Gaur goizean Vienan egindako Europako Errekopako zozketan AKABA BERA BERAri errumaniako Rumentul Brasov egokitu zaio finalerdietako aurkari. Joaneko partida Bidebietan egingo da apirilaren 19an edo 20an eta itzulikoa errumanian apirilaren 26an edo 27an
Bihar eguerdian, asteartea, Akaba Bera Beraren hurrengo finalerdietako aurkaria ezagutuko da, apirilaren 20 eta 27an jokatuko diren kanporaketetan. Aurkariak Larvik norvegiarra, Prodavka kroaziarra edo Rumentul Brasov errumaniarra izan daitezke. Lau finalerdietako taldeetatik Akaba Bera Bera da Txapeldunen Ligatik ez datorren bakarra, gainontzekoak goi mailako konpetiziotik jeitsitakoak dira. Gainera, guztiak beren herrialdetako ligako buru dira. Beraz, hiruetatik edozein suertatzen bada ere, oso aurkari gogorra izango da. Ziurtatu daiteken gauza bakarra zera da, kontinenteko goi mailako eskubaloiaz gozatu ahalko dela.
Datorren martxoaren 27ti 31a bitarte jokatuko diren preolinpikoetan, Akaba Bera Berako bost jokalari parte-hartuko dute. Bertan datorren Joku Olinpikoetara leku bat eskuratzeko aukera edukiko dute. Alde batetik Rubio, Garmendia eta Pinedo espainiako selekzioarekin arituko dira Leipzig hirian (alemania) bertan baitago espainiari egokitu zaion multzoaren egoitza, Suetzia, Cuba eta Alemaniarekin batera. Hauetatik bik besterik ez dute leku bat lortuko Pekinen egoteko.
Bestaldetik, Tervel eta Bouveret Frantziako selekzioarekin arituko dira. Hauek Hungria, Congo eta Japonekin batera borrokatu beharko dute leku bat lortzeko Joku Olinpikoetan. Frantziaren multzoa Nimesen dago egoitza.
Hala ere bostak martxoaren 18tik aurrera kontzentratuko dira, hau da, danimarkatik etorri eta bi egunetara.
Izugarria. Akaba Bera Bera eskubide osoarekin sartu da euskal eskubaloiaren historian. Bukaerako 27 eta 28ko emaitzari esker Europako Errekopako Final Erdietan sartu da. Taldeak neurketa osoan erakutsi duen nahia eta lana azkenean saria eduki du.
5:1 defentsarekin, Garmendia aurrean lana eginez, aurkarien eskubi alboko Melbeck-en kanpo jaurtiketak eragoztea lortu da, baita Huh korear erdilariaren barnekaldiak ere. Aldiz, daniar taldearen izarra, Jelena Eric serbiarra, bere kanpo jaurtiketa bortitzen bitartez markagailuaren diferentziak murriztu ditu, Akaba Bera Berak partida menperatzen ari zen unean.
Lehen zatia bi taldeen arteko norgehiagoka oso parekatua izan bada ere, bigarrena Akabarena izan da. Oso defentsa itogarria egiten eta kontraerasorako erasoaldi azkarrak erritmo handiarekin eginez, bigarren zatiko lehen laurdenerako bost goleko errentarekin jarri da, 18 eta 23. Hala ere, Eric-en jaurtiketen bitartez aldea murriztea lortu dute daniarrak.
Honela, jokuaren azken minutuan sartzen da 27na berdinduta eta Akaba baloiaren jabetzarekin. Gol bat gehiagorekin kanporaketa donostiarrentzat izango da. Baloia galtzen da. Kif Vejen-en kontraerasoa. Bouveret-en geldiketa eta baloia bandatik ateratzen da. Hamar segundu gelditzen dira eta daniarrak ateratzera dijoazte. Banakako defentsa egiten du Akabak. Botez pasea piboteari. Bouveret-en geldiketa eta pasea Tervel-i zelai erdira. Lau segundu geratzen dira. Tervel botearekin aurkarien atera hurbiltzen ari da. Bi segundu falta dira eta Tervel jaurtitzeko salto egiten du. Gola. Partida bukatu da eta Akaba europako errekopako final erdietara sailkatua