Horretarako berdindu edo irabazi behar dute Amazsa Urdaneta talde bizkaitarren aurkako norgehiagoka. Bera Bera Egia kadete 2 taldeak Loiuko Urdaneta kiroldegian jokatuko du larunbatean arratsaldeko 4etan. Bidebietan donostiarrek 24-19 nagusitu ziren.
Txapelketa berean, jubenil taldeak Lauko Elgoibarren aurka amaituko du fase hau. Partida larunbatean izango da, arratsaldeko 4etan, Olaizga kiroldegian.
Foru Aldundia txapelketan, Bera Bera Egia Kadete 1 taldeak larunbatean Oñatira egingo du bidaia Aloña Mendi B taldearen aurka arratsaldeko 5,30etan Zubikoan jokatzeko. Bertan, eguardiko 12,15etan baina, Bera Bera Infantil B eta Aloña Mendi D taldeak aurrez aurre izango dira. Bera Bera Egia Infantil A taldeak, aldiz, Aiala A ZKE hartuko du Bidebietan igandean goizeko 10etan.
Azkenik, Senior Preferente mailako Egia Bera Bera larunbatean Bidebietan, arratsaldeko 6etan, Ereintza Aguaplasten aurka jokatuko du.
Elxtarren aurrean, Bera Berak Porriñori sartutako 17 golak gainditu zituen; 18, Castroren aurrean eta 18 baita ere Kukullagari Etxebarrin bigarren itzuli hasieran. Bigarren zatian, berriz, donostiarrek 24 gol sartzea lortu zituzten –Kukullagari Bidebietan-, 20 BM Alcobendasen aurrean eta 22, BM Gijonen aurka.
28 eraso eta 19 gol
Lehengo astean zehar Bera Berak Elche Mustang erabiltzen duen defentsa irekia aztertu du. Emaitza argia izan da: 19 gol lortu zituen 24 jartiketetan: kontraerasetan, bost: Cuña, Altuna, Pinedo (2) eta Ziarsolo, transizioetan hiru: Altuna, Cuña eta Punko, hirutan Dara Carvalhok bukatu zituen sei metroetan, hituran zortzi metroetatik Bea (2) eta Rubiok, lau barneraketa: Rubio, Bea, Cuña eta Ziarsolo eta Bea Fernándezek penaltiz sartutakoa.
Datuen arabera jaurtiketetan %79etan asmatu egin zuen Bera Berak eta hiru erasoetatik bitan baloia sareetan bukatu zen. Donostiarrek bost jaurtiketetan ez zuten asmatu: Beak eta Darak zutainera, Alba Menéndezek kanpora bidali zuena eta Adelina Cámara ateizanak urrundu zituenak Altunari eta Bea Fernándezi. Gipuzkoarren erasoa leku guztietatik iritsi zen Elcheren ateruntz, guztira zortzi jokalarik gola sartzea lortu zuten aurreneko zatian eta pistako edozein zirrikituetatik sortu zituzten jaurtiketak. Bera Berak bakarrik hiru baloi galdu zituen lehenengo zatian eta erasoan falta bakarra egin zuen.
Elchek 12 gol, 29 erasoetan
Elche Mustang taldearen aurka erasoaz aparte, defentsak ere asko presionatu zuen Lara Gonzalez, Eli Pinedok batez ere eta Alba Menendezek amaieran. Bidebietan 12 gol lortu zituen ligako golegile nagusienak. Aurreneko 30 minutuetan Elche Mustang taldeak 29 eraso izan zituen. Sartutako 12 golen erdiak penaltien bitartez iritsi ziren. Lara Gonzalez (8, 5 penaltiz), Ana Isabel Martínez (2, 1 penaltiz) eta África Sempere (2) sei metroetan izan ziren golegileak.
Bera Beraren defentsak lau baloi berreskuratu zituen, Darly Zoqbik bi jaurtiketak gelditu zituen –beste hirutan gola galerazi zuen epaileak falta adierazi baino lehen-, Carvalhok baloi bat blokeatu zuen, Eli Pinedo eta Alba Menendez kanporatuak izan ziren eta donostiarren intentsitateak elxtarren akatsak eragin zituzten: hiru baloi galdu, hirutan urratsak, erasoan falta bat eta kanpora beste hiru baloi jaurti zituzten.
Elche-Mustang taldeak egin zituen akatsak Bera Berak aprobetxatu zituen kontraerasoak eta transitzio azkarrak gauzatzeko, ondorioz, birritan 6-0 eta 6-2 partzialak sartu zizkion markagailuan tarte erabakiorra irekiz.
Ondorioz, gogoratzeko moduko lehenengo zatia burutu zuen larunbatean Bidebietan Bera Berak. Aitzitik, partidako azken minutuetan Bera Bera makal ibili zenez, bigarren zatiko partziala galdu zuen (11-13), denboraldi honetan Itxakoren aurka Lizarrerian bakarrik gertatu dena. Halaber, bigarren 30 minutuetan sartutako 11 gol horiek historikoa izango den denboraldi honetako markarik eskaseena da.
Bera Bera Egia kadete 2 taldeak aise nagusitu zen Urdaibai E.T. taldearen aurka 26-8. Bigarren postua jokuan izango dute larunbatean Amazsa Urdanetaren aurka eta ezin dute galdu.
Azken segundurarte zain egon behar izan zuten Bera Bera Egia jubenil taldeak eta Usurbilek. Donostiarrak 11-13 azpitik joan ziren atsedenaldira, ez zuten ondo hasi bigarren zatia baina Usurbil gainditu zuten 28-27 emozioz beteriko amaieran.
Senior Preferente
Udaberriko kopa prestaketan, Egia Bera Berak Aloña Mendiri 21-18 irabazi zion eta, ondorioz, líder kokatuta sailkapenean. Foru Aldundia txapelketan, Bera Bera Egia kadete 1 taldeak 21-18 irabazi zion Urnietako B taldeari eta Bera Bera Infantil B taldeak gol bakar batez galdu zuen 11-12 CDB Leizaranen aurrean.
Azkenik, Aiala D ZKE aise nagusitu zen 21-7 Bera Bera Egia Infantil A taldearen aurka.
Argazkian Izure Andrés jubenila baloiarekin Nora Azurmendi begira duela.
Azaroaren 9tik gaur arte 13 partida jokatu ditu, 12 irabaztea lortu ditu eta bakarra galdu du, Bidebietan urtarrilaren 31n, partida guztiak irabazi dituen Itxakoren aurka (26-27). Hori dena, jakina, emakumeen eskubaloiko sailkapenean antzeman egin da. Donostiarrak Europako kopa postuetan daude kokaturik, nafarren atzetik.
Eta hirugarren taldea Mar Saguntorekiko tartea lau puntukoa da, sei ateratzen dizkio laugarrenari –BM Alcobendas- eta zazpi bostgarrenari –Mar Alicante-. Reyes Carrereren jokalariek bikain egin dituzte etxeko lanak, batez ere, Sagunton (21-25) eta Alacanten (23-25) lortutako garaipenak azpimarragarrienak dira eta aipaturiko Itxakoren aurkako norgehiagoka izan ezik Bidebietan puntu guztiak irabazi dituzte.
Sagunto-Itxako eta Castro Urdiales-Bera Bera
Esan beharra dago, era berean, arerioek izandako hutsak aprobetxatu dituela Bera Berak. Esate baterako azken jardunaldian, Kukullagak Mar Sagunto gainditu du 33-32, BM Alcobendasek puntu bat urratu zuen Murtzian eta Alicantek Porriñoren aurka galdu zuen etxean.
Datorren asteburuan, gainera, tartea gehiago zabaldu lezake Bera Berak, Mar Saguntok Europatik kanpo gelditu den Itxako hartuko baitu eta donostiarrek jaisteko postuetan kokaturik dagoen Castro Urdialesi egingo diote bisita. Larunbatean arratsaldeko 7etan hasiko dira bi partidak.
Aipatutako azken 13 jardunaldi hauetan Bera Berak zazpi partida jokatu ditu Bidebietan: Castro Urdiales (33-22), BM Alcobendas (36-25), Elda Prestigio (25-22), Itxako (26-27), BM Gijón (38-18), Cleba León (31-24) eta Elche-Mustang (30-25). Bestetik,
Donostiatik kanpo partida guztiak irabazi ditu, iaz porrotak jaso zituen pistatan ere bai: Sagunto (21-25), Rocasa (22-33), Murtzia (13-21) eta Alacanten (23-25) eta igo berri diren Kukullaga (16-33) eta Porriño (21-32) ere gainditu ditu.
Zenbaki hauekin, Bera Berak eskuan du bigarren postua. Halere, batzuen beharrak eta besteen nekeak sorpresak dakartzate, asteburu honetan Etxebarrin gertatu den bezala, beraz, une guztietan adi egotea komeni zaie donostiarrei.
Lara Gonzalez lehiaketako golegile nagusiaren beldur zen Bera Bera. Hori dela eta Eli Pinedok Elxeko jokalaria gertutik jarraitu egin du nahiz eta penaltiei esker –zazpi- gol kopuru altua sartu dituen -12 gol-.
Halere, Lara Gonzalezen saikerak Ana Isabel Martínezek bakarrik jarraitzen zituen. Horiei esker, Elche-Mustang 3-5 jarri da 8. Minutuan. Cristina Cabeza jokalaria hutsunea antzematen zen ordea eta, ondorioz, donostiarren defentsak baloiak lapurtzen hasi da. Altuna, Rubio, Pinedo eta Carvalhoren golei esker, Bera Berak Elche-Mustang taldeari 6-0 partziala sartu dio eta markagailuan 9-5 ezarri 15 minutura iritsi baino lehen.
Elxeko jokalariek baloiak galtzen jarraitzen zituztez eta defentsak, ez hain irekia, ezin zuen Bea Fernández eta Verónica Cuña gelditu. Horrela, Bidebietan atsedenaldian Bera Berak zazpi goleko abantaila zuen apirilaren 12an Altean Kopako final-laurdenetan aurrean izango duten taldearekiko.
Bigarren zatian Bera Berak Lara Gonzalez estutzen jarraitzen zuen eta Darly Zoqbik bi baloi jarraian atera dizkio. Halere, donostiarrek ez dute kontraerasoan fin ibili. Reyes Carrere entrenatzailearen jokalariek, aldiz, markagailua kudeatzen jakin izan dute eta 52. minutuan abantaila haunditu dute (29-19).
Bera Berako prestatzaileak Eli Pinedori atsedena eman dio erasoan, gauza bera egin du Eider Rubio eta Bea Fernándezekin, Anna Punko talde titularrean kokatu du, Altunak eta Bertak bakoitzak zati bat jokatu du eta Alba Menendez, Nagore Arizagak eta Yamiley Rodríguezek minutuak izan dituzte. Partida amaieran baloia leku batetik bestera ibili da eta Elche-Mustang taldeak 2-7 partziala lortu du markagailua arintzeko.
Ondorioz, Bera Berak garaipen berri bat lortu du bigarren postuan sendo jarraitzen duelarik. Gainera, Etxebarritik oparia iritsi da, izan ere, Kukullagak 33-32 irabazi dio Mar Saguntori, datorren astean Itxako jasoko dute valentziarrek eta donostiarrek Castro Urdialesera egingo dute bidaia.
Bera Bera-Elche argazkiak
Bera Bera 30 (19+11): Zoqbi, Altuna (2), Punko (2), Carvalho (3), Rubio (4), Bea Fernández (5) eta Pinedo (2) –titularra- Cuña (5), Ziarsolo (2), Menéndez (1), Berta (4), Arizaga, Campa eta Yamiley (a.s.)
Elche-Mustang 25 (12+13): Camara, Gómez (1), Ana Isabel Martínez (6), Sempere (5), Laren (1), Lara González (12) eta Esther Martínez –titularra- Guilabert (a.s.), Segarra, Fuentes, Flores, Andreu eta Cristina Cabeza.
Epaileak: Jesús Escudero y Jorge Escudero (Colegio cántabro)
Kanporaketak: Pinedo, Menéndez, Carvalho eta Campa Bera Beratik eta Sempere Elche-Mustang taldetik.
Partzialak: 3-2, 5-5, 10-6, 14-8, 16-9, 19-12 –atsedenaldia- 22-13, 25-16, 25-16, 28-18, 29-21 eta 30-25.
