Merezitako garaipen berria lortu du gaur AKABA BERA BERAk MAR ALICANTE talde xumearen aurka , Bidebietako kiroldegian jokatutako Ligako partiduan. Gipuzkuarrak lan etekin aberatsa erakusten jarraitzen dute pistan, defentsa sistema sendoa garatuz (gaur batipat lehenengo zatian). Tati Garmendiaren jokalariak 3 "fly" egiteko trebetasuna izan dute ere, nahiz zelaian, jokalari gutxiago batekin izan momentu horretan, baloi ugari lapurtu dituzte eta abiada handiz, gora oso azkar igo dira etengabe, kontraeraso indartsuak eginez. Erdialdeko jokua eta aldea ere, Pinedo eta Petrinja jokalariak protagonista izan dituelarik batipat, oso ongi defendatua izan da, alikantarren joko saiakerak behin eta berriz desorekatuz, eta hala gauzak, kanpotarrak erabateko ezintasuna erakutsi dute Ciobanuren inguruan hutsuneak sortu eta golak sartzeko. Ez dute etzi kanpotarrak hala ere, eta bigarren zatiko 15garren minututik aurrera, defentsa bikoitza eta nahasia atera dute zelaian, gipuzkuar taldeko alboko jokalariak modu zehatzez kontrolatu nahiean, baina ez dute behar bezala gauzatu intentzioa pistan. Pozik beraz Tati Garmendiaren taldea garaipen berri honekin, eta neurketa aurreko minutuetan AKABA Elkarteko beste mailako (kadete eta gazte) jokalariak eskeinitako omenaldiarekin, izan ere, lehengo astean Balentzian lortutako Kopak hala merezi bait zuen gutxienez; Pistalekuaren erdian erronka gisa jarriak, gazte mailako jokalariak, lore sorta bana eskeini diete. Garaipen honen ondoren, Ligako urrengo partidua, Itxakoren aurka izango da, datorren larunbatean.
OSTEGUNA, Apirilak 12an
*Donostiako Udaletxean 13:00tan Akaba taldeari errezepzioa egingo zaio Erregina Koparen lorpenaren ondoren
*Diputazio Foralean 16:30tan Akaba taldeari errezepzioa egingo zaio Erregina Koparen lorpenaren ondoren.
LARUNBATEAN, Apirilak 14ean
* 19:30tan Akaba Bera Bera eta Mar Alikanteren arteko partidua jolastuko da. Partiduaren aurretik Akaba taldeari omenaldi txiki bat egingo zaio Erregina Koparen lorpenaren ondoren
Balentzian lortutako arestiko garaipenaren ondoren, AKABA BERA BERAren jokalariak eta egun batzuk oporretan igaro ostean, entrenamendu sesioei berriz ekin diote Liga txapelketako urrengo partiduari begira. Larunbat honetan izango da neurketa, Bidebietako kiroldegian, arratsaldeko 19,30etatik aurrera eta Mar Alicante taldearen aurka. Alikantarrak zazpigarren postua okupatzen dute egun Liga lehiaketako sailkapen nagusian, orainarte, 19 puntu lortu dituztelarik. Jadanik, gipuzkuar taldeari ordaina eman nahi izango diote bisita honetan, txapelketako lehen itzulian, AKABAK aise irabazi bait zuen. Partidu honen epaile, Fernández Baranda eta González Grau arbitro euskaldunak izango ditugu.
Garaipen bikaina lortu du gaurkoan Erregina Kopako semifinaletan AKABA BERA BERA taldeak Elda Prestigioaren aurkako partiduan Balentzian. Garaipen honek gainera, Errekoparako txartel zuzena eskeintzen dio gipuzkuar taldeari. AKABAK erritmo handia imposatu dio neurketari lehen segundutik, 6:0 defentsa aukeratu du, eta nahiz eta lehen 15 minutuetan Fraile edo Soit bezalako jokalari arriskutsuak arazoak sortu atzean, partiduaren minutu horretarik aurrera, defentsa sistema erabat birmoldatu, eta elkarjotze eta baloiak berreskuratuz aurrera joan dira markagailuan gipuzkuarrak. Joku azkarra baina iraunkorra burutu dute, kontraerasotan gora etengabe joaz, eta barneratzeak ondo burutuz, golak lortuz. Jokoaz gain, Tati Gamendia entrenatzailearen ez egotea nabarmendu behar da, izan ere, neumoniaz jota, hotelean gelditu behar izan bait du arratsalde honetan. Poz-pozik gipuzkuarrak garaipen garrantzitsu eta zail honen ondoren, gogo eta ahalmen guztiak biharko finalean jarrita dute jada, arratsaldeko 15,45etatik aurrera, Cementos La Unión taldeari aurrez aurre neurtuko dituen norgehiagokan.
Merezitako garaipen garrantzitsua lortu du gaur Akaba Bera Berak beti zaila getatzen den Itxako talde nafarraren aurka Balentzian (L"elianan), Erregina Kopako final laurdenetako partiduan. Gipuzkuarrak ideiak oso argi zituztela atera dira pistalekura, neurketan buru-belarri sartuak ibili dira lehen segundutik eta baloiak eskutartean mantentzeko intentzioz gogor eta gogoz borrokatu dute zelaian. Jokoan nagusi, Akabak 6:0eko defentsa bikaina erakutsi du eta ongi egite honek, nafartarrei baloi asko lapurtu eta azkar oso gora etengabe igo eta golak sartzea zilegitu dio Tati Garmendiaren taldeari. Gauzak honela, Itxakok 5:1eko defentsa sistema aukeratu du partidua aurrera zihoan ehinean,Garmendia jokalaria kontrolatzeko asmoz, eta gipuzkuarrak imposatutako joko erritmoari eusten saiatu dira hauen golen errenta neurketaren azken minutu t"erdian puntu batera murriztea lortu dutelarik, baina ez da nahikoa izan markagailua beren alde eskuratzeko. Akabako jokalariak jokuaren gidari gertatu dira azken segundurarte eta garaipen garrantzitsuaren jabe egin dira azkenean.Partidu hau irabazi ostean, urrengo neurketa txapelketa honen barne (semifinalak jokoan) larunbat honetan, Martxoak 31, Balentzian (L"elianan) eta arratsaldeko 16,30etatk aurrera izango da, Elda taldearen aurkako norgehiagokarekin.
