txapelketa eskuratu zuen Bidebietan azken jardunaldian. Bihar, berriz, 18etatik aurrera leku berean (Josu Ansoleaga eta Aitor Izquierdo, Euskadi) SUPER AMARA Bera Berak gainditu beharko duen aurkaria izango da Liga jokoan izango den 22. Jardunaldira begira A Guardara abantailarekin joan ahal izateko.
Horretarako taldearen asmoa da lehengo larunbateko jokoa hobetzea. Montse Puchek deialdi bera osatu du biharko baina donostiarrak komentzituta daude partida abantaila handigorekin ateratzeko, betiere aurkaria errespetatuz, denboraldi osoa lesioekin gorabeherak izan dituen Helvetia Alcobendas. Izan ere, azken asteetan ebakuntzak egin dizkieta Teresa Francés, Alba García eta Mónica Ausàs jokalariei. Hori dela eta, Aleksic eta Tanic serbiarrak fitxatu dituzte.
SUPER AMARA Bera Berako lau jokalari izan ziren Alcobendasen: Marta López, Maite Zugarrondo, Judith Sans eta Leire Aramendia; Nora Azurmendi donostiarra, aldiz, hirugarren urte betetzen ari da madrildarrekin. Taldearekin entrenaldiak burutu arren, Ana Martínezek ez du oraindik kirol altarik, hortaz, beste astebete itxaron beharko du.
Loterías Ligako 21. jardunaldia asteazkenean jarri zen martxan Telden, non Rocasak Godoy Maceira Porriño gainditu zuen, gaur ostirala Aula Valladolidek Base Villaverde hartuko du eta bihar Lasesarren Mecalia Atlético Guardések Prosetecnisa Zuazori egingo dio bisita.
A Sangrinan apiralen 22ko partidara abantailarekin iristea da SUPER AMARA Bera Beraren helburua.
Argazkia: Juan Antonio Vizcaíno