Bera Bera - Berriak

29 Apirila 2017

Gipuzkoarren seigarren finalerdia jarraian izango da biharkoa, Altean 2012ko Kopaz geroztik beti final-laurdenetako norgehiagoka irabazi du, nahiz eta gaur bezala partida landu behar izan duen Elche Mustang gainditzeko (28-24, 15-14 atsedenaldian).
O Porriñok aurten ere hartu duen Kopako 38. ediziora Arrojeria eta Fernándezen bajekin iritsi da SUPER AMARA Bera Bera. Hortaz gain, Elorza eta López oraindik ez dira guztiz osatu baina Puchek Malagako jokalaria titular kokatu du. Berarekin batera Sans eta Martínez erdian, Etxeberria eta Menéndez ondoan eta Ezkurdia beste hegalean, Temprano atepean.
Baina defentsak ezin izan du Elche Mustang taldeko lehenengo lerroko jokoa gelditu, batez ere Flores eta Musons. Erasoan Martínezek ardura hartu du baina elxetarrak jarri dira aurretik markagailuan, Musons albokoaren bidez.
Puchek Zugarrondo deitu zuen. Defentsak hobera jo zuen Elorzarekin eta atezain nafarrak ere geldiketa onak egin zituen. Halere, Floresek barneraketak gauzatu ditu eta SUPER AMARA Bera Berak kontraerasoak atera ezinean eraso posizionalean konzentratuta hegaletatik hutsuneak lortuz.
Atsedenaldian, gipuzkoarrak nagusi 15-14 ohi baino gol gehiago jasoz. Bigarren zatian, Puchek defentsan aldaketak egin zituen, Elorza eta Sans eredian kokatuz, Martínez eta Menéndez ondoan, López eta Aramendia hegaletan, gainera Zugarrondok hobetu du bere lana.
Martínezek tartea ireki du baina Musonsek berdidu du. Estu mantendu da lehia 37. minutura arte, Martínezek eta Elorzak arnasa eman diote taldeari, Rocamorak hutsartea eskatu du, defentsan Vicente atezainarekin hobeto dute Aramendiak hiru aldiz jarraian sarea aurkitu arte (47. Min: 23-19).
Halere, Musonsek penaltiz asmatu du eta elxetarren bi kontraerasoekin gol bakar batera jarri dute taldea. Martínezek birritan ikusi du Sans, Zugarrondok penaltia gelditu du, Etxeberriak gol ikaragarria sartu du eta SUPER AMARA Bera Bera aurretik jarri da 26-23, bost minutu falta zirela.
Hortaz, bihar igandea –oraindik ordutegiak zehaztu gabe- laugarren finalerdia Guardes aurka (Alcobendas 2014, Castellón 2015, Porriño 2016). Gipuzkoarrek seigarren finala jarraian jokatu nahi dute.
Fitxa: Super Amara Bera Bera 28, Elche Mustang 24
Super Amara Bera Bera 28 (15+13): Temprano, López (3), Etxeberria (3), Sans (4), Martínez (5 1 p), Menéndez (2) eta Ezkurdia (1) –titular- Ederra (2), Elorza (3), Encina, Aramendia (5), Berasategi eta Zugarrondo (o.a.). Deialdian: Zaldua eta Lizarbe
Elche Mustang 24 (14+10): Sempere, Salcedo (2), Gómez (3), Musons (10, 4p), Zhukova, Flores (4) eta Hernández (4) –titular- Lamoneda, Carvajal (1), Castell, Ramos eta Vicente (o.a.)
Epaileak: Sergio Rodríguez eta Andrés Rosendo (galizarrak)
Kanporatuak: Martínez, Sans eta López SUPER AMARA Bera Beratik eta Flores (2), Musons (2) eta Lamoneda Elche Mustang taldetik.
Partzialak: 2-3, 5-5, 7-9, 11-10, 13-13, 15-14 –titular- 18-17, 20-18, 21-19, 23-22, 26-23 eta 28-24

28 Apirila 2017

2013an, O Porriñoko Kopan bost jokalari gipuzkoarrak aritu ziren: Eider Rubio, Libe Altuna, Alba Menéndez, Nagore Arizaga eta Maialen Múgica, azken hau BM Porriñorekin. Hurrengo urtean Alcobendasen zortzi izan ziren, Rubio eta Altuna erretiroa hartu arren. Orduan debuta egin zuten Arrojeria, Etxeberria, Ezkurdia, Akuña atezaina eta Nora Azurmendik, bertara joan baitzen ikasketak tarteko.
2015ean ez zen nobedaderik egon, bai ordea 2016an nahiz eta minutu gutxi batzu izan. Puchek saritu zituen Lizarbe eta Husillos gazteei Finalean minutuak eskaintzen eta azken honek gola egin zuen.
Aurten Kopan debuta egiteko aukera Kopan: Andrea Zaldua, Estitxu Berasategi eta Ane Encina. Hortaz, Bera Berari lotuta azken lau urte hauetan hamar gipuzkoarrek txapelketa berezi honetako fase finala bizi ahal izan dute.
Horietatik, jarraipena izan dute Arrojeria –aurten baja izango da-, Etxeberria eta Ezkurdiak SUPER AMARA Bera Beran, tarteka Lizarbek -O Porriñon izango da-; Akuña egun Aiala Zarautzeko bigarren taldean da; Maialen Husillos ez du deialdietan sartu Puchek eta Azurmendi finkoa da Helvetia Alcobendasen. Hortaz gain, zortzigarren fasea beteko duen Menéndez dago, zoritxarrez Múgica baja izango da eta Lur Errekondo ere mina hartuta ezin izango da hamaikagarrena izan.

27 Apirila 2017

Atzo egin zioten erresonantziaren emaitzak iritsi ez badira ere, apirilaren 29tik maiatzaren 1era bitartean O Porriñoko 38. Edizioko Kopan ez da Maialen Múgica izango. Egun zarauztarra ez dago Kopa bezalako lehiaketa batean jokatzeko moduan eta bihar lesioaren berri jakingo du.
Hortaz, 15 jokalariz osaturiko zerrenda aurkeztu du Puchek, oraindik mina izan arren bertan Patri Elorza eta Marta López dira eta Eider Lizarbe, bigarren taldeko jokalaria aurtengo denboraldian 17 deialdietan izan dena.
Puchek Kopa hartu du “erronka moduan, gustoko dugu, gozatzera goaz”, halere, aurten ez du “faboritotzat ikusten” bere taldea, “badakit gainontzeko taldeek faboritotzat jotzen gaituztela baina nire jokalariengan konfiantza dut eta Koparen bila goaz”.
Halere, “partidaz partida, aurrena Elche Mustang, ez da erraza izango, partida sentsazio onenekin amaitu nahi dugu eta gero finalerdiei heldu”. Hemen Guardes edo KH7 BM Granollers izango da aurkaria. Pucheren ustez “Kopan edozer gauza gerta daiteke, zortzi taldeek aukera dute garaikurra irabazteko” eta bere taldea “heldutasunez” ikusten du.
SUPER AMARA Bera Bera 8etan irtengo da Bidebietarik Autocares Davidekin, Benaventen bazkalduko du eta 18,45etan entrenatzeko asmoa du O Porriñon.

27 Apirila 2017

Larunbatean izango da O Porriñoko kiroldegiko pista nagusi ondoan, 9,15etan. Bera Bera Urdinak Granollers taldea izango du aurrean auren lehenengo aldiz ofiziala izango den txapelketan. Federazioak zozketako multzoak errespetatu ditu, baina kadeteetan kanporaketa beharrean ligaxka jokatuko dute, hortaz, gipuzkoarrek kataluniarraz gain, Elche Mustang eta Mecalia Atlético Guardés izango dituzte aurkari. Multzo bakoitzeko talde nagusiek finala jokatuko dute astelehenean. Larunbatean, SUPER AMARA Bera Bera vs Elche Mustang 16etan jokatuko duten kanporaketa ostean, 18etan arituko dira elkarren aurka bi taldeak kadete mailan. Iganderako geldituko da Bera Bera vs Mecalia Atlético Guardés 10,30etan. Verónica Valverde entrenatzaileak 14 jokalari eramango ditu O Porriñora. Autocares Davidekin bigarren autobusa 14etan irtengo da Bidebietatik eta hainbat senide eta afizionatu ere animatu dira.

26 Apirila 2017

Donostiako Tolosa Etorbideko SUPER AMARAko dendan hartu ditu gaur komunikabideak Bera Berak, izan ere, asteburuan O Porriñok antolatuko den Kopako 38. edizioari begira jarri da taldea, apirilaren 29tik maiatzaren 1eta bitartean burutuko dena berriro Pontevedrako herri honetan. Agerraldian izan dira Montse Puche entrenatzailea, Alba Menéndez kapitaina eta Silvia Ederra eta Maite Zugarrondo jokalariak. Marta Lópezen orkatila eta Elorzaren zuntz haustura sendatze bidean daude eta gaur Maialen Múgica eta Lur Errekondori belaunetan erresonantzia egin diete, asteburuan mina hartu baitute eta, gainera, bigarrenak aurrenekoaren lekua hartzeko aukera zuen lesioa larria delakoan. SUPER AMARA Bera Berak ez ditu bajak aitzaki hartu Loterías Ligako Guardesen aurkako partida atarian ezta ere asteburu honetan Kopari begira. Ligaren inguruan, Silvia Ederraren esanetan “galdu arren handik indartsu atera ginen liga gure esku dagoela eta guztia emango dugu”. ‘Seigarrenaren bila’ zioen kartel baten ondoan, SUPER AMARA Bera Berako jokalariek jakin badakite faboritzat jotzen dituztela, halere, onartzen dute erronka “aukerak ikusten ditugulako baina pistan erakutsi behar da”. 2012. edizioaz geroztik gipuzkoarrak beti egon dira finalean, hau da, azkeneko bost finalak jokatu ditu, eta bertan egon da Alba Menéndez, behin Ziarsolok erretiroa hartuta aurten kapitain gisa arituko da, horregatik “gogoz eta ilusioaz goaz ea astelehenean Kopa jasotzen dudan”, Iruñako Superkoparekin bezala. Zarauztarrak dio “taldeak faborito ikusi behar du bere burua, anbizioa dugu eta lortzeko aukerak ditugu”, nahiz eta lesioak jasan “baina egoerari azkar eman diogu buelta talde gisa aritzen garelako”. Hirurek diote “Kopa berezia da”. Maite Zugarrondo azaldu du “guda bat da, zortzi taldeen artekoa”, horregatik, “partidaz partida joan behar dugu”. Eta aurrenekoa Elche Mustang taldea da, larunbatean 16etan (ETB zuzenean). “Elchek partida zaila jarriko digu baina gure taldearengan konfiantza dugu” dio Menéndezek. Finalerdietan, SUPER AMARA Bera Berak igandean (16etan edo 18,30etan) KH7 BM Granollers edo Mecalia Atlético Guardés izango du aurrean. Bestetik, Rincón Fertilidad Málagak Rocasa izango du aurrean (18,15etan) eta Godoy Maceira Porriñok Helvetia Alcobendas (20,30etan).