14 Otsaila 2017

Super Amara Bera Bera eta Elche Mustang taldeen arteko partidaren golegile naguiena izan zen larunbatean Bidebietan (25-15), sartutako sei golak kontraerasoa baliatuz egin zuen, izan ere, erdiko bidea bikain erabili zuen. Judith Sansek sarera bidali zituen jaurtiketak eta Tempranok bidalitako baloi luze bat baino ez zuen hartzeko aukerarik izan, Llanos Trigueros atezaina aldaketatik zetorrela. Lehenengo golan zortea izan zuen Tempranok bidalitako baloiak ez zuelako altuera handia hartu, halere, jaso eta Triguerosi eskuin aldetik sartu zion. 6. minutuan zen, 3-0 markagailuan eta Rocamorak lehenengo hutsartea eskatu zuen. Bigarrena 15 minutuan izan zen, garrantzitsua Elchek lehia berdintzeko aukera izan zuelako. Carvajal jokalariak egindako jaurtiketa Tempranok gelditu zuen eta Alicia Fernándezen ondo ikusi zuen Sans, eskuineko besarekin baloia jaso eta langa ondoan jarri zuen. Hirugarrena, 12-7 zen, Arrojeriaren baloi luzea Trigueros irten zen baina ez zuen asmatu eta kataluniarrak atea hutsik sartu zuen gola. Bigarren zatian, beste hiru gol antzera. Elxetarren lehenengo lerroak baloia galdu zuen, Alicia Fernándezek berriro ikusi zuen Sansen mugimendua; handik hiru minutura Alba Menéndezek bidali zion baloi luzeaeta 50. minutuan Maialen Múgicak Sans ikusi zuen eskuin eskuarekin baloia hartu, bi urratsa eman eta baloi loratua Triguerosen gainetik sartu zen. Montse Pucheren defentsan zutabe da Judith Sans eta erasoan normalean Silvia Ederrak ordezkatzen du kataluniarra, halere, bere abiadura eta estiloa Super Amara Bera Beraren seigarren golegile nagusia da aurtengo Ligan 42 golekin. Aurretik dira Arrojeria (65), Fernández (59), Aramendia eta López (47) eta Menéndez (44).

13 Otsaila 2017

Elgoibarren ospaturiko Euskadiko txapelketarako promozioan Bera Bera Urdina kadete taldeak Egia baino ez zuen gainditu, bertako Sanlo eta San Adrian taldeen kontra amore eman zuen, hortaz, ez zuten bigarren faserako txartelik lortu. Elgoibarren bertan, jubenil mailako taldeak 21-22 irabaztea lortu zuen Bera Bera Urdina taldeak Euskadiko txapelketako debutean eta senior mailan, Quiron Askartza mendean hartu zuen (25-14). Emaitzak Senior neskak: BERA BERA 25-14 QUIRON ASKARTZA Jubenil neskak: TECNIFUELLE ELGOIBAR 21-22 BERA BERA URDINA Kadete neskak: LEIZARAN ESKUBALOIA B 13-16 BERA BERA LARANJA Kadete mutilak DONIBANE ESKUBALOIA 34-20 BERA BERA LARANJA BERA BERA URDINA 30-24 URNIETA ITXASO ARRAINDEGIA Infantil neskak: LEIZARAN ESKUBALOIA A 17-14 BERA BERA URDINA BERA BERA TXURIA 11-8 EREINTZA BEISSIER

11 Otsaila 2017

Super Amara Bera Berak bi puntu gehiago eta Loterías Ligako lidergoan bakarrik jarraitzea lortu du gaur Elche Mustang gainditurik (25-15), Kopako kanporaketa dela eta etenaldira iritsi aurretik.
Montse Pucheren jokalariek hasiera onak eman diote partidari, lehenengo eta bigarren zatian. Fernandez birritan eta Sansen kontraeraso batekin aurretik jarri dute taldea (3-0) eta Rocamora entrenatzaileak lehenengo hutsartea eskatu du. Elche Mustang esnatu da Flores eta Hernández hasi dira Tempranoren aurrean asmatzen eta asko gerturatu dira (4-3 eta 7-6). Puchek hasierako zazpikoan aldaketak sartu ditu, López eta Elorzarekin baina 6-0 defentsa mantenduz eta Ederrak Sans ordezkatzen erasoan. Halere, kataluniarrak erdiko bidea hartu abiadura bizian kontraerasoan sei gol egiteko.
Lehenengo zati erdialdean, Puchek Etxeberria eta Ezkurdia sartu ditu. Elche Mustang 20, minutura arte eutsi dio Trigueros atezainaren geldiketak lagun. Hortik aurrera, Super Amara Bera Bera baloiari abiadura eman dio, hutsuneak aurkituz Fernández edo Arrojeria jokalarientzako. Rocamora saiatu da pistako jokalari sartuta baina ezin izan du, ezta Ivet Musons golegilea sartuta ere.
Atsedenaldirako bost minutu falta zirela, Puchek Zugarrondo eta Menéndez sartu ditu eta atsedenaldira 12-8 aurretik.
Bigarren zati hasiera erabakiorra izan da. Orduan hautsi baitu partida Super Amara Bera Berak Fernándezen barneraketak medio eta Sansek sartutako kontraerasoak. Múgicak gaur 23 bete dituen Arrojeria eserlekuan utzi du baina Elche Mustang taldeak galdu dituen baloiak aukera eman dio bertakoei tartea irekitzeko, gainera Zugarrondo atepean bikain aritu da. Super Amara Bera Berak Elche Mustang bikoiztu du hasi eta berehala (16-8, min 35). Rocamora entrenatzaileak hutsarteak eskatu ditu baina ez da ezer aldatu, Menéndez eta Etxeberriak asmatu dute eta partziala are gehiago ireki da: 8-1.
Orduan Puchek Berasategi, López, Lizarbe, Zaldua eta Arrojeria sartu ditu. Berasategi eta Marta López jokalarien golak izan dira aipagarrienak amaieran. Hortaz, garaipen berria, une batzuetan sentsazioak ere berreskuratu ditu Super Amara Bera Berka eta datorren asteburuan atsedena hartuko du Kopako kanporaketa honetatik salbu dagoelako, egungo txapelduna baita.
Ficha Super Amara Bera Bera 25, Elche Mustang 15
Super Amara Bera Bera 25 (12+13): Temprano, López (3), Arrojeria (2), Sans (6), Elorza (1), Fernández (4) eta Aramendia –titular- Ederra, Etxeberria (3), Ezkurdia (1), Menéndez (2), Múgica (1p), Berasategi (2), Zaldua, Lizarbe eta Zugarrondo (o.a.)
Elche Mustang 15 (8+7): Trigueros, Carvajal, Ramón, Flores (3), Hernández (6), Castell (3, 1p) eta Salcedo (1) –titular- Ferreira, Musons (2), Méndez, Lamoneda eta Sempere (o.a.).
Epaileak: Álvaro García eta Juanmaría Sanmartín (andaluziarrak)
Kanporatuak: Sans eta Ezkurdia Super Amaratik eta Carvajal Elche Munstag taldetik
Partzialak: 2-0, 4-3, 7-6, 8-6, 10-7, 12-8 –atsedenaldia- 16-8, 20-9, 20-10, 21-11, 22-13 eta 25-15

10 Otsaila 2017

Bihar larunbata Bidebietan (18etan) Super Amara Bera Berak Elche Mustang hartuko du lehengo larunbatean Valladoliden jasotako porrota ordainean hartzeko, Álvaro García eta Juan María Sanmartín epaile andaluziarrek zuzenduko duten norgehiagokan.
Ana Martínez izan ezik plantilla osoa du prest Montse Puchek. Elxetarra ezker sorbaldan ondo jartzen jarraitzen ari da. Super Amara Bera Berako entrenatzaileak Uxue Ezkurdia deitu dezake, sudurrean izan zuen haustura dela eta, bi partidaz baja izanda, alta agiria jaso zuen donostiarrak.
Halere, taldeak sentsazioak berreskuratze aldera lan egin du aste honetan Montse Puchek, erasoan nahiz defentsan, talde sendoa izateko. Elche Mustang taldearen aurka partida ostean, Super Amara Bera Berak atsedena hartuko du hurrengo asteburuan Kopako final-zortzirenak jokatuko baitira eta donostiarrak, txapeldun izanda, zortzi finaleako fasean dira dagoeneko, antolatzailea bezala.
Elche Mustang taldeak, aldiz, Prosetecnisa Zuazori sustoa eman zion azken jokaldira arte ez zuten partida bereganatzerik izan bizkaitarrak. Bidebietarako Ivet Musons golegilea sendatu da eta Lara Lamoneda albokoa ere Donostian izango da bihar. 2015ean Rocasak Bidebietan irabazi baino lehen, 2014ko azaroan Elche Mustang izan zen etxean 35 garaipen jarraian apurtu zuen taldea. Orduan ziren Trigueros eta Sempere atezain, Musons, Laura Hernández, Anna Vicente eta Zhukova. Egun Elche Mustang hamaikagarrena da sailkapenean, hortaz, puntuak behar ditu jaitsiera postuak saihesteko.