Bera Bera - Berriak

10 Abuztua 2015

Bera Berak asteazkenean irekiko du abuztuaren 26ra arte planifikaturik dituen lagunarteko sorta. Nantes Loire Atlantique Frantziako ligako talde indartsua izango du aurrean Gascan, 18,30etan. Bretoiak bostgarrenak gelditu ziren ligan eta play offean final laurdenetan ezi izan zuen Nimes gainditu. Bere aurtengo plantillan dira Wendy Obein Bera Berako atezain ohia eta eta Beatriz Escribano, Espainiako selekzioko zentrala. Azaroko kanporaketa gaindituz gero, EHFn aurkariak izan daitezke. Frantziako taldeek aurredenboraldia lehenago hasten dutenez, aurkari gogorra izango da aurreneko lagunartekoan.
Montse Puche uztailaren 30etik lanean da taldearekin, hau da, bederatzi egun entrenaldiak burutzen, eta egun batzutan bi saio. Horren ondorioz jokalariengan sortu dira ohiko gainkargak baina ez kezkatzekoak. Maialen Múgica eta Maitane Etxeberriaren bajak izan ditu Puchek. Zarauztarrari berriro ebakuntza egin zioten lehengo asteazkenean bere belauna guztiz luzatze aldera eta, aitzitik, Maitane Etxeberriak atsedena izango du abuztuaren 17ra arte, taldea Frantziara joango denean, halere, hainbat ariketa egin beharko ditu aste honetan. Valentzian burutu zen 19 urte azpiko Europako txapelketan protagonismo handia izan zuen Etxeberriak eta eskuin hegaleko onena izendatu.
Intentsitate nagusi den entrenaldietan eta lagunartekoekin, Puchek bere pieza berriak taldean sartzen saiatuko da, Tania Yáñez, Judith Sans eta Alicia Fernández debuta egingo dute baina madrildarrak minutuak banatuko ditu. Sarrera dohainik izango da asteazkenean.
Helburua, ahalik eta ondoen iristeko Superkopara (abuztuaren 29an Gascan) eta liga hasierara, irailaren 5ean Bidebietan Aiala Zarautz taldearen aurka, horretarako Bera Bera eskubaloi festa prestzen ari delarik.

04 Abuztua 2015

Ez dauka zorteriz Zarauzko alboko jokalariak. Iazko denboraldiko lehen zati ttukuna bete ostean, Maialen Múgica Euskadiko Kopa ospatu eta gero larri lesionatu zen, eskuin belaunean lotailu gurutzatua apurtu zuenez urteari amaiera jarriz. Otsailaren 18an egin zioten ebakuntza, Castellón ospaturiko Kopa bezperan eta denboraldi amaieran nabarian gelditu zen errehabilitazioa atzeraturik zuela. Belauna ez zuen guztiz luzatzen eta erresonantzia batean ziklope izeneko sindromea antzeman zioten. Hortaz bihar ebakuntzari egingo diote eta honek beste hilabeteko atzerapena gehituko zaio Maialen Múgicari entrenaldietara itzultzeko. Alboko jokalariak protagonismo handia izan dezake aurtengo Bera Beran, batez defentsan. Lur Errekondo Bestalde, mina kendu ezinda, Lur Errekondok ere ebakuntzari egin zioten sorbaldan. Medikua gustora gelditu zen, orain hilabetea igaro behar du mugitu gabe eta beste hiru errehabilitazioan. Ea oraingoan lortzen duen jarraipen bat.

03 Abuztua 2015

Espainiako Emakumezkoen eskubaloi selekzioak zortzigarren postuan amaitu zuen atzo Valentzian ospaturiko 19 urte azpiko Europako txapelketa. Danimarkak urrea lortu zuen Errusia gaindituz eta Suediak osatu zuen podiumna. Maitane Etxeberria eta Andrea Zaldua izan dira bertan eta batez ere Lezoko jokalariaren lana aipagarriena izan da, lehiaketako eskuin hegaleko onena izendatu baitzuten Etxeberria, Jorge Dueñas hautatzaileak garaikurra eman ziona. Etxeberriak protagonismo handia izan du Europako txapelketan. Defentsan lan ikaragarria egiteaz gain, erasoan agertu dira zenbaki borobilak. Bere taldeko golegile nagusiena izan da, zazpi partidetan 34 golekin, ia batez beste bost gol ateratzen da, %80ko portzentaiarekin eta penaltiz, 12 gol.

30 Uztaila 2015

Eskarmentua eta gazteria nahastu ditu aurten Bera Bera Eskubaloiak 2015-16 denboraldiari aurre egingo dion plantillan eta gaur goizean Donostiako Josean Gasca kiroldegian aurredenboraldiari ekin diona ilusioak berriztuta. 26 urtera iristen ez den bataz bestekoarekin, Bera Berak eskarmentu handiko jokalariekin: Matxalen Ziarsolo -15 denboraldi-, Eli Pinedo -10-, Silvia Ederra, Ana Temprano eta Tania Yáñez –fitxaketa berria- eta ibilbide luzeko gazteekin osatu du taldea. Maite Zugarrondo atezainak transizioa finkatu du eta 90. hamarkadakoak agertzen dira Alba Menéndez –zazpigarren denboraldia Bera Beran oraindik 24 urte bete ez dituenen-, Ana Martínez eta Maialen Múgica –lesionaturik ez bertan izan-, hirurak 91eakoak eta 94koak dira Arrojeria, Ezkurdia eta Judith Sans iritsi berria. Erdian, Alicia Fernández fitxaketa -23 urte abenduan-; eta gazteena, Maitane Etxeberria -18 urte- Valentziako 19 urte azpiko Europako txapelketan protagonismo handia duena. Bera Bera RTko presidente Fernando Diez Mintegik ongietorria eman dio taldeari eta jokalari nahiz arlo teknikoari animoak eman dizkie erronka berriei ekiteko. Komunikabideen aurrean, Montse Puchek argi utzi du “intentsitatea eta exijentzia eskatuko duela lehen minututik denboraldi hasierara ahalik eta ondoren iristeko”. Aste hauetan zehar, Bera Berak arlo fisikoa eta pistan egingo den lana uztartuko ditu. “Igandeetan bakarrik hartuko dugu atseden, astean hiru egunetan bi saio burutuko ditugu eta, gutxienez, sei lagunarteko jokatuko ditugu”. Bera Berak abuztuaren 12an hartuko du Gascan Nantes Loire Atlantique, Frantziako lehen mailako taldea; abuztuaren 14an Barakaldon jokatuko du, Frantziako Celles sur Belle herrian Nantes abuztuaren 18an, bertako txapelketan abuztuaren 21ean Chambray-Touraine HB bigarren mailako taldea izango du aurrean eta larunbatean beste bat emaitzaren arabera eta abuztuaren 26an Egiako txapelketan itxiko du Aiala Zarautzen aurka; abuztuaren 29an (19,30etan) Superkoparekin Bera Berak eta Rocasak Gaskan ofizialki denboraldia hasiko dutelarik. Montse Puche ziur da “jokalari berriek ekarpen handia emango diote taldeari, orain integrazio lana egin behar dugu lehenbailehen”. Taldeari eskatu nahi dionaz galdeturik, madrildarrak “eraso posizionalean hobetu, defentsan jokalari guztiak egokitu eta transizio eredua landu”.

28 Uztaila 2015

Portugal eta Bielorrusiaren aurkako garaipenei esker eta Norvegiaren aurka galdu arrean, Espainiako selekzioak Valentzian egun hauetan ospatzen ari den 19 urte azpiko Europako txapelketako Main Round delakora lortu zuen txartela eta bertan dira Maitane Etxeberria eta Andrea Zaldua gipuzkoarrak. Fase hauetan Hungaria eta Suedia izango dute aurrean, uztailaren 28 eta 29an arratsaldeko 19etan. Aurreneko faseko puntuak kontutan hartzen direnez, norvegiarrak eta suediarrak bina puntukin daude, espainiarrak eta hungariarrak ordea hutsean daude. Horregatik, ezinbestekoa da Sagrario Santanaren selekzioak garaipenak eskuratzea dominak hizpide izan nahi badute. Taldean lan azpimagarriena betetzen ari da Maitane Etxeberria. Pistan minutu askorekin, 13 gol daramazki eskuin hegalekoak, horien artean, hiru penaltiz.