25 Apirila 2017

Iaz bere 25. urteurrenean Kopako fase finalak jokatzen, guztiak jarraian gainera, Donostiara garaikurra jabetzean ekartzen lortuta, 38. edizioaren bezperan, SUPER AMARA Bera Bera ziklo berri bat zabaldu nahi du segituan.
O Porriñon baino hobeto inon, 2013 eta 2016an lortu baititu Bera Berak Kopak eta iaz hamarkada harrigarria osatu zuen, L’Eliana 2007an eskuratu zuen aurreneko titulotik azken hamar urtetan zortzi finaletan egon dira donostiarrak bost aldiz garaikurra altxatuz. Hortaz, bost aldiz izanda, garaikurra Donostian geldituko da. 2012an Altean jokatu zenetik, final guztietara iritsi da Bera Bera, hau da, azken bost finaletan izan da hiru aldiz irabaztea lortu duelarik: Porriño 2013, Alcobendas 2014 eta Porriño 2016.
Garaikur berria egin behar izan dute 38. Ediziorako. Bertan zortzi talde izango dira, multzoko goiko aldetik SUPER AMARA Bera Bera vs Elche Mustang aurrez aurre (larunbatean 16etan, ETB) eta Mecalia Atlético Guardés vs KH7 BM Granollers (larunbatean, 12,30etan) eta beheko aldetik: Rincón Fertilidad Málaga vs Rocasa Ace Gran Canaria (larunbata, 18,15etan) eta Helvetia Alcobendas eta Godoy Maceira Porriño antolatzailea (20,30etan).
Finalerdiak igandean 16etan eta 18,30etan; finala maiatzak 1, astelehena, 13etan.
Gipuzkoarrek 59 kopako partida jokatu dituzte -57 fase finaletan- eta 1.500 goletara iristeko bakarra falta zaie.

24 Apirila 2017

Euskal Ligako emakumezkoen senior mailako txapelketa eskuratu du Bera Berak, ostiraletik igande bitartean Bidebietan burutu den lauko finalean nagusi, izan ere, jokaturiko hiru norgehiagokak irabazita eta garaikurraz gain, datorren denboraldian Zilarrezko mailara igotzeko fasean izango da.
Berdinketa batekin hasi zen lauko finala Bidebietan, Aiala Zarautz eta Indupime Basauri taldeena (18-18), partida honen emozioa atzoko norgehiagokaren azken segundura arte iraun zuen. Norgehiagoka estua izan zena, Bera Berak bigarren zatian apurtu zuen lehia eta 21-16 nagusituz, Indupime Basaurik gol bakar batez eutsi zion igoera faseari. Hortaz, maiatzaren 12tik 14ra bitartean donostiarrak eta basauritarrak Zilarrezko mailara igotzeko aukera izango dute.
Ostiralean, Bera Berak aise gainditu zuen CB Jarrilleras (23-36); larunbantean bizkaitarren arteko lehian Basauri nagusi (28-19), gipuzkoarren arteako derbian 20-22 gainditu zuen Aiala Zarautz Bera Berak eta igandean zarauztarrek bost goleko aldea baino ez zuten lortu Jarrillerasen aurrean (23-28).
Sailkapena:
1.- Bera Bera: 6 puntu
2.- Indupime Basauri: 3 puntu (62 gol alde; 58 kontra: +4)
3.- Aiala ZKE 3 puntu (66-63: +3)
4.- CB Jarrilleras 0 puntu

Albiste txarrena atzokoan, Lur Errekondoren ezker belaunean izan zuen bihurritua, erresonantzia batean aztertuko dena

Argazkiak: Juan Antonio Garaikoetxea
Ostirala:
Larunbata: Aiala vs Bera Bera
Igandea

23 Apirila 2017

Oztopoen aurren, berriro ere Bera Berak egoera horretan hazi egiten dela eta A Guardako A Sangriña kiroldegian beste adibide utzi du partida galdu arren (24-21), gaur balibabide gehiago zituen talde baten aurka SUPER AMARA Bera Berak izan dituen akatsak aprobetxetu dituena baina gipuzkoarrak partida berdintzeko ahalegina egin dute eta gutxienez golen aldeari eutsi diote, iazko denboraldian erabakigarria izan zena. Eta gaur ere bigarren zatia erdialdean Múgicaren baja jasan izan du. Atarikoan urteko norgehiagoka gisa saldu da lehia. Eta horrela izan da, markagailuan gorabeheran, taktikoki aldaketa ugari, average delakoa ere arriskuan jarri -sei golekoa- da baina kemenez SUPER AMARA Bera Berak gol bakar batera jarri da Ezkurdiaren golarekin hiru minutu falta zirela. Arrojeria, Fernández, Elorza eta López internazionalen bajak izan arren, SUPER AMARA Bera Bera motibaturik irten da A Guardara eta horrela adierazi du intentsitate handiko defentsarekin. Puchek Martínez berreskuratu du eta elxetarrak 60 minutuak jokatu ditu Sansekin erdian bikotea osatuz, eta hauen ondoan Menéndez eta Etxeberria, Aramendia eta Ederra, hegaletan. Múgicak Sans erasoan ordezkatu du. SUPER AMARA Bera Berak hasiera bikaina eman dio partidari erasoan ere bai, Múgicak birritan asmatu du zazpi metroetan eta Etxeberriak hegaletik. Espero bezala Mecalia Atlético Guardések defentsa irekia egin du Sempere aurrean jarrita, Martínezen gainean, baina gipuzkoarrak hutsuneak aurkitu dituzte. Gainera Tempranok asmatu du eta kontraerasoa ateratzen ere bai, Aramendiak gola egin du batean, huts hurregoan baina gipuzkoarrak nagusi ziren lehian, nahiz eta abantaila gehienez hiru golekoa izan, gainera, jokaldi bikainak osatuz, Etxeberria eta Menéndezek egindako fly delakoa esate baterako. Horren ostean Mendoza argentinarrak ardura hartu du eta SUPER AMARA Bera Berak jasandako hiru kanporaketa ia jarraian baliatuz, -batean kaltetua Temprano izan da- eta Espiñeirak berdindu du partida. Puchek Berasategi eta Encina gazteak sartu ditu, lehiari ondo helduz, usurbiltarrak baloia berreskuratu du eta legazpiarrak gola egin du. Guardés bolada onenan, Puchek hutsartea eskatu du, Etxeberria albokoan jarriz –partida bikaia osatu du- eta Ezkurdia hegalean. Pradesek, aldiz, defentsa jaitsi du 6-0. SUPER AMARA Bera Berak Guardes gelditzeaz gain partida berdindu du atsedenaldira iritsi aurretik Martínezen golei esker. Bigarren zatia hasiera Aramendia, Martínez eta Etxeberriak aurretik jarri dute SUPER AMARA Bera Bera (12-14), halere, segituan berdindu du Guardesek donostiarren akatsak baliatuz. Defentsan egindako lana, partidaren tentsioa eta bertakoen intentsitatea baloiak galduarazi dituzte, gainera, Múgicak ezker belaunean mina hartu du eta pista utzi behar izan du. Donostian egingo dizkiote probak. Minutu horietan, Guardések bi goleko abantaila lortu du. Puchek Encinari eman dio taldea gidatzeko ardura eta legazpiarrak ondo erantzun dio, batean Menéndez ondo ikusi du baina zarauztarraren jaurtiketari ondo baino hobeto erantzun dio Carratú atezain argentinarrak. Semperek hiru gol jarraian sartu ditu 21-17 arriskutsua ezarriz partida amaitzeko zortzi minutu falta zirela, baina Aramendiak leku egokian zegoan baloia jaso eta gola sartzeko. Halere, Hernándezek lauko tartea zabaldu du, Etxeberriak gola egin du azkar eta Pradesek partida gelditu du (53. min 23-21). Puchek bi piboteak batera kokatu ditu, Ezkurdia eskuin hegalean eta Etxeberriak eta donostiarrak gol bakar batera jarri dute SUPER AMARA Bera Bera. Halere, berriro Hernándezek asmatu du eta Etxeberriaren gola ez da igo epaileek erasoan falta egin duelakoan, gutxienez eztabaidagarria. Guardesek partida eraman du eta SUPER AMARA Bera Berak golen aldeari eutsi dio. Bajen aurrean taldearen erantzuna harrigarria izan da, hortaz, galdu arren gipuzkoarrak indartsuago atera dira. Orain, Kopak atsedena emango dio Loterías Ligari. Fitxa: Mecalia Atlético Guardés 24, SUPER AMARA Bera Bera 21 Mecalia Atlético Guardés 24 (11+13): Carrera, Cerqueira, Hernández (6), Rodríguez (2), Doiro (1), Mendoza (3) eta Sempere (6, 2p) -titular- Espiñeira (3), Urban (1), Kurchankova (2), Álvarez, Fervenza eta Carratú (o.a.) SUPER AMARA Bera Bera 21 (11+10): Temprano, Etxeberria (5), Menéndez (1), Ederra (2), Martínez (4), Múgica (2p) eta Aramendia (3) –titular- Sans (1), Berasategi, Encina (1), Ezkurdia (2) eta Zugarrondo (o.a.). Deialdian: Zaldua Epaileak: Antonio Martín (Gaztela Leoi) eta José Luis Fernández (Asturias) Kanporatuak: Hernández Mecalia Atlético Guardésetik eta Menéndez, Sans eta Temprano SUPER AMARA Bera Beratik Partzialak: 2-2, 3-5, 4-6, 5-7, 8-8, 11-11 –atsedenaldia- 12-13, 15-15, 17-16, 19-17, 22-19 eta 24-21

21 Apirila 2017

Gaur arratsaldeko 17etan Bidebietan hasiera emango zaio Euskadiko txapelketako fase finalari emakumezkoen senior mailan, lau taldea sailkatu direlarik: Bera Bera, CB Jarrilleras, Aiala ZKE eta Indupime Basauri. Halere, txapelketan zehar berdintasuna izan da nagusi hortaz, edozer gauza gerta daiteke asteburuan.
Loterías ligako taldeak bajak izan arren, Bera Berak senior taldea osorik mantentzea erabaki du lauko finala eskuratzeko eta Zilarrezko mailara igoera faserako txartela lortzeko.
Gaur 17etan Aiala eta Basaurik irekiko dute fasea; 19etan CB Jarrilleras eta Bera Beraren txanda izango da; larunbatean bizkaitarren arteko derbia (18etan) eta gipuzkoarren artekoa (20etan) eta igandea, 10etan Aiala vs Jarrilleras eta 12etan Bera Bera vs Indupime Basauri.