Bera Bera - Berriak

08 Iraila 2012

Bera Bera Eskubaloiak abantailak kudeatzen jakin izan du gaur Porriñon emakumeen eskubaloi ligako ohorezko mailako aurreneko puntuak lortze aldera. Donostiarrak, aurreneko zati amaiera onari esker bost goleko aldea lortu dute eta aurkariari argi adierazi diote puntuak bereganatu nahi zituztela.

Iazko denboraldia bezala, partida joan ahala hobeto sentitu da Bera Bera. Aurreneko minutuetan berdintasuna zen nagusi, donostiarrek bost minutuero lau gol jasotzen zituzten, Reyes Carrere entrenatzaileak onartzen dituen kopuruen mugan.

Erasoan, lehenengo zati erdian izandako hutsunea izan ezik, Bera Bera eraginkorra izan da, batez ere lehenengo lerroa eta Matxalen Ziarsolo kontraerasoan.

Bigarren zatian, Bera Berak markagailuan zuen aldea ondo kontrolatu du. Pixkanaka pixkanaka aldea zabaldu du defentsa baliatuz. Izan ere, BM Porriñok sei gol bestetik ez ditu lortu bigarren zatiko aurreneko 20 minutuetan.

Horrela, hamar minutu falta zirela, Bera Berak adina goleko abantaila zuen, partida amaieran mantendu duena, alegia. Ondorioz, oso hasiera ona Bera Berak aurtengo denboraldiari eman diona.

Donostiarrek Bidebietan ligan egingo dute debuta datorren larunbatean, iralak 15, (19etan) Itxakoren aurka eta ia jarraian, irailak 18 asteartean, hirugarren jardunaldiari ekingo diote Kukullaga Etxebarri taldearen aurka etxean ere bai, Bera Berak irailaren 22 eta 23an Champions Leaguen debuta egingo baitu.

Fitxa: BM Porriño 22 – Balonmano Bera Bera 32

BM Porriño 22 (11+11): Alba Araujo, Aloa Martínez (1), Estela Doiro (2), Alicia Fernández (6), Isa Bastero, Nekane Terés (4), Paula Fernández (3), Iris Sanjuan (o.a.), Maialen Mujika (2), Ana Rodríguez (2), Sandra Costas (1) eta Rivas (1).

Bera Bera 32 (16+16): Zoqbi, Altuna (1), Cuña (4), Rubio (7), Elorza (6), Núñez (1) y Pinedo (2)–titularra- Ziarsolo (4), Dunay (1), Menéndez (1), Ederra (3) eta Castro (2).

Epaileak: Casado Fernández eta Vera Ávila (Andaluzia)
Kanporatuak: Isa Bastero eta Alicia Fernández Porriñotik eta Elorza, Pinedo, Núñez (2) eta Ederra (2) Bera Beratik.

Partzialak: 2-3, 4-5, 6-6, 8-8, 10-12, 11-16 –atsedenaldia- 13-18, 14-20, 16-23, 18-29 eta 22-32

06 Iraila 2012

Emakumeen eskubaloi liga hastear dago. Txapelduna izateko lehian askok Bera Bera Eskubaloia jarri dute aurrena, klubean onartu den papera. “Plantilla dugu lehiatzeko, goian egoteko” adierazi du Reyes Carrere entrenatzaileak “halere, inork gutxik bermatzen digu hori horrela izango denik, bestela etxean geundeke” dio barre-irriz. Bere ustez “iaz egindako lana egiten ari gara, agian intentsitate handiagoa da aurtengo, argi dagoena da arrakasta lanaren bitartez lortuko dugu”. Horrela, Bera Bera ligari ekingo dio irailaren 8tik aurrera, datorren larunbatean (18etan) Porriñon hasiko baitu aurtengo ibilibidea. “Ohorezko mailan urte bete egin dute eta aurten jokalari batzu fitxatu dituzte taldearen jokoa hobetuko dutenak” azaldu du Reyesek. Bera Berako entrenatzaileak onartu du bere taldea faboritotzat jotzea. “Ez gaude hemen gainontzeko taldearen maila jaitsi delako, Bera Beraren ibilbideak horrelakorik eskatzen zuelako baizik eta hori dela eta faboritoak izateagatik sentitu behar dugun ardurarekin lehiatzen jakin behar dugu”. Bere ustez, “bi hilabete barru ezagutuko ditugu txapeldun izateko aukerak dituzten taldeak”, halere azpimarratu du “azken urte hauetan Alcobendasek egin duen ibilbidea ona; Elchek talde ona egin du; BM Rocasa izan daiteke sorpresa, BM Porriño ere ondo ibilliko da…” Cuña: “Etxean hasteko gogokin nago” “Oso gustora etxean hasiko garaleko” dio Porriñon jaiotako Veronica Cuñak. Aurtengo Bera Beran ardura gehiago izango duen galiziarrak “ilusio handiz gaude” onartu du. Taldeak egin duen aurredenboraldiarekin “pozik” dago, “Reyesek eskatzen digun jokua egunez egun hobetzen saiatzen gareleko”. BM Porriño taldeaz “gaztetasuna eta gogoa” azpimarratzen ditu. Bere ustez “erdi mailan arituko den taldea izango da eta Estela Doiro eta Isa Bastero jokalariak aipatzen ditu, azken honek ardura hartzen duelako une garrantzitsuenetan”.

05 Iraila 2012

Bera Berako harrobi guztia martxan dago, senior mailako jokalariak, kadete nahi jubenilek abuztuan hasi zituzten entrenaldiak eta atzo infantilak hasi ziren Bidebietan korrikan.

Astelehenetik aurrera eskola jarriko da abian. Iaz bezala, Bidebietan bilduko dira 8 eta 12 urte bitarteko gazteak (mutilak ere bai) arratsaldeko 6,30etatik 7,30etara kirolean eta eskubaloian aurreneko urratsak emate aldera.

Verónica Valverderen gidaritzapean, gazteek joku ezberdinak betetzen dituzte, baloiarekin eta baloirik gabe, mugimenduen koordinaziorako mesede diren ariketak egiten dituzte eta gehienetan partida batekin amaitzen dute saioa. Ikus bideoa.

Bera Berak gurasoei aukera eman nahi die seme-alabak eskola frogatzeko, izan ere, irailean gelditzen diren hiru astelehenetan (10, 17, 24) ateak irekiko ditu eta urrian jarraitu ala ez erabakitzeko.

05 Iraila 2012

Pasa den larunbatean Bidebietan ospatu zen Superkopak 2012-13 denboraldia ireki bazuen ere, datorren larunbatean ligako lehenengo jardunaldia abian jarriko da. BM Porriño- Bera Bera Eskubaloia partida izango da liga irekiko duen partida, arratsaldeko 6etan hasiko baita Vigoko udalerri honetako udal kiroldegian. Ordu erdi beranduago ekingo diote Lizarrerian Asfi Itxako-Alcobendas taldeek; 7etan Castro Urdialesek Kukullaga hartuko du; 7,30etan Castelldefels-Valencia Aicequip, Zuazo Barakaldo-Mar Alicante eta BM Rocasa-Mecalia Atl. Guardés hasiko dira eta Cleba León-Elche Mustang partida interesgarriak itxiko du jardunaldia. Aste honetan Bera Beraren asmoa zen Mios Biganosen aurka lagunartekoa jokatzea Frantzian. Halere, partida bertan behera gelditu da data kontuak direla medio. Horrela, atzo arratsaldean Usurbileko mutilen kontra aritu ziren donostiarrak Bidebietan, gaur jai dute, bihar entrenatuko dira eta ostiralean autobusez egingo dute bidaia. Aurreneko bi bidaiak gainera Galizara egingo ditu Bera Berak, izan ere, laugarren jardunaldian Mecalia Atl. Guardes taldeak izango du zain irailaren 29an. Viborgen Champions League Iraila gogorra izango dute donostiarrek. Bera Berak Bidebietan egingo du debuta irailaren 15ean Itxakoren aurka (19etan), hiru egun beranduago Kukullaga Etxebarri taldea hartuko du (irailaren 18an, 19,30etan) Champions Leagueko multzoen fasera pasatzeko kanporaketa hobeto prestatze aldera aurreratu da partida. Bera Bera irailaren 21ean, ostirala, iritsiko da Danimarkara. Larunbatean (16etan) finalerdia jokatuko du Viborgen Poloniako txapeldun Vistal Laczpol Gdynia taldearen aurka -13etan Vigorg HK-Brühl- eta poloniarrak gainditu ostean finala igandean izango du jokoan 16,50etan. Galduz gero Errekopako txanda bat ekiditzea izango du helburu 14etan hasiko den partidan.

04 Iraila 2012

Bera Bera eta Itxakoren arteko Superkopako atsedenaldian zozketatu zen pasa den larubatean Pasai Donibaneko Yola Berri Jatetxean bi lagunentzako afaria. 336 zenbakia duen papertxoa atera zen baina ez zegoen une horretan Bidebietan. Halere, zenbaki hori eskuartean duena Bera Berako bulegoetatik pasa daiteke oraindik.