Igandean ez da jai eguna izango Ainhoa Etxeberria, Mikel Apaolaza eta Nerea Álvarezentzat, izan ere, Euskadiko selekzio ezberdinen deialdian sartu dira entrenaldiak burutzeko.
Horrela, igande goizean, Mikel Apaolaza 11etan Oñatiko Zubikoa kiroldegian egon beharko du, infantil mailako Miguel Ángel Izquierdo hautatzaileak deituta.
Arratsaldeko, 17,30etarako, Barakaldoko Lasesarre kiroldegian kadete mailako Nerea Álvarez jokalaria deitu du Hugo Sánchez hautatzaileak.
Eta 18,30etan, Ainhoa Etxeberria jubenil mailako jokalariak José Ramón Resa hautatzaileak Getxoko Fadurako instalakuntzetan burutuko duen saioan parte hartuko du.
Denboraldiko hiru partida ofizial jokatuko ditu Bera Berak eta Superkopan nahiz Ligan ezaugarri bat nagusitu da, izan ere, taldean golaren ardura jokalari guztiarena da.
Udan bi fitxaketak bereganatu zuten arreta, Alicia Fernández eta Tania Yáñez golegileena, alegia. Oraindik garaiz da eta dituzten baliabideak taldera egokitu behar dira baina Aiala Zarautz taldearen aurkako partidan esaterako golegile nagusienak izan ziren. Halere, Bera Berak golak egiteko aukera ezberdinak sortzeko aukera ditu: kontraerasoan, bigarren aukeran, transizioan eta joku geldian.
Superkopan, markagailu urria izan bazen ere (18-17), pistako jokalari guztiek (11) egin zuten gola Uxue Ezkurdia izan ezik. Finalean Ana Martínez golegile nagusiena izan zen, lau golekin.
Aiala Zarautzen aurka Judith Sans izan zen gola sartu en zuen jokalaria eta, aldiz, Valentzian aukera asko izan zituen, kontraerasora gehienak eta golegile nagusiena izan zen zazpi golekin.
Kopuru horrekin ligan daude kataluniarraz gain, beste bost jokalari: Esther Arrojeria, Tania Yáñez, Matxalen Ziarsolo, Alicia Fernández eta Silvia Ederra. Ligako golegile nagusiena Eli Pinedo da –zortzi- eta lau golekin daude Ana Martínez, Alba Menéndez eta Uxue Ezkurdia eta hirukin, Maitane Etxeberria.
Bera Berak 65 gol sartu ditu ligako bi partidetan eta Superkoparekin batera, 83. Guztira, Eli Pinedok 11 sartu zitu, Ziarsolo eta Alicia Fernándezek, 9; Martínez, Arrojeria, Sans, Yáñez eta Ederrak, 8; Menéndez eta Etxeberriak, 5 eta Ezkurdiak, 4.
16 gol jaso eta 5,5 kanporaketa
Hiru partida hauetan Bera Berak defentsan duen gaitasuna frogatu du. Rocasak 17 gol egin zizkion Superkopan, Aiala Zarautzek, 13 eta Canyamelar Valenciak, 18; hau da, partidako 16 gol.
Kanporaketen inguruan, Bera Berak 11 aldiz zigortu dute bi partidetan eta bederatzi penalti adierazi dizkiote: Aiala Zarautzen aurka sei, eta Canyamelarren aurrean, hiru; aitzitik, bi bestetik ez alde, Valentzian biak, Pinedok huts egin zuen aurrena eta Ana Martínezek gol bakarra sartu zuen.
Bigarren jardunaldia: 5 talde bi garaipenekin
Liga ireki zuen jardunaldiak etxeko taldeak nagusi izan baziren ere, larunbatean kanpoen txanda izan zen. Bera Bera, Aula Cultural de Valladolid, Rocasa Ace Gran Canaria, Prosetecnicsa Zuazo eta Helvetia Alcobendas etxetik kanpo irabazi zuten eta sailkapeneko gorenean daude egun. Jardunaldian aipagarriak izan ziren Mecalia Atlético Guardésen garaipena (30-20) BM Porriñoren aurrean eta Carobels Ule Cleba Leónena Elche Mustang (27-22) taldearen aurka.
Larunbata 19: Bera Bera vs Aula eta Zuazo vs Guardés
Datorren larunbatean sailkapena gehiago argituko da izan ere, egutegiak eta sailkapenak aurreneko bien arteko lehia utzi digu: Bera Bera vs Valladolideko Aula Cultural, Bidebietan 18etan (Jesús Escudero eta Jorge Escudero, Kantabriarrak). Ordubete beranduago Barakaldon arituko dira Prosetecnisa Zuazo eta Mecalia Atlético Guardés, eta Rocasak nahiz Helvetia Alcobendasek Carobels Ule Cleba León eta Clínicas Rincón Málaga hartuko dituzte.
Eraginkor agertu da gaur arratsaldean Bera Bera Valentziako El Cabanyal pistan defentsaren bidez eta abiadura kontraerasoak gauzatzen Canyamelar gainditzeko (18-29).
Denboraldiko aurreneko irteera zen eta donostiarrek ez zuten sorpresarik nahi, hortaz, kontzentraturik irten dira partida hasiera bikaina betez. Yáñezek ireki du markagailua eta Judith Sansek pista erdian bide zabala ireki du kontraerasorako, lehenengo nahiz bigarren zatian. Lau gol sartu ditu kataluniarrak 16 minutuetan eta Bera Bera eroso zegoen (1-5 eta 4-9, 15. min).
Halere, hortik aurrera partida zeozer aldatu da. Susana Parejak hutsartea eskatu du Saenz pibotearekin jokatzea agindu du eta hortik etorri dira golak eta kanporaketak: Sans pibotearen bigarrena, Etxeberria eta Ederra. Bera Berak sei baloi galdu ditu ia jarraian, Aguas atezainak geldiketa bikainak egin ditu, Tempranok bezala –bederatzi aurreneko zatian- eta Canyamelar gerturatu da atsedenaldira iritsi aurretik 10-13. Kezkatzeko arrazoiak baziren: Valentziak baloia zuen Bera Bera bat gutxiagorekin eta Sansek bi aldiz kanporatu zuten.
Baina bigarren zatian Bera Bera berriro sutsu atera da eta defentsak medio valentziarren jaurtiketak galerazi ditu. Pinedok aurreneko bi aukerak huts egin ditu baina Arrojeriak birritan arnasa eman dio taldeari (10-15). Gero Sans agertu da erdigunetik (11-19), belaunean mina hartu du eta horren ostean Aguas atezainarekin topo egin du.
Canyamelar Valenciak 42 minutuan sartu du aurreneko gola eraso geldian bigarren zatian, Mateos alboko jokalariaren bidez. Bera Bera eroso zegoen baina Maitane Etxeberriak txorkatila bihurritu du. Ezkurdiak eta ondoren Pinedo eta Ziarsolok tartea handitu dute.
Ligan bigarren garaipena, eraginkor pista zaila batean eta larunbatean 18etan Bidebietan Valladolideko Aula Cultural hartuko du Bera Berak, bi garaipen dituen taldea.
Fitxa: Canyamelar Valencia 18, Bera Bera 29
Canyamelar Valencia 18 (10+8): Aguas, Cañavera (2), Alonso (2), Esterri (1), P. Descalzo (1), Morell eta Payá (4) –titular- Saez (3), E. Descalzo, Mateo (4, 2p) eta Bejarano (1).
Bera Bera 29 (13+16): Temprano, Etxeberria (2), Martínez (1p), Arrojeria (4), Ederra (3), Yáñez (1) eta Pinedo (5) –titular- Sans (7), Menéndez, Ziarsolo (4), Alicia Fernández, Ezkurdia (2) y Zugarrondo (o.a.). Deialdian: Maialen Husillos.
Epaileak: Efrén Muñoz eta Julio Posada (Madrid)
Kanporatuak: Morell, E. Descalzo eta Esterri Canyamelar Valencia taldetik eta Sans (2), Etxeberria, Ederra, Ezkurdi eta Ziarsolo Bera Beratik.
Partzialak: 1-3, 1-5, 4-7, 6-11, 7-12, 10-13 –atsedenaldia- 10-15, 11-18, 13-22, 13-15, 16-27 eta 18-29
Neskak Urnietan eta mutilak, Usurbilen. Euskal selekzioak igande honetarako, irailak 13, infantil mailan Evelyn Briones eta Mikel Apaolaza deitu ditu eta kadeteetan Nerea Álvarez eta Amaia Eguren entrenaldiak burutzeko.
Urnietako kiroldegian 9etan egon behar dute infantilek, kadeteak 10,45etan eta mutilak Usurbilen, 10,45etan.
Aurtengo denboraldiko emakumezkoen eskubaloiko ligako aurreneko jardunaldiarekin batera, Bera Berak lagunartekoak antolatu zituen errendimenduzko taldeei zuzenduta, hau da, mutilen eta nesken kadeteak, jubenil neskak eta senior neskak.
Oraindik lurralde mailako kadete zein infantil taldeak eta azpikoak osatzeke badaude ere, Bera Berak errendimentuzko egitura definiturik ditu. Horrela, Verónica Valverdek kadeteak entrenatuko ditu, neska zein mutilak; María Graciak jubenil maila zuzenduko du eta Dani Nieto eta Josu Manzanok senior taldearen ardura hartu dute.
Lehengo larunbatean, kadete eta jubenil mailetako neska-mutilek Elgoibarko taldeak izan zituzten aurrean. Kadeteetan Sanlok irabazi zuen eta jubeniletan, donostiarrak. Ohorezko mailako partida aurretik, seniorretan, Bera Berak eta Zarautz B taldeek partida intesgarria jokatu zuten, zarauztarren alde amaitu zena.
Asteburu honetarako lagunartekoak
Euskal Ligako kadete eta jubenil taldeek San Adrianen jokatuko dituzte lagunartekoan larunbatean, aurrenekoak 16,15etan eta bigarrenak, 17,45etan.
Bestetik, senior taldeak Bidebietan Ereintza hartuko du 18,15etan.
Mikel Apaolaza, Euskadirekin
Era berean, igandean Usurbilen Euskadiko selekzioak burutuko duen entrenaldira deitu dute Mikel Apaolaza infantil mailako jokalaria.
