Horretarako, talde osoa du prest Reyesek. “Internazionalak konpetizio erritmoarekin itzuli dira eta egun hauetan gainontzeko jokalariekin saioak intensitate handiz osatzen saiatu gara eta, era berean, partidako tentsioak leuntzen”.
BM Porriño taldearen inguruan, Reyesek dio “joku ona egiten ari dira, Itxakori asko kostatu zitzaion Galizan irabaztea eta Isa Bastero garrantzi handiko jokalaria da beraientzat”. “Lan asko egin beharko dugu irabazteko” ohartarazten du.
Porriñoren aurkako norgehiagokarekin, sei partidako zikloa irekiko dute bihar donostiarrek Bidebietan, Brasilgo Mundiala dela eta azaroaren 16tik urtarrilerarte liga geldituko baita.
Bera Bera Eskubaloiak jokatu behar dituen partida hauen aurrean, Reyes Carrere baikor da “gerta zitekeen onena delako”. “Entrenatzen dugu norgehiagokak jokatzeko eta gustokoena jokatzea da” dio. “Taldea lehiaketetan sartzeko prest dago eta jakin badakigu Europan aritzeak zer dakar, hau da, errekuperatzeko egun gutxi, lan asko eta konpetizio bat bestearekin txandakatu, alegia” amaitu du.
Bera Bera Eskubaloi taldeko piboteak “pozik” dira bizi duten esperientziarekin. Alde batetik, Darak hasperen eginez “helburua lortuta” dio, izan ere, Brasil faborito nagusia zen urrea eramateko eta, ondorioz, 2012an Londreseko Joku Olinpikoetan parte hartzeko txartela eskuratuz. Horrez gain, hamaika entrenamendu egin ditu Darak. “Abenduan Brasilen emakumezkoen eskubaloi mundiala ospatuko da eta erronka horri begira lan egin dugu” azaldu du.
Bestalde, Antonella pozik zegoen “asko jokatu dudalako” eta konpetizio erritmoa hartu duelako. Multzoak ikusirik, Brasilen aurka jokatu nahi zuen finala Argentinak “finalerdietan oso gaizki jokatu arren eta, gehiegi sufrituz, Dominikar Errepublikari irabaztea lortu genuen” adierazi du. Hori bai, finala kolore bakarra izan zuen, oria, alegia.
Antonella atzo entrenatu zen taldearekin eta gaur Darak osatu du saioa. Bi piboteek BM Porriño taldearen aurkako partida dute burubelarri, larunbatean Bidebietan arratsaldeko 7etan jokatuko dena, hain zuzen.
Eta puntuak binaka poltsikoratzen dituena Bera Bera Egia kadete 2 taldea da. Atzo Oñatin Aloña Mendi ‘A’ taldea 10-23 menperatu zuten donostiarrek. Seitik sei eta sailkapenean lidergoan bakarrik dira. Bestetik, kadete 1 taldeak 19-13 galdu zuen Casa Astigarraga Elgoibarren aurka, datorren igandean Bidebietan 12etan kadete 2 taldeak jasoko duen taldea, hain zuzen. Bera Bera kadete 1 taldeak 10etan jokatuko du leku berean Ordizia Irurenaren aurka.
Bidebietan larubatean arratsaldeko 7etan ohorezko mailako taldeak Balonmano Porriñoren aurka jokatzeaz gain, Bera Bera Egia infantil mailako bi taldeen arteko norgehiagokarekin asteburua osatuko da, larunbatean Bidebietan, 10,30etatik aurrera, hain zuzen.
Euskadin ordu txikiak zirela jokatutako partidan, Dara Carvalhoren selekzioak 15-5 partzialari esker lehenengo zatian erabaki du finala. Bera Bera Eskubaloi taldeko pibote titularrak 28 minutu jokatu eta bi gol sartu ditu norgehiagokan. Antonella Mena pibote argentinarrak, berriz, gol bakarra sartu du 29 minutuetan.
Horrela, Dara Carvalho urrezko dominarekin eta datorren urtean Londreseko Joku Olinpikoetan parte hartzeko txartelarekin itzuliko da Donostiara. Era berean, Antonella Menak txapelketa ona burutu du zilarrezko domina lortuz. Argentinarra gehien jokatu duen selekzioko bigarren jokalaria izan da, partidako bataz beste 46 minutu pistan egon delarik.