Bera Bera - Berriak

24 Ekaina 2013

Espainiako Eskubaloi Federazioko Asanbladak, lehengo larunbatean Madrilen burutu zena, 2013-14 denboraldiko lehiaketako egutegia onartu zuen. Ondorioz, Bera Berak eta Kopako azpitxapeldun BM Rocasa taldeak Superkopa irailaren 7an jokatuko dute, oraindik lekua finkatuez delarik eta, bestetik, irailaren 14an egingo dute debuta ligan. Horregatik, Imanol Álvarez eta Martin Larrañagaren gidaritzapean Bera Berak abuztuaren 5ean hasiko du aurredenboraldia. Hasiera gogorra izango da donostiarrentzat, izan ere, urriaren 5etik aurrera Champions Leagueko multzoen faseari ekingo diote, hau da, sei partida zazpi asteetan, ligako jardunaldiak asteazkenetara pasatuz. Ostiralean Vienan burutuko den zozketan ezagutuko ditu aurkariak baina Györi txapelduna, Larvik, Buducnost, Krim, Hypo, Prodavka, e,a. izan daitezke. Selekzioak etengo du Liga urriaren 26an. Horrela, Bera Berak 17 partida ofizialak jokatuko ditu irailaren 7tik azaroaren 23 bitartean, Serbiako Mundiala eta Gabonetako oporraldia direla eta ohiko etenaldia egingo da orduan. Hamaikagarren jardunaldiarekin urtarrilaren 11n itzuliko da Liga. Europan jarraituz gero, otsailaren lehenengo asteburutik aurrera arituko litzateke Bera Bera. Kopa, berriz, otsailaren 19tik 23ra bitartean ospatuko da azkeneko urtetan bezala, hau da, lehenenego itzuliko aurreneko zortzi taldeekin. Selekzioak beste astebete erabiliko du martxoa amaieran eta Aste Santuan –apirilaren 13tik 20ra bitartean- ez da jardunaldirik izango. Liga maiatzaren 17an amaituko da.

21 Ekaina 2013

Vienan gaur arratsaldean burutu duen batzorde eragilean, EHFk Champions League 2013-14 lehiaketan parte hartuko duten taldeak multzo ezberdinetan kokatu dituzte ekainaren 28an Vienan bertan, 20,15etan, ospatuko den zozketan.
Espainiako ligako irabazle gisa, Bera Bera Eskubaloiak multzoen fasea zuzenean jokatzeko eskubidea du. Errumaniako eta Errusia txapeldun Oltchim eta Dinamo Volgograd taldeak, besteak beste, lehiaketa jokatzeari uko egin diotenez, EHFk multzoak berantolatu ditu. Bera Bera, bigarren multzoan dago Danimarka, Alemania eta Frantziako txapeldunekin batera, FC Midtjylland, Thüringer –Errekopan kanporatu zituen donostiarrak- eta Metz. Hau da, talde hauek saihestu ditu Bera Berak zozketan. Horrela, Bera Berak honako lau talde handi hautako bat izango du aurrean, lehenengo multzoko Hungariako eta egungo txapeldun Györi, Norvegiako Larvik, Montenegroko Buducnost edo Esloveniako Krim. Eta 3. multzoko (Pot 3) Austriako Hypo, Kroaziako C Podravka Vegeta, Suediako IK Sävehof edo Poloniako MKS Lublin, hauek guztiak ligako txapeldunak.
Laugarren taldea Champions Leagueko bigarren txandari ekingo diotenen artean irtengo da. Aukera zabalak dira eta fase honetako zozketa ekainaren 27an burutuko da, multzoen fasekoa bezperan.
EHF Champions League

19 Ekaina 2013

2011ko abenduan, Brasilgo Mundiala; 2012ko abuztuan, Londreseko Joku Olinpikoak; 2012ko irailean Danimarkan, Champions League Bera Berarekin eta abenduan Serbiako Eurokopa. Aurten, berriz, otsailean Polonian Cup Winners’ Cupeko final-zortzireneko joaneko partida; martxoan, Alemanian final-laurdenetako itzulera eta Errumanian Carpati Trophy; maiatzean, Seul Cup eta Mazedonian Mundialerako sailkapen kanporaketako joaneko partida eta gaur Turkiara egingo du bidaia Espainiako selekzioarekin Mediterraneoko Jokuetan parte hartzeko. Eta hau guztia, Eurokopa jokatzeko fasea kontutan hartu gabe. Ondorioz, Patri Elorza izango da, ziuraski, Mundiala, Joku Olinpikoak, Eurokopa eta Mediterraneoko Jokuetan arituko den Jorge Dueñasen deialdiko jokalari bakarra azkeneneko bi urtetan. Frantziak Mersineko Mediterraneoko Jokuetan parte hartzeari uko egin dionez, antolatzaileek berantolatu behar izan dute lehiaketa eta ostiralean ezagutzera emango dira multzoak eta partiden egutegia. Ekainaren 30era arte Joku hauetan izango dira Argelia, Eslovenia, Espainia, Italia, FYR Macedonia, Kroazia, Montenegro, Serbia, Túnez eta Turkia.

16 Ekaina 2013

‘Talentuak kirolari onak ematen ditu, baina txapeldunak, motibazioak’ dio Euskalteleko Harreman Instituzioetako Nerea Lupardok Bera Berako ordezkari Alba Menéndez jokalariari emandaka oroigarriak. Esker ona ekitaldia Bilboko Arenalean Euskaltelek antolaturiko II. Kirol Egunean kokatu zen. BAT Basque Team Fundazioko babeslea da Euskaltel, ondorioz, Bera Bera Eskubaloia eta Errealeko Belar Hockey taldeak omendu nahi izan zituen Liga irabazteko gai izan direlako. Goiz eta arratsaldez, Kirol Egunari esker hainbat gaztek hogeiren bat modalitatetan aritzeko aukera izan zuten.

14 Ekaina 2013

Gipuzkoako Odol-emaileen Elkarteak, Kutxako Gizarte Ekintzak eta Hegalakek, azken honek, Kontxako pasealekuan dituen kirol instalazioetan odol-emaileen maratoia antolatu dute gaur, odol emailearen Mundu Egunean.
Eguardian Gipuzkoako emakume kirolari omenaldi ekitaldia burutu da. Horien artean, Ligako txapeldun Bera Bera Eskubaloia eta Errealeko Hockey eta saskibaloiko EHU Ibaeta taldea, ohorezko mailara igotzea lortu duena.
Bera Berako Reyes Carrere eta Eli Pinedo izan dira bertan eta Gipuzkoako Odol-emaileen elkarteko presidente Sabin Urzelaik lekuko sinbolikoa eman die ‘Eutsi lekukoari’ lemapean.
Reyes Carrerek “gizarteko elkartetik emakumeen kirolak jasotzen dituen omenaldiak” eskertu ditu.
Gaur egun Gipuzkoan 18.000 odol emaile ditu eta beste 3.000 behar dira. Horregatik odol emaile Elkartearen erronka da gazteen kopurua handitzea.