Alicia Fernándezi egingo diote ebakuntza bihar CEMTRO klinikan

SUPER AMARA Bera Berako Alicia Fernándezez ezker belauna konpontze aldera bihar arratsaldean egingo diote ebakuntza Madrideko CEMTRO klinikan. Esther Arrojeriak ez bezala, galizarrak ez du lotailua apurtuta, halere, César Flores medikuaren diagnostikoaren arabera belauna ez dago sendo eta ebakuntza behar du. Alicia Fernándezen ezker belaunean ezegonkortasuna Espainiako selekzioak buruturiko azken konzentrazioan antzeman zioten, bi talde nagusiek jokaturiko partida ostean, gainera SUPER AMARA Bera Berako zentralak bikain jokatu zuen. Alicia Fernándezen ezker belaunean hutsunea sortu da eta edema, ebakuntza da konponbidea eta jokalariak ahalik eta azkarren egitea erabaki du, izan ere, hausturarik egon ez arren bajan sei hilabete inguru egon behar baitu. Hortaz, SUPER AMARA Bera Berak Alicia Fernández ere galduko du aurtengo denboraldirako. Arrojeria eta Martínezekin batera, denboraldi hasierako lehenengo lerroa galdu du Montse Puchek, albiste on bakarra da Ana Martínezi medikuak alta eman ziola lehengo larunbatean, orain ordea aste batzu falta dira taldekideekin bat egiteko.