09 Martxoa 2016

Bera Berak itxura ederra eman zuen Carrusean, baina bi izpi azpimarratu ziren bereziki lehenengo zatian, Esther Arrojeria eta Alba Menéndez, lau eta seina golekin. Usurbilgo zentralak aktan sei gol jasota izan arren zazpi gol sartu zituen jokaturiko 42 minutuetan eta zarauztarra bigarren zati erdia defentsan bakarrik aritu zen.
Biek Elche Mustang taldeko ate aurrean ederki asmatu zuten, Arrojeriak jaurtiketa bat huts egin zuen bakarrik eta Menéndezek guztiak sartu zituen; baloi bana galdu zutelarik. Defentsan ‘2’an kokaturik lan bikaina burutu zuten. Menéndez ‘3’an kokatu zen bigarren zatian Bea Fernándezekin Judith Sansek atsedena hartu zezan.
Arrojeria eta Menéndezek Elche Mustang taldeak erabiltzen duen defentsa irekia erraz gainditzen jakin izan zuten, zuzen, azkar eta komentzituta. Horrez gain, piboteak nahiz esker hegalari baloiak eman zizkietan eta defentsarekin batera bien jokuak garaipena bideratu zuten segituan Carrus bezalako pista zail batean.
Ikus bideoa

08 Martxoa 2016

Loterías Ligak 18. jardunaldia bete du pasa den asteburuan, Bera Bera Eskubaloia Rocasa Ace Gran Canariatik gertu jarraitzen du, bi puntura baino ez. Txapelketa azken etenaldian sartuko da, selekzioetako partidak direla eta, hortaz Bera Berak apirilaren 2an izango du hurrengo norgehiagoka. Hortik aurrera, maiatzaren 28ra arte ez da atsedenik izango, izan ere, apirilaren 15etik 17ra bitartean Kopako XXXVII. edizioa ospatuko baita O Porriñon. Ondorioz, zortzi jardunaldiz osaturiko Loterías Liga berriari ekingo diote apirilean eta maiatzean. Baina begi guztiak data batekin adi dira. Ofizialki esan ez bada ere, apirilaren 6an Bera Berak Rocasari egingo dio bisita, izan ere, kanariarrek Challenge Cupeko finalerdietako joanekoari helduko diote apirilaren 2an Poloniako Eblag herrian EKS Start taldearen aurka. Aurretik, Elche Mustang izango da Telden; eta Bidebietan, apirilaren 2an (18etan) Clínicas Rincón Málaga. Hurrengo astean egin beharreko bidaiak ezin du Bera Bera itsutu, donostiarrek orain duten desabantaila irauli nahi dute Telden, non garaipena ezinbestekoa da. Rocasa Bidebieta nagusi izan zen (26-27) eta hor dago bi taldeen arteko aldea, biek A Guardan galdu baitute Mecalia Atlético Guardésekin. Partida horren ostean O Porriñoko Kopa, Bera Berak prestatzeko bederatzi egun izango dituelarik. Kopak ondorioak izaten ditu ia beti Ligan, izan ere, Mecalia Atlético Guardés izango da Bidebietan apirialren 23an, berriro bueltako da O Porriñora Bera Bera apirilaren 30ean –egun laugarren sailkatua-, etxean Jofemesa Oviedo hartuko du, Barakaldo eta León jarraian eta azken partida maiatzaren 28an Bidebietan Helvetia Alcobendasen aurka. Rocasak ere egutegi latza da, are gehiago Challenge Cupeko finalera sailkatzen bada. Elche eta Bera Bera Telden hartu eta gero, Kopan parte hartuko du, O Porriñora itzuliko da hurrengo jardunaldian, Zuazo Barakaldo hartuko du, Alcobendasen jokatuko du, Canyamelar Valencia hartuko du Antonio Moreno kiroldegian, Granollers izango da azken bidaia eta Liga etxean amaituko du Clínicas Rincón Málagarekin. Hori guztia aurrean izanda, Bera Bera atsedena hartu du atzo eta gaur eta bihar entrenaldi berezia burutuko du Donibaneko traineruan.

07 Martxoa 2016

Bera Berako bigarren taldeak, Dani Nieto eta Josu Manzano entrenatzaileek zuzentzen duten euskal ligako seniorrak beste urrats bat eman zuen multzoan, lauko finalean egoteko, bertan Zilarrezko mailarako igoera fasean parte hartzeko txartela lortu aldera. Gipuzkoarrek 21-18 gainditu zuten Portugaleteko Jarrilleras taldea eta Basaurin garaipenea lortuz gero, helburua lortuko dute, halere ez da erraza izango Indupime taldeak hiru norgehiagokak irabazi dituelako.

Bestetik, jubenil taldeak aukera guztiak galdu zituen Errotabarri taldearen aurka Bidebietan (22-33). Argazkiak jubenilak. Partida atarian, Bera Berak Maialen Fernández gogora ekarri zuen zendu zela urtebete pasatu denean.

Kadeteak eta infantilak
Gipuzkoako Foru Aldundia txapelketan, Bera Bera kadete nesken taldeak 22-20 Egia Veltins gainditu zuen; mutilen taldeak aldiz 17-24 galdu zuen Eslaban Eibar Eskubaloiaren aurka. Argazkiak mutilen kadetea
Infantil mailan, fase finalean, Bera Bera Bat taldeak galdu zuen Trapaia Taberna Pulpo (15-40) taldearen aurrean. Gipuzkoako Foru Aldundia txapelketan, Bera Bera Bi taldeak Usurbilen irabazi zuen Udarregi A taldeari (16-21) eta Bera Bera Hiruk 22-13 Bar Ibaiondori. Mutilen taldeak gol bakar batez galdu zuen 19-18 Eibar Eskubaloiaren aurrean.

05 Martxoa 2016

Carrusean lortutako garaipenarekin, Elche Mustang (21-30) gainditu duelarik, Bera Bera Eskubaloia Loterías Ligako azken etenaldira iritsi da titulua bere eskuetan duela, nahiz eta horretarako Telden irabaztea ezinbesteakoa izango den apirilaren hasieran gaur Valladoliden nagusi izan den Rocasari. Urrian Rocasa eta Guardésen aurka galdu ostean, Bera Bera laugarren postuan kokatu zen eta ligarako aukerak inork gutxik ematen zizkion. Horren ostean hamar garaipen erreskadan lortu ditu eta apirilaren 2tik maiatzaren 28ra bitartean zortzi jardunaldiko Loterías Liga berri bati ekingo diote. Gaur lehenengo zatian lehenengo lerroko jokoak Elche Mustang taldearen defentsa irekian hutsuneak sortu ditu. Partida hasieran 1-4 partziala birritan lortu du Bera Berak, tartea irekiz Ana Martínez, Arrojeria birritan eta Pinedo, Judith Sans eta Alba Menéndezen golei esker. Hortaz, entrenatzaile gisa ofizialki bere ibilbideari hasiera eman zion Pucheren jokalariak aldea kudeatzan hasi ziren. Joaquín Rocamorak partida gelditu zen baina Menéndezen unea iritsi zen bost gol jarraian lortzeko aurreneko zatian. Bera Bera aise (22. min. 7-15). Semperek Trigueros ordezkatu du atepean eta María Flores eta Vicenteren golei heldu die bertakoek. Atsedenaldian, donostiarren abantailak lasaitasuna ematen zuen (8-18), aurten etxetik kanpo handiena. Bigarren zatian, Esther Arrojeriak Menéndezen lekukoa hartu du eta Alicia Fernández eta Uxue Ezkurdia lagun, Laura Hernándezen bolada onari eutsi diote (46. min. 13-25). Bera Berak kudeatu du abantaila, Puchek Eider Lizarberi minutuak eman dizkio, Loterías Ligan lehenengo gola sartu duena. Hortaz, Carrusean garaipen handia. Internazionalak izan ezik, atsedena fisikoa eta mentala helburu guztiak eskuetara baititu Bera Berak apirilean eta maiatzean. Fitxa Elche Mustang 21, Bera Bera 30 Elche Mustang 21 (8+13): Trigueros, Martínez, Musons (5), Flores (3), Vicente (3), Dunay (3), Hernández (5), Agullo, Ajado (1), Lamoneda, Zhukova (1), Bermejo eta Sempere (o.a.) Bera Bera 30 (18+12): Temprano, Etxeberria, Menéndez (7), Sans (2), Martínez (3), Arrojeria (6) eta Pinedo (1) –titular- Ederra (1), Yáñez (1), Alicia Fernández (3), Bea Fernández (2), Lizarbe (1) eta Zugarrondo (o.a.). Epaileak: José Manuel Iniesta eta Miguel Martín Soria (Valentzia) Kanporaketak: Flores Elche Mustang eta Arrojeria, Menéndez (2) eta Martínez Bera Beratik. Partzialak: 1-4, 2-8, 4-9, 6-13, 7-15, 8-18 –atsedenaldia- 11-19, 12-21, 13-23, 14-27, ´18-29 eta 21-30.