03 Urtarrila 2016

Bera Bera Eskubaloiak berriro ere Euskal Kopako finala jokatuko du Kukullaga Etxebarri aise gainditu ostean Zarauzko Aritzbatalde kiroldegian jokaturiko aurreneko finalerdian (20-49).
Prosetecnisa Zuazo Barakaldo izango da aurkaria igandean 12etan, izan ere Aiala Zarautz taldeari 34-29 irabazi zioten bizkaitarrek bigarren finalerdian.
Fitxa:
Kukullaga Etxebarri 20 (12+8): Rodríguez, González (1), Buezo, Azkona (7, 2p), Vázquez (2), Bermejo eta Sánchez (2) –titular- Pedrosa (5), Messari (1), Fernández (1), Ariztimuño, Coello (1), eta Casado (o.a.).
Bera Bera 49 (24+25): Zugarrondo, Ezkurdia (9), Menéndez (4), Arrojeria (5), Sans (6), Martínez (3, 1p) eta Ederra (4) –titular- A. Fernández (7, 2p), Yáñez (11, 1p) eta Temprano (o.a.). Deialdian: Etxeberria.
Epaileak: Jon Cid eta David Mateos (Euskadi) Kanporatuak: Buezo eta Pedrosa Kukullagatik eta Martínez eta Ederra Bera Beratik.
Partzialak: 4-3, 5-5, 7-8, 8-12, 8-18, 12-24 –atsedenaldia- 13-29, 16-32, 18-33, 19-39, 19-43 eta 20-49

03 Urtarrila 2016

Zarauzko Aritzbatalde kiroldegian ospaturiko norgehiagokan Bera Bera Eskubaloiak Euskadiko Kopako edizio berri bat eskuratu du Prosetecnisa Zuazo Barakaldori aise irabazi ostean (31-16). Gipuzkoarrak partidaren jabe egin dira hasieratik Yáñez jokalariaren golen bidez, Steinbach sarturiko lau golei esker Zuazo eutsiz. Horren ostean Castellanos atezaina izan da geldiketa bikainak egin dituena Menéndez, Yáñez edo Alicia Fernándezen kontraerasoak galeraziz. Zugarrondo gripearekin, Bea Fernánndez oraindik fitxarik gabe, eta Pinedo eta Etxeberria ez ditu erabili Puchek. Hortaz, ia hegaleko jokalaririk gabe aritu da partidan Bera Bera, defentsan erakutsitako intentsitateak Zuazo norgehiagokatik ateraz. Euskal Kopako final 20. minutuan apurtu da Tempranoren geldiketak medio eta Arrojeria nahiz Alicia Fernándezek bizkaitarren defentsa apurtu dutenean, horrez gain, galizarrak ere kontraerasoak gauzatu ditu –lehen zatian zazpi gol sartu ditu Fernándezek-. Atsedenaldian, 17-8. Bigarren zatian, partida ez da gehiegi aldatu. Zuazok ezin zuen Bera Beraren defentsa gainditu, Berastan hegaleko jokalaria izan da gehien asmatu duena. Gipuzkoarrak sutsu jarraitu dute, kontraerasoari abiadura eman diote eta eraso geldian irizpideak finkatuz. Hortaz, bi taldeen aldea geroz eta handiago zen. Udane Rodríguez atezainak Bera Berarekin debuta egiteko aukera izan du partida ofizialean eta geldiketa onak egin ditu jokaturiko hamar minutuetan. Bera Bera eta Prosetecnisa Zuazo Barakaldo berriro elkarren aurka arituko dira Bidebietan urtarrilaren 9an, larunbata (19etan), Loterías Ligako itzuleran, beste istorio bat izango duen partidan. Fitxa: Bera Bera 31 (17+14): Temprano, Ezkurdia (2), Arrojeria (4), Sans (2), Menéndez (3), A. Fernández (11) eta Yáñez (5) –titular- Martínez (4, 1p), Ederra eta Rodríguez (o.a.). Deialdian: Pinedo eta Etxeberria. Prosetecnisa Zuazo Barakaldo 16 (8+8): Castellanos, O. Gil, Nogales (1), Steinbach (7), Hernández (2), Elizegi (1p) eta Berastan (3) –titular- De Andrés, Azaola, A. Gil, Sanz (1), Martín, Velasco (1p) eta Aalla (o.a.). Epaileak: Juanjo Gude eta Carlos Gude (Euskadi) Kanporaketak: Menéndez eta Arrojeria (2) Bera Beratik eta Elizegi eta Steinbach Zuazotik. Partzialak: 3-1, 6-3, 7-5, 9-7, 12-8, 17-8 –atsedenaldia- 18-8, 21-9, 23-11, 25-13, 29-15 eta 31-16

02 Urtarrila 2016

Plantillako prest dauden jokalariak deitu ditu Montse Puchek asteburu honetan Zarauzko Aritzbatalden burutuko den Euskal Kopari ekiteko. Iaz bezala, aurreneko finalerdian (17,30etan) Bera Berak egun zilarrezko mailan dagoen Kukullaga Etxebarri izango du aurrean eta ondoren, 19,30 etan, Aiala Zarautz eta Prosetecnisa Zuazo Barakaldok igandean 12etan ospatuko den finaleko bigarren txartela izango dute jokoan.

Hortaz, lesioetatik sendatzen ari diren Maialen Múgica eta Matxalen Ziarsolo, Pinedok atsedena hartuko du eta oraindik jokatzeko lizentziarik gabe dagoen Bea Fernández izan ezik, gainontzeko jokalariak izango dira Aritzbatalden, aste honetan taldearekin bat egin duen Maitane Etxeberria barne.

31 Abendua 2015

Urteko azken astean egon arren, Bidebietako kiroldegian ez da eskubaloia falta. Atzo urteari amaiera jarri zion Loterias Ligako taldeak Kanpusean aritu ziren neska-mutilekin partidatxoa jokatu zuena. Montse Puche eta Eider Rubioren taldea, Bea Fernández barne, lehiaketara itzuliko da laster, Zarautzen Euskal Kopan asteburu honetan eta batez ere ligari berriro helduko dio urtarrilaren 9an (19etan) Prosetecnisa Zuazo Barakaldoren aurrean, Bidebietan ere bai. Kanpusean elkarturiko 25 neska-mutilek hiru egunetan kirola, eskubaloia eta jokuekin gozatu ederra hartu dute, María Gracia eta Ane Sarasolak antolaturik, Irati Kamio, Elene Sanz, Maider Amilibia, Uxue Larzabal eta Ane Zelarain laguntzarekin. Eskubaloiaz gain arraunean –Donibaneko Juanjo Larzabali esker- eta pintballekin bikain pasatu dute. Larunbata 2, Bidebietan txapelketa Iazko arrakastari helduta, Bera Berak Gabonetako II txapelketa antolatu du Bidebietan urtarrilaren 2rako. Egun osoan zehar -9,30etatik 20ak bitartean- infantil, kadete y jubenil mailako Bera Bera, Urola, Elgoibar, Bidasoa, Aloña Mendi eta Zarauzko neska-mutilak elkartuko dira. Eta igandean, urtarrilaren 3an, Bidebieta ere bai, 10etatik 11,30etara, jokuak eta partidak antolatu dira 7 eta 13 urte bitarteko neska-mutilentzat.