26 Martxoa 2012

Bera Bera Eskubaloiak hitzordu garrantzitsua du larunbatean, martxoaren 31n, Bidebietan arratsaldeko 7etan. Donostiako kiroldegiak goi mailako eskubaloiaz gozatuko du. Bera Berak lehenengo aukeran irabazi nahi du erronka. Tenisean egongo bagina match ball esango genuke, hau da, set, partida eta txapelketa jokoan du, kasu honetan, Bera Berak Mar Sagunto gaindituz gero valentziarrak baztertuko lituzkete Championsetik.

Era berean, BM Alcobendasek Lizarrerian (larunbatean, arratsaldeko 6etan) eskubaloi liga honetan partida guztiaren jabe egin den Itxakoren aurka galtzen badu, donostiarren abantaila zortzi puntukoa izango litzateke lau partida falta direla, hau da, matematikak baino ez dute ospakizuna oztopatuko.
 
Iragarpen hauekin, larunbateko partida erabakiorra izan daiteke, donostiarrek poltsikoetan beste aukerak izan arren, hau da, okerrenean jarrita, valentziarrak eta madrildarrak lau puntura jarriko balira, Bera Berak ‘gol average’ delakoa babestuz gero –Sagunton 21-25 irabazi zuen eta Alcobendasen apirilaren 21ean jokatuko du (36-25 Donostian)- Bidebietan Rocasa eta Ucam Murcia gainditzearekin nahikoa izango luke, arerioek puntu guztien jabe eginez gero, jakina.

Sagunto baztertu

Horregatik, Bera Berak Mar Sagunto hartuko du aurreneko match ball aprobetxatzeko kemenarekin, arerioa aukerarik gabe utziko luke garaipenak. Taldeak Bidebietan duen konfidantza lagungarria izango da eta, era berean, lasaitasunez arituko da sailkapenean duen aldea beste partidatan kudeatzekoa aukera izango duelako.

2012. urte hasieran bigarren postuan kokatu zenetik, Bera Berak partida bakarra galdu du –Itxakoren aurka gol batez Bidebietan- eta egoera zailak kudeatzen jakin izan du, besteak beste, Eldaren aurka etxean, Alacanten eta, gertuena, Castro Urdialesen azken norgehiagokan.

Gipuzkoarrek hamaika astez jarraian Champions postu horretan diraute, Matxalen Ziarsolo kapitainak “taldeak merezi duela” adierzi zuen. Zentzu honetan, erzker hegalak “eskubaloiaren eta Bera Beraren zaletua gonbidatzen zuen larunbatean etortzera partida historikoa izan daitekeelako”.

23 Martxoa 2012

Matxalen Ziarsolo kapitainarekin solasean izan gara. Emakumeen eskualoi ligan erronka historikoa lortzeko zorioan dagoen klubean hamaikagarren denboraldia betetzen ari da, hau da, Bera Berak bigarren postua eskura du eta, ondorioz, Championsen aritzeko beta datorren urtean. Ikus Matxalen Ziarsolo bideoa

Nahiz eta asteburu honetan ligak atsedena hartu selekzioek Eurokopa jokatzeko txartelak eskuratzeko, taldea entrenaldiak betetzen ari da, mutilen aurka lagunartekoak jokatzen eta taldearen buruan Mar Saguntoren aurkako partida ageri da (Bidebietan, martxoaren 31n, arratsaldeko 7etan).

Partida berezi hori aipatu baino lehen, Matxalen Ziarsolok denboraldiari errepasoa jo dio. Hasteko, taldeak duela bi urte bizi zituen aldaketak dugu hizpide “jende berria iritsi zen eta gure arteko aurreneko kontaktua izan zen”. Urtea elkarrekin pasa ondoren egitura mantendu zen eta fitxaketa berriak iritsi. “Taldea sendotu dugu, bat gara eta emaitzetan nabaritzen da” azpimarratu du.

Ligan bigarren jardunaldian Lizarran gol batez galdu ostean, Leongo berdinketak eta Elxen jasotako porrotak min egin zuten. “Etxetik kanpo zaila da puntu guztiak eskuratzea, aldiz, etxean oso denboraldi bikaina betetzen ari gara eta horrela jarraitu nahi dugu”.

Brasilgo Mundiala dela eta liga eten egin izanak Matxalen Ziarsoloren ustez “ondo etorri zitzaion taldeari, fisikoki nahiz taldeko lan handia egin genuelako, ondorioz, 2012. urtean partida bakarra galdu dugu eta bigarrenak gara”. Bigarren postu hori berrestea da taldeko helburu nagusiena. “Ilusio handiz ikusten dugu Mar Saguntoren aurkako partida, BM Alcobendasekin batera, erronka lortzeko arerio zuzenak baita” adierazi du.

“Irabazi nahi dugu bigarren postuari heltzeko”. Horregatik, kapitainak “zaletuen babesa” eskatzen du “eskubalioa maite duenari, urtetan jarraitu digunari, Bidebietara animatzera etortzea eskatuko nioke partida historiko izan daitekeelako”. “Bigarren postu hori lortzeko gogokin gaude klubak merezi baitu”.

Izan ere, Bera Berak Mar Sagunto gainditzen badu eta Alcobendasek Itxakoren aurka Lizarrerian galduz gero, matematikoki ez baina birtualki donostiarrek eskuratuko lukete bigarren postua”.

EHF Cup eta Kopa

Matxalenek Europako lehiaketaren inguruan sentimendu gazi-gozoa du. “EHF horrelakoa da, espero ez duzunen areriorik zailena tokatzen zaizu –Lada finalerdian da egun- eta ezin izan genuen gehiago egin”. Hala eta guztiz “Gasca beteta ikustea” eskertzeko modukoa da eta “jendea disfrutatzen ikusi genuen gainea, halere, gure asmoa kanporaketa gainditzea zen eta ez genuen lortu” dio penaturik.

Taldeak ere Koparekin egiten du amets, Altean Pazko astean ospatuko dena, apirilaren 12tik 15era bitartean. Elche-Mustang izango da arerioa final-laurdenetan “talde zaila, ia ia etxean jokatuko duena eta Bidebietan bezala jokatzen saiatuko gara, halerea, Kopa izanda beti da zaila”.

Matxalen eta taldekideak entrenaldiak burutzen ari direa ilusio handiko erronkak lortze aldera.

23 Martxoa 2012

Darly Zoqbi eta Bera Bera Eskubaloia bi urte gehiago izango dira elkarrekin, gaur goizean atezain brasildarrak sinatutako kontratuaren arabera. Bera Berak etorkizuna bermatu nahi du eta jokalarien hitzarmenak berritzeko prozesuarekin hasi du taldeko egitura mantetze aldera, izan ere, denboraldi bikaina betetzen ari da eta eskura du datorren urtean Championsen aritzea. Batzuen arabera ABF emakumeen eskubaloi ligako atezain onena da Darly Zoqbi denboraldi honetan Donostiara itzuli da Sagunton egon ostean. Abuztuan 30 urte beteko dituen brasildar internazionalak Bera Berarekin 2003. urtean egin zuen debuta eta hiru denboraldi bete zituen Frantziako Le Havren lau urte eman aurretik. Bera Berak 2014ko ekainerarte lotu du zutabenetariko bat. Datozen egunotan kontratuak berritzen jarraitzea espero du eta fitxaketaren bat gauzatu ahalik eta talde onena osatu aldera.

22 Martxoa 2012

Ohorezko mailako taldeak atsedena du eta kadete nahiz jubenil mailako Euskadiko txapelketa amaituta, Bera Berako harrobiko lau taldeek izango dute partida asteburu honetan. Foru Aldundian, sailkapenean bigarrena den Bera Bera Egia Kadete 1 taldeak Urnietako KE A liderra hartuko du larunbatean arratsaldeko 4,30etan Bidebietan. Lehiaketa berdinean, Bera Bera Egia Infantil B taldeak Majori kiroldegian du hitzordua larunbatean 12,45etan Ordizia Irurenaren aurka jokatzeko. Gipuzkoako txapelketan, Bera Bera Egia Infantil A taldeak aurreneko garaipena bilatuko du igandean goizeko 10etan Bidebietan, Udarregi taldearen aurka. Eta Egia kiroldegira itzuliko da larunbatean Egia Bera Bera CDB Leizaran hartzeko arratsaldeko 7etatik aurrera.