Bera Bera - Berriak

11 Uztaila 2012

Bera Bera Eskubaloiak Bidebietan plantilla indartzeko bostgarren fitxaketa aurkeztu du gaur goizean. Silvia Ederra nafarra da, 28 urteko pibotea, aurten Lehenengo mailako Sporting La Rioja taldean aritu dena, halere, Itxakon, Mar Alicanten eta Castro Urdialesen ohorezko mailan eskarmentua duen jokalaria da. Lizarreko jokalaria “oso pozik” zegoen Bera Berakin sinatu duelako, “Itxakotik irten nintzenetik hona etorzea nuen helburu eta azkenean lortu egin dut”. Silvia Ederrak dio “Bera Berak guztia ematen du pistan, azkar jokatzen du eta Championsen arituko da, frogatzeko falta zaidan lehiaketa, hain zuzen”. Trafiko istripu baten ondorioz, Silvia Ederrak hernia diskala ebakuntza egin zioten eta iaz pistara itzuli zen Logroñon maila ona emanez. Horrela, bere burua “ondo ikusten du guztia emateko, taldeko jokalaria naiz eta defentsan eta erasoan aritzea gustoko dut”. Verónica Cuña, Patricia Elorza eta María Núñez taldekide izan ditu “gainontzekoak ere ezagutzen ditut, beraz taldeari egokitzeko ez dut arazorik izango”. Bestetik, Tati Garmendiaren ustez “Silvia Ederra indar handiko pibotea da, grina du, defentsan sutsu aritzen da eta badaki posizioa hartzen”. Bera Beraren helburuen inguruan galdeturik, Tati Garmendiak argi hitz egin du. “Gure erronka beti izan da txapelketa guztiak lehiatzea, Championsen zaila izango dugu batez ere Viborg tokatu zaigulako”. Halere, bere ustez “zuhurtzi guztiarekin aurten Liga hurbilago egon daiteke”. Silvia Ederra jokalaria Bera Bera Eskubaloiaren bostgarren fitxaketa da, Joku Olinpikoetan izango den Patricia Elorza, María Núñez, Adriana Cardoso eta Nitsan Dunay batera. Laterala baten bila dabil Tati Garmendia, halere, Bidebietan agertuko litzateke irizpide ekonomikoetan sartuz gero.

10 Uztaila 2012

Jorge Dueñas hautatzaileak Joku Olinpikoetan izango diren 14 jokalariak osaturiko zerrenda gaur jakitera eman du. Bera Berako jokalari Eli Pinedo eta Patricia Elorza datorren urtean Bidebietan arituko dena daude bertan.

Era berean, Londresen izango dira Nely Carla Alberto donostiarra eta Bea Fernandez kantabriarra, Bera Berako kamiseta defendatu duena azkenenko bi urtetan, Dara Carvalho pibote brasildarrak bezala.

Espainiako selekzioa Gijonen dago Joku Olinpikoak prestatzen. Faduran lanean dagoen Angolak selekzioaren aurka lagunarteko bi partida jokatuko ditu aste honetan, uztailaren 17an Kroazian beste bi lagunarteko izango ditu eta uztailaren 24ean abiatuko da Londresera.

Dueñasen selekzioak Hegoaldeko Korearekin egingo du debuta Londresen uztailaren 28an (11,15etan). Bartzelona’92 eta Atenas’04 ostean hirugarren Joku Olinpikoak dira aurtengoak. Jokalari olinpikoen zerrenda

09 Uztaila 2012

Gipuzkoako Eskubaloi federazioak lehengo astean antolaruriko ekitaldian Bera Bera Eskubaloi taldeko ezker hegal zarauztar Libe Altunak 2011-12 denboraldiko Gipuzkoako jokalaririk onena saria jaso zuen.

Federazioak, era berean, Amenabar taldeko Igor Urbietaren lana goraipatu zuen, Usurbilgo Esther Arrojeria eta Bidasoako Koldo Jauregi jubenil mailako jokalari onenak izendatu zituen eta gauza bera egin zuen Aialako Andrea Zaldua eta Ereintzako Joseba Yerobi jokalariekin. Zentzu honetan Zarauzko entrenatzaile Xabier Letamendia saritu zuen eta Markel Garralda epailea.

Era beran, Bera Bera Egia jubenil eta kadete mailako taldeek Gipuzkoako txapeldunak izan ziren eta, datorren denboraldian Euskal Ligari ekingo diote. Nora Azurmendi eta Ane Zabala jubenilek eta Andrea Arellano eta Aiene Bilbao kadete mailako jokalariek jaso zituzten sariak.

06 Uztaila 2012

Bera Bera Eskubaloiak aurretik Poloniako txapelduna Vistal Laczpol Gdynia gainditzen badu eta, ondoren, antza Viborg HK daniarra eta, ondorioz, Champions Leagueko multzoen faserako txartela lortuz gero, gaur egunko Europako txapelduna Buducnost izango du aurrean.

Gaur goizean Championseko ligaxkan aritu diren lau taldeetako lau multzoak osatu ditu Alemaniako Herzogenaurach hirian burutu den zozketak. Horrela, Montenegroko txapelduna Buducnost taldeaz gain, Alemaniako txapelduna Thüringen taldea bilduko dira eta, bertan sartuko da Bera Bera dagoen kanporaketako irabazlea eta Wild Card lortu zuten beste taldea: Pariseko Issy, Zvezda errusiarra edo el Leipzig alemaniarra.

Donostian Europako txapeldunaren aurka jokatzea beste erronka bat izango litzateke Bera Bera Eskubaloiarentzat. Halere, irailaren 22 eta 23an burutuko den kanporaketa gainditzea oso zaila izango da, hiru aldiz Champions League irabazi duen Viborg Hk indartsua aurrean izango baita.

05 Uztaila 2012

Bera Bera Eskubaloi taldeko arerioa Championsen, multzoen fasean txartela emango duen kanporaketan, Poloniako txapelketa lortu zuen play-offeko azken partidan, gol batez eta etxetik kanpo. Vistal Laczpol Gdnyia taldeak MKS Zaglebie Lubin 25-26 gainditu zuen finaleko bostgarren partidan. Ligan azkeneko urtetan hazi den taldea da. Duela bi urte hirugarrena gelditu zen eta birritan liga erregularrean bigarren izan da txapelketa irabazi dion Zaglebie Lubin taldea ostean. Europan esperientzi gutxi du, halere, iaz Alemaniako Leipzig taldeak gol bakar batez gainditu zituen poloniarrak Errekopako bigarren kanporaketan. Lehenengo lerroko jokoan oinarritzen da, barneraketa bilatuz eta ahal duenean kontraerasora irtetean da. Plantillako hiru jokalariek Poloniako selekzioko deialdian parte hartzen dute, Montenegro eta Rusia ostean gelditurik Serbiako Eurokoparako txartela ez dute lortu poloniarrek. 27 urteko Katarzyna Koniuszaniec ezker hegala, Patrycja Kulwinska pibotea y Karolina Szwed ezker laterala dira, azkeneko biek 23 urte dituzte. Gainera, 25 urteko Karolina Sulzycka deialdiren batean sartu da eta, Ukraniako internazionala da Maryna Vlasenko atezaina. Horrez gain, beste bi atzerritar ditu Kobzar beste ukraniarra eta Mateescu errumaniarra. Poloniako ligan AWF Wroclaw taldeak jokatzen du–liga erregularren hamargarrena izan zen-, Donostiarekin batera 2016 Europako kultur hiriburutza antolatuko dutenak, alegia. Ostiral honetan, Alemaniako Herzogenaurach hirian, goizeko 11etatik aurrera, Champions Leagueko ligaxka erabakiko da, hau da, lau taldeetako lau multzo.