Larunbatean Leonen gertatutakoaren aurrean “lasaiago” dagoela onartzen du. “Puntu bat galdu bagenuen ere, puntu bat gehiago dugu sailkapenean eta hori da garrantzitsuena” azpimarratzen du liga paretsua eta maiatzararte luzatuko dena kontutan hartzen badugu.
Halere ezin ditu burutik kendu bigarren kanporatzea eta ondoren ikusi zuen txartel gorria, partidako azken minutuetan gertatu zirenak eta erakagarriak izan zirenak. Bera Bera Eskubaloiak bi goleko abantaila zuen zazpi minutu falta zirela. “CLeba Leongo jokalaria ikutu ez nuen egin jokaldi batean epaileek falta adierazi zuten eta, horrez gain, bi munutu kalera bidali ninduten” azaltzen du arabarrak.
"Ez zara enteratzen"
Aurretik, donostiarrek epaileen hainbat erabakik zalantzan jarri zituzten eta Elik “ez dut ikutu, ez zara enteratzen” esan zion epaileari, txartel gorria ikusiz eta bi minutuko kaleratzea. Ondorioz, Bera Bera Eskubaloiak lau minutu jarraian jokatu zuen sei jokalariekin. Pinedo partida bikaina jokatzen ari zen gainera, izan ere, taldeko golegi nagusia izan zelarik.
Eli Pinedoren ustez neurriz kanpo zegoen txartel gorria, “ez zegoen mespretxurik ezta irainik ere”, horregatik, bestelako zigorrik ez du espero eta urriaren 29an Bidebietan BM Porriñoren aurka jokatzea espero du ezker hegalak.
Egun hauetan, Espainiako selekzioarekin dago arabarra, izan ere, Europako txapelketa parte hartu ahal izateko aurreko faseko partidak jokoan dituzte. Ostegunean Islandiaren aurka Leganesen, larunbatean Genevara egingo dute bidaia eta igandean Suizaren aurka neurtuko dira Thonex herrian. “Aise irabazteko partidak dira teorian” adierazi du aurten atseden hartuko ez duen Bera Bera Eskubaloiko jokalariak.
Errenterian eman zen partidarik intesgarriena, Ereintza Aguaplast eta Bera Bera Egia kadete 2 taldearen artean mailako lidergoa jokoan baitzegoen. Donostiarrak 14-23 nagusitu ziren, ondorioz, aurrenak dira sailkapenean. Era berean, Bera Bera Kadete 1 taldeak 16-19 irabazi zion Aloña Mendi Bri Oñatin.
Igande eguardian Bidebietan, Bera Bera Egia jubenil taldea 28-16 nagusitu zen Urnietakoren aurrean. Infantilek ez zuten mailarik eman. A taldeak 17-4 galdu zuen Udarregiren aurka eta B taldeak 21-1 CDB Leizaranen aurrean.
Datorren asteburuan jubenil taldeak Zarautzen jokatuko du Aiala ZKE taldearen aurka eta Bidebietan, batetik, kadeteek Aloña Mendiko bi taldeen aurka, bestetik, infantil A taldeak CDB Leizaran jasoko du eta B taldeak, aldiz, Udarregi.
Liderrak parez pare kadeteetan
Errenterian izango da norgehiagoka bihar. Bera Bera Egia kadete 2 taldeak Ereintza Aguaplasten aurka jokatuko du Errenteriako udal kiroldegian arratsaldeko 4etatik aurrera. Jokatutako hiru partidak irabazi dituzten mailako talde bakarrak dira Bera Bera Egia eta Ereintza.
Bestalde, Bera Bera Egia 2 taldeak igandean jokatuko du, 10,30etatik aurrera Aloña Mendi B taldearen aurka, Oñatiko Zubikoa kiroldegian.
Eta igandean ere bai, jubenilek Bidebietan Urnietakoren aurka eguardiko 12etan.
Zarauzko hegala hilabete darama taldearekin entrenatzen, askotan arreta handiz baina egunez egun biziago. Horregatik Reyes Carrerek Cleba Leon taldearen aurka jokatzeko 14ko zerrendan sartu du Alba.
Bera Bera Eskubaloiak horrela beteko ditu Dara Carvalhok eta Antonella Menak utzitako hutsuneak, Joku Panamerikarretan debuta bihar egingo dutelarik.
400 kilometro
Taldea goizeko 11etan autobusez irtengo da, Burgoseko Olmillos de Sasamonen bazkaldu ostean Leongo udal kiroldegira iritsiko da arratsaldeko 4,30ak aldera, donostiarrek guztira 394 kilometro beteko dituzte. Cleba Leonen aurkako partida bi ordu beranduago hasiko da, etxean lortutako hiru puntuekin dago Leongo taldea, Kukullagari irabazi eta Elda Prestigiorekin berdindu esker.
Aitzitik, ez du punturik lortu etxetik kanpo Itxako eta Ucam Murciaren aurka. Biharko partidari begira, Juceli Aparecida pibotea baja izango da ezker eskuin metatartso bat puskatu eta gero.
Honen aurrean, Bera Bera Eskubaloiak ezin du lasaitu, izan ere, iaz berdinketa baino ez zuen lortu eta pasa den larunbatean Mar Alicanteren aurka gehiegi sufritu zuen Bidebietan.