Aurredenboraldiko frogarik garrantzitsuena zen, orain arte egindako lanaren inguruan ondorioak emango dituena. Reyes Carrerek plantilla osoa izan du, aurreneko aldiz, Pinedo eta Elorza bertan zirelako eta laterala hasiera hasieratik ezker aldean kokatu da.
Galdu arren, antzeman zaio Bera Berari baliabideak dituela, defentsarako grina, kontraerasoan azkar irteteko asmoa eta, hobetzearren, erasoan baloi gehiegi galdu dituela aurkarien gol errazak baliatuz.
Arabarrak leku garrantzitsua izango du aurtengo Bera Beran, defentsan eta erasoan. Elorzak sartutako hiru golei esker, donostiarren eraso jokoa arnasa hartu du, partida berdintzeko balio izan dituzte, berdinketa atsedenaldirarte mantenduz. Mios Biganosen lehenengo lerroak, berriz, min egiten zion Bera Berari.
Hamar minutu falta zirela, nabaritu da Eider Rubio atera dela. Lau gol sartu ditu jarraian, era ezberdinetakoak –Eli Pinedoren laguntzarekin fly bat aipagarri- halere, donostiarrak aurpegian indar handiko baloikada jaso du eta eserlekura eraman dute. Badaezpada ez du gehiago jokatu. Bera Berak defentsa indartu du atsedenaldira gol bateko abantailarekin iritsiz (14-13).
Bigarren zatian, Frantziarren defentsak Bera Beraren erasoan akatsak eragin ditu eta kontraerasoen bitartez –Maubonek bost gol sartu ditu ia jarraian-, 12 minutuetan aurretik jarri dira lau goleko aldearekin (18-22).
Cuña –jokalari onena izendatu zuten- eta Zoqbi berriro bueltatu dira Bera Bera lasaitze aldera. Miosek 6-0 defentsa gainditzeko arazoak zituela baliatuz, Bera Berak korrika egin du Libe Altunaren bitartez eta Nuñez eta Ederra pibotean hutsunea topatu du partida berdindu ahal izateko (23-23).
Bost minutu falta zirela, Jongenellen barneraketak eta Jurgutyteren kontraerasoa bat gauzatu dituzte eta Bera Berak ezin izan dio partidari bueltarik eman.
Bera Bera 26 (14+12): Zoqbi, Altuna (4), Menéndez (2), Cuña (2p), Ederra (2), Elorza (4) eta Ziarsolo (1) –titularra- Pinedo (1), Rubio (4, 1p), Dunay (2), Castro, Núñez (3), Arizaga (1) eta Yamiley (o.a.)
Míos Biganos: 29 (13+16): Muñoz, Durand (3), Jongenellen (5), Filipovic (3), Jurgutyte (4), Ciavatti (1), Lewille (2) –titularra- Maubon (5), Mireya González (1), Luzonova (3, 1p), Degoue (1) Vigner (1) eta Foggea (o.a)
Epaileak: Javier Ramiro eta Harkaitz Mendizabal Kanporatuak: Menéndez, Elorza, Doce Castro Bera Beratik eta Jongenellen, Filipovic, Vigner eta Mireya González Míos Biganosetik.
Partzialak: 1-3, 5-5, 6-7, 7-9, 10-10, 14-13 –atsedenaldian- 15-17, 18-20, 19-23, 23-23, 25-25 eta 26-29.
Komunikabideen aurrean bertan bildu ziren instituzioetako ordezkariek, babesleek, lurraldeko klubek eta harrobiko gazteek aurten Bera Bera osatzen duten 14 jokalariak gertutik ikusteko aukera izan zuten, Superkopa, Champions, Kopa eta Liga bezalako ilusio handiko erronkei ekingo diete 2012-13an donostiarrek.
Klubeko presidenteak, kapitainak eta entrenatzaileak Bera Berari eman dioten faborito papera onartu zuten. Fernando Diez Mintegik “kemena eta elkartasuna” eskatu zituen, laguntza eskertzeaz gain inplikazio gehiago eskatu zien kluba berari, babesle zein zaletu eta instituzioei “ez diru gehiago –gutxiago, ezta ere- bai izapideak arintzeko eta babesleak lortzeko laguntza, inbertsioa txikia delako eta laster berreskuratzen dena”.
Matxalen Ziarsolok taldeak duen faborito paperak “ez du gurean eraginik izango, beti bezala gure lana egingo dugulako”. Horrela taldekide berriei Patri Elorza, Doce Castro, María Núñez, Nitsan Dunay eta Silvia Ederrari “ongietorria” eman ostean, Elorza eta Eli Pinedo zoriondu zituen Londreseko brontzezko domina lortzeagatik. Kapitainak “eskubaloiak hartu duen oihartzuna handia izan da” goraipatu zuen eta publikoari “gure jokuarekin gozatzea” eskatu zion.
Bestalde, Reyes Carrere entrenatzaileak ez zuen zalantzarik izan “Liga irabazteko faboritoak gara” onartzeko “plantillarik onena dugulako eta babesturik sentitzen garelako”. “Denbora asko daramagu momentu honi heltzeko eta prestaturik gaude zin dagizuet, jokalari onenak ditugu eta bai instituzioek bai zaletuek bat egiten dute gurekin aurtengo ibilbide honek aurkezten dizkigun erronkei ekiteko” azaldu zuen Reyes Carrerek.
Olinpiadak ere hizpide izan zituen. “Ametserik politenak ere ez zuen espero Brontzezko bi domin izango genituela hemen gure ondoan eta inork gutxik espero zuen Bidebietan hazi den Nely Carla bezalako jokalariak domina hori lortuko zuenik”.
Zentzu honetan entrenatzaileak harrobiko lana nabarmendu zuen “gure klubean egiten dena eta Gipuzkoako klubek egiten dutena ere bai”. Horregatik, ohorezko mailarekin aurredenboraldia betetzen ari diren jokalari gazteei eskertu zien jarduera Bera Berak. Egia Bera Bera taldean senior mailan arituko diren Uxue Ezkurdia, Olatz Ramón eta Usurbiletik etorritako Esther Arrojeria eta jubenil mailako Nora Azurmendi eta Lur Errekondo (Usurbilen jokatuko duena) oholtzan entzun zituzten txaloak.
Aurkezpenean izan ziren, besteak beste, Eusko Jaurlaritzako Kultura sailburu Blanca Urgell; Donostiako Kiroletako zinegotzi Josu Ruiz eta Gipuzkoako Foru Aldundiko Kiroletako zuzendari Asier Sarriegi. Hirurak Bera Bera goraipatu zuten, proeiktu honi babesa berrestsi zuten eta arrakastak lortze aldera animoak eman zituzten.
Donostiarrek ia lau aste daramatze prestaketarekin, arlo fisikoa landu dute batez ere, eta Reyes Carrere eta Martin Larrañaga entrenatzaileen ideiak pistara eramateko ordua iritsi da. Era berean, fitxaketa berriak taldera moldatzeko beste aukera bat.
Orain arte Zumaian eta Bidebietan ikusi den arabera, Alba Menendezek minutu ugari izan ditu ezker lateralean eta Vero Cuña, Eider Rubio, Nitsan Dunay eta, neurri apalagoan, Nagore Arizaga jokalarien arten bete dituzte lehenengo lerroko bi postuak. Israeldarrak taldera azkar egokitzen ari da eta Bidebietan Beglais taldearen aurka defentsan baloiak lapurtzen dakiela frogatu zuen.
Sendotasuna pibotean
Pibotean María Núñez eta Silvia Ederra minutuak banatu dituzte. Sendo atzean, oraindik lehenengo lerroarekin lotura falta zaie, halere, lehengo ostegunean minutuak aurrera joan ahala, Bera Berak baliabide hau gehiago erabali zuen. Reyes Carrerek ez ditu defentsa-eraso aldaketak egin, ondorioz, ez dute batera defendatu.
Hegaletan Libe Altuna eta Matxalen Ziarsoloren ezaugarriak bermea dira Bera Berarentzat eta Doce Castro ezkertiar brasildarra asko ematea espero da, oraindik lehiaketarako minutuak falta bazaio ere.
Atean, fin dago Darly Zoqbi maila altua antzematen zaiolarik eta Yamiley Rodríguezek, arazo fisikoak izan arren, lehengo ostegunean minutu batzu izan zituen maila ona erakutsiz.
Talde osoa, astelehean
Bi oinarri falta dira aurtengo Bera Beran, defentsan eta erasoan erabakigarriak izango direnak, Eli Pinedo eta Patricia Elorza laterala, alegia. 15 egunetako atseden fisikoa eta mentala hartu ostean, olìnpikoak astelehenan ikusiko ditugu taldean, aste mamitsu baten, gainera.
Izan ere, asteartean ohorezko mailako taldeko aurkezpena burutuko da San Telmo Museoan arratsaldeko 8etatik aurrera; ostegunean, abuztuak 30, Bera Berak Míos Biganos taldea izango du aurrean Egiako txapelketan (18etan) eta larunbatean, irailak 1, Superkopa jokoan izango du Asfi Itxakorekin Bidebietan arratsaldeko 5,30etan.
