Partidua zaila izango zela aurretik jakinda, lehenengo partidua jokatu zuen etxean AKABA BERA BERAk. Partidua nahiko berdindua izan zen, hala ere, Alikantekoak markagailuan aurrean izan ziren partidu osoan zehar. Deskantsura 11-14. AKABA BERA BERAk bigarren zatiaren bukaeran partiduari martxa hartu baldin bazion ere, azkeneko markagailuaren emaitza 25-27koa izan zen.
Partiduko goleagile handiena Kowalska izan zen, 7 golekin.
Alicante taldea denboraldi honetarako gehien berritu den taldea izan da. Jokalari berriak hauek dira: Maite Andreu, Veronique Demoniere (frantziarra), Aida Selmanovic (Yugoslabiarra), Nikoletta Brigovacz (hungariarra), Anuska Voytsekhouska (ucraniarra) eta Nia Djuraas. Hauek, Rita Davidoskaia, Alesia Kurchankova eta Mihaela Ciobau (errumanirra) atezainarekin batera, talde indartsu bat osatu dute.Partidua zaila eta korapilatsua izando da eta Akaba Bera Berak lan haundia egin beharko du bi puntuak lortzeko.
Partiduko epaileak Madrileko Gorjon Avila eta Rios Martin izango dira.
Akaba Bera Berak ezin izan zuen bere lehen partiduan punturik lortu.
Azken denboralditan bezala, Vicar Goya taldeak bere etxean talde indartsua dela azaldu zuen. Vicar taldearen defentsa irekiak eta Delia Dumitru atezainaren asmatzeak, Akabaren erasoa korapilatu zuten.
Atsedenerako emaitza 11-9 izan zen.
Akaba taldeko goleagilea Dagmara izan zen, 7 golekin.
Irailaren 15ean, Castro Urdiales-en, AKABA BERA BERAk Ciudad de Castro Urdiales tornean parte hartuko du.Hauek, Almerian aste buru honetan bertan hasten den liga aurretik Akabak jokatuko dituen azken lagunarteko partiduak izango dira.Torneo honetarako partiduak eta hauen ordutegiak hauek dira:19tan AKABA BERA BERA-BETI ONAK. 19,30tan PROMOCIONES PARAÍSO-BETI ONAK. Eta 20tan PROMOCIONES PARAÍSO-AKABA BERA BERA.
Esme, lehen aldia al da olinpiadetara joan zarela?
Bai, berezko merituak direla eta, lehendabiziko aldia izan da honako hau. Aurretik, Bartzelona 92an, herri antolatzailea izateagatik egon nintzen. Atenasen lehen aldiz, eskubaloi femeninoak olinpiadetan egotea lortu du.
Nolako oroitzapenak geratu zaizkizu Atenasen egon ondoren?
Oroitzapen hoberena giroarena da. Jende guztia euforikoa zegoen han egote hutsagatik eta hori transmititu egiten zen. Medaila bat, bi edo hiru irabazitako jendea ikusten zenuen inguruan eta horrek euforia transmititzen zuen.
Hura munduko mapa bezalakoa zen. Apartamentu blokeetan ginen, hiru pisutakoak, herriak eta kirolak denak nahasturik. Oso polita zen giroa.
Nolakoa izan da emakumeen eskubaloi taldearekin erlazioa?
Taldean, elkarbizitza eta giroa oso ona izan da. Kirolaren mailari dagokionean, ez dugu jolastu jolas dezakegun mailan, baina giroa oso ona izan da.
Erakutsitako kirol mailaren inguruan zer komentatuko zenuke?
Olinpiaden aurretik lortu genuen maila ez dugu erakutsi. Lortua genuen mailarekin eta zorte pixka batekin, izan ere Olinpiadetan zorteak eragin handia du, medailak lortzeko borrokatzeko aukera bagenuen. Aldiz, ez dugu hain ongi jokatu eta medailak lortzeko borrokatzeko puntuan egon gara.
Zapore txarra geratzen zaizu ahoan, hobeto egin ez dugulako. Olinpiadak pertsona askorentzat behin bakarrik gertatzen baitira bizitzan. Bi hilabete elkarrekin igaro ditugu eta lagun handiak egin ditugu.
Bueltan, nola aurkitu duzu Bera Bera?
Gogo handia nuen beraiekin jolasteko. Bai, oso ondo egon naiz han, oso gustura, baina hau nire ekipoa da eta hemen da benetan jokatzen disfrutatzen dudan lekua. Jokalari batzuk betidanik ezagutzen ditut eta ekipoa nola zegoen, forman zeuden ikusi nahi nuen eta oso pozik nago hemen egoteaz. Eta bai, forman daude!