Otsailaren 27an, asteazkena, arratsaldeko 18:00etan eta Bidebieta kiroldegian, Akaba Bera Berak denboraldi honetako bere lehen titulua eskuratzeko borrokatuko du Superkopako zortzigarren edizioan eta ETB-1tik zuzenean ikusi ahal izango da. Partida bakar batera jokatzen den konpetizioa da, iazko ligako txapeldunaren eta kopako txapeldunaren artean.
Bere historian bigarren aldiz da Akaba Bera Berak konpetizio honetan parte-hartzen duela. Iazko denboraldian Valentzian ospatu zen bi talde hauen artean, donostiarrak parte hartu zutelarik Leonen jokatu zen 05-06 kopako edizioan txapeldunordea lortzeagatik. Beraz, denboraldi honetan berriz erabakiko da titulua bi talde berdinen artean. Iaz Akabak 25-22 galdu zuen, kopako txapelketa lortu eta hiru egun ondoren jokatu zen partidan.
Cementos La Union Ribarrojak txapeldunen ligatik kanpo geratu denez, Akaba da egun ligako talde bakarra ahal diren konpetizio guztietan sartuta dagoena: Liga, Kopa, Europako Errekopa eta Superkopa
Valentziar taldearen aldetik berriz, orain arte egin diren zazpi edizioetatik bostetan hartu du parte, horietatik bi aldiz titulua eskuratuz, 03-04 denboraldian Orsan Eldari 32-31 irabazi ondoren eta iaz Akaba Bera Beraren aurka 25-22 bere alde egindako emaitzarekin
Cementos La Union Ribarroja azkeneko bi denboraldietako ligen txapelduna da eta Donostiara iristen da azkeneko jardunaldian lau goleko errentarekin galdu ondoren Roquetas-en aurka. Ustekabeko emaitza, nahiz eta gauzak zailago jarri bazaie ere ligako txapelketa berriz lortzeko, ez da ahaztu behar Europako Txapeldunen ligan postu bat eskuratzeko hiru puntura besterik ez daudela. Plantila indartsua duen taldea da internazionalez josita, oso ondo babestutako atetik hasita. Hemen, Maru Sanchez internazionala eta Micaela Ciobanu Akabako atezain ohia topa ditzazkegu. Halaber, Serbiako Tajtana Medved jaurtitzaile bikaina dago, garaiera handikoa eta jaurtiketa gogorrekoa. Zentral postuan Anna Esjmont poloniarra dago, golegilen zerrendan hamargarren postuan kokatua eta eskubiko alboan Patricia Alonso, internazionala hau ere. Bigarren lerroko jokalarien artetik Kanariar uharteetako Goretti Castañeda pibote internazionala nabarmentzen da eta hegaletan Rocío Guerola eskubian eta Elena Martí eta Susana Pareja ezkerrean, guztiak ere internazional mailakoak.
Beraz oso talde bikaina eta eskarmendu handikoa, nahiz eta ligan ezustekoan hainbat puntu galdu izanak, bere plantila bikaina ez du gehiegizko konfidantzan erortzen uzten, Bidebietan jokatu zen ligako partidan Akabak lau goleko diferentziagatik galdu baitzuen, 22-26
Europako Errekopako final laurdenetara pasatzea lortu ondoren hartutako bi eguneko atsedenaldiak bukatuta, Akaba Bera Bera ligara itzultzen da. Hilabeteko zikloa hastera doa, non, aste bakoitzero bi partida jokatu beharko ditu eta aste santuaren jaiarekin batera bukatuko da. Aurreko hila gogorra izan bazen ere, hau gehiago izango da. Taldeak partida gogorrei egin beharko die aurre hurrengo denboraldirako europa jokatzeko eskubidea ematen duen postuetan mantendu ahal izateko eta gainera Errekopako final laurdenak jokatu. Tartean ere Superkopa dagoela.
Oraingoz larunbata honetan, otsailak 23, Akaba Bera Berak bi puntuak jokatu beharko ditu goi mailara igo berria den Promociones Paraíso Castro Urdiales-en aurka. Hamabigarren postuan dagoen taldea dugu eta borroka bizian dago goi konpetizioan mantentzeko, bere aurkari zuzenekin puntuta berdinduta. Beraz, irabaziz gero hamargarren postura igoko litzateke leku arriskutsuetatik kanpo. Hau dela eta, Castroko jokalariak oso motibazio bereziarekin ekingo diote partidari.
Castoko taldeak bere jokalari garrantzitsuena eta jokuari bizitasuna ematen diona min hartuta eduki du azken asteetan, Verónica Cuña zentral galiziarra. Zuntz haustura batek jardunaldi batzuetan kanpoan mantendu du baino taldearen egoera garrantzitsua izanik seguruenik larunbata honetan zelairatuko dela. Plantilara baita gehitu dute ere eskubi alboko ezkertiarra Vanesa Arobes, ligako geldialdian fitxatu zuten eta Akabaren aurka ez zen egon ligako joaneko partidan. Ez da garaiera handiko jokalaria baino 7-8 metroetatik oso jaurtiketa bortitza du. Agresibitate handia du eta taldearen erasoari arrisku gehiago ematen dio, non, esandako Cuñarekin eta alboko Lidia Montes, Patricia Elorza eta Zsofía Pasztor-ekin batera, oso talde trebea betetzen dute lerro guztietan Castrokoek. Baino Cantabriar taldearen indarrak plantila hobetzeko baita zuzendu dira ere atea indartzen eta honela, Adriana Stefani Gava brasileko selekzioko atezain juniorra ekarri dute, BM Leon-etik utzita iritsi da denboraldia bukatu arte.
Beraz, talde arriskutsu bat Akaba Bera Berarentzat, orain ligan zentratu beharko dena eta egiten ari den joku onarekin jarraitu Europako Txapelketan lortutako arrakastaren ondoren.
Gaur goizeko entrenamenduan, eskubi egaleko jokalari internazionala Esme Lopez, bere eskubiko belaunean min hartu du porterira jaurtiketa bat egin ondoren. Egindako lehenengo azterketa batean baliteke oso larri ez izatea. Ia odolik ez du artikulazioaren barruan eta estabilitatea ona du. Dena den, belauna hoztu arte itxaron beharko da lesioaren garrantzia erabateko balorazioa egin ahal izateko eta horretarako datorren astera arte itxaron beharko da. Ziurtatuta dagoena da datorren larunbateko jardunaldia, Promociones Paríso Castro Urdiales-en aurka, galduko duela.
KIF Vejen taldea (Kolding, Danimarka) bostgarrena dago kokatua Danimarkako ligan, laugarrenetik bi puntura besterik ez. Final zortzirenetan Leipzig alemaniarra kanporatu zuen. Alemanian 31 eta 27 galdu bazuten ere, gero etxean 31 eta 24 irabazi zuten. Nahiz eta talde honetatik danimarkako selekzioarekin Bente Hǿjmark Andersen atezaina bakarrik izan, beste hainbat herrialdeko jokalari internazionalak osatzen dute KIF Vejen, besteak beste, Stefanie Melbeck eskubiko egaleko eta Cristine Lindeman atezain alemaniarrak. Baita Young Sook Huk koreako selekzioko pibotea eta lehenengo lerroko Jenny Gustafsson, suetziarekin internazionala dena. Baina norbait nabarmentzekotan lehenengo lerroko jaurtitzaile bikaina Jelena Eric serbiarra izango litzateke. Bera da Danimarkako txapelketako bigarren goleatzailea 116 golekin eta Leipzig taldeari kanporaketako joaneko partidan 12 gol sartzeko gai izan zen, beste taldekideek partida berean gehienez hiru gol sartu zutelarik. Beraz, esan dezakegu hogeitabederatzi urteko jokalari Serbiar honek, zalantza-izpirik gabe, taldeko izarra dela. Akaba Bera Berak gogor borrokatu beharko du kanporaketa gainditzeko. Gainera, oraingo honetan suertea ez du bere alde eduki eta bigarren partida kanpoan jokatu beharko du.
Dena den, Akaba Bera Berak final laurdenetako kanporaketa jokatzen duen bitartean, ligako txapelketa ezingo du ahaztu. Eta honetan ere, suertea albo batera geratu da. Kanporaketa jokatzen duen aldi berean ligako partidak ditu, biak kanpoan ere, hau da, etxean jokatu baino lehen Mar Alicantera egin beharko du bidaia astean zehar aurreratutako jardunaldian eta ondorengo jardunaldia Cementos La Union Ribarrojari aurre egin beharko dio Valentziar herrialdean. Beraz, hamabost eguneko epean kanporaketa eta ligako puntu garrantzitsuak jokoan edukiko ditu.
Akaba Bera Berak bere historiako bigarren aldiz lortzen du Europako Errekopako final laurdenetara pasatzea. Emozioz betetako partida bizitu zena larunbatean Bidebietan. Nahiz eta lehenengo zatian zehar galtzen joan, taldeak lasaitasuna mantentzeko gai izan zen eta azkenean partida irabaztea lortu eta honekin batera, kanporaketa zalantzarik gabe bere alde eskuratu.
Itzuliko partida Podgorican zazpi egun aurretik jokatutakoaren antza eduki zuen. Han lehenengo zatia Akabak menperatu bazuen eta bigarrenean etxekoek protagonista izatera pasa baziren, larunbatean alderantziz gertatu zen. Lehenengo zati bat, non, Montenegrokoek bost goleko errentarainoko aldearekin jarri ziren eta ekartzen zuten bi goleko errenta gehituta, kanporaketa bere alde zazpi goletara jartzen zen. Baino Akabak azkeneko hamar minutuetan eduki zuen erreakzio onari esker, atsedenaldira 15-16eko emaitzarekin iristea lortu zuen, kanporaketa irekia geratzen zelarik bi taldeentzat.
Bigarren zatia jai batean bihurtu zen Akabarentzat eta Bidebietara hurbildu ziren zaletu guztientzat. Ikaragarrizko defentsa onean oinarritutako garaipena, Bulatovic, Jovovic eta Jovanovic-en lehenengo zatian hainbesteko arazoak eman zituzten kanpo jaurtiketa arriskutsuak, erabat deuseztatu zituena. Montenegroko jokalarien erasoaldien etengabeko gurutzeak, defentsa desorekatzearekin batera bere lehenengo lerroko jokalariei kanpo jaurtiketarako leku librea uzteko helburuarekin, ez zuen emaitzarik eman bigarren zatian, Akabak oso ondo egokitu baitzuen aurkarien aldaketak eta agresibitate handiago erakutsiz alboko aldeko sakontasunean. Honek guztiak, Buducnost-ek behin eta berriz talka egitea defentsaren hesiaren kontra eragin zuen eta erabat deuseztatuta geratzea bere gola egiteko gaitasuna.
Akabako erasoaldietako jokalarien mugikortasuna eta jarraipena behin eta berriz lekua topatzen zuten, bereziki egaleko eremuetatik. Buducnost T-mobilen defentsa sei metroetan kokatua zegoenez oso ondo baliatu ziren honetaz Akabako jokalarien barnekaldiak golean edo penaltian bukatzeko.
Behin lau goleko errenta lortuta, Akabak oso ondo menperatu zuen partidaren erritmoa. Lasaitasunez eta baloien galerak kontrolatuz, sei goleko errenta zuela sartu zen azkeneko bost minutuetan. Azkenean landutako garaipena eta sekulako partida jokatu zena talde on baten aurka.
Bihar, asteartea, jakingo da Akabaren hurrengo aurkaria. Datorren kanporaketa martxoaren 8an eta 15ean jokatuko da eta hauek izan daitezke aurkariak:
Krim Mercator (Eslovenia)
Cluj-Napoca (Errumania)
KIF Vejen (Danimarka)
Rulmentul Brasov (Errumania)
Le Havre HAC (Frantzia)
Larvik HK (Norvegia)
Podravka Vegeta (kroazia)
Akaba Bera Bera: Bouveret, Tati Garmendia (6), Aguirre (2), Esme López (9), Pinedo ( 8, 6 penaltiz.),Tervet, Ziarsolo (4)-hasierako zazpikoa- San Román (2, 1 penaltiz), Valverde (1) Aisa, Rubio (1), Puche, Petrinja.
Buducnost T- Mobile: Bajaktarovic, Dragutinovic (6), Damjanac (2), Mladenovic (3), Budatovic (8), Jovovic (3), Radocevic (4, 1 penaltiz)- hasierako zazpikoa- Pavicevic (1), Vlahovic, Perovic, Djurovic, Radika, Milacic.
Arbitros: Guyot y Stalder. Ziarsolo eta Tervel Akabaren aldetik kanporatu zituzten eta Radika, Jovovic, Mladenovic eta Pavicevic (2) Buducnost T-mobile-en aldetik.
Markagailua bost minuturo: 3-2; 5-5; 6-9; 8-12; 11-15; 15-16- atsedena- 18-17; 21-18; 25-20; 28-23; 30-24; 33-27 (amaiera).
Gorabeherak: 800 zaletu elkartu ziren Bidebietako kiroldegian Europako Errekopako final zortzirenak ikusteko.
Partida hasi baino lehen, Akaba Bera Berak omenaldia eman nahi izan zuen urtean zehar bere laguntza ematen duten klubeei: Ereintza, Loiola, Donibane, Mutriku, Egia eta Bidasoa