Bera Bera - Berriak

19 Abuztua 2013

Bigarren zatian egindako hasiera bikaina erabakiorra izan da Bera Berak markagailuan tartea zabaltzeko eta Zuazo Barakaldo gainditzeko Mendabian jokaturiko aurredenboraldiko hirugarren lagunartekoa. Hasierako abantaila (2-0) Zuazok berdindu zuen 15. Minutuan (5-5), hori bai, penaltiak gauzatuz. 23. minutuan sartu zuen jokaldian taldeko lehenengo gola Tania Yañezek. Eta Bera Berak 25. Minutuan gauzatu zuen lehenengo kontraerasoa Maria Núñezen aldetik. Eli Pinedo, Arizaga eta Ana Martínezek osatu zuten donostiarren lehenengo lerroa, Ziarsolo eta Castro alboetan, Ederra pibotean eta Yamiley, atepean. Elorza, Dunay eta Vero Cuñaren bajak eragin zuten Pinedo, iaz bezala, lehenengo lerrora itzultzea. Defentsak olinpikoak aurreratu zuen Imanol Álvarez entrenatzaileak. Zuazok ez zion abiadura ematen baloiari baino donostiarren kontraerasoak ez ziren iritsi. Halere, era berean, joku posizionalean Bera Berak sufritu zuen eta bizkaiatarrek sei metroetan sakondu zuten penaltiak probokatuz. Hasierako sei golak zazpi metroetatik iritsi ziren. 15. minutuan Imanol Álvarezek atsedena eman zien Ziarsolo eta Eli Pinedori, Ezkurdia eta Alba Menéndez sartuz. 20. minutuan Ana Martínezek Esther Arrojeriari utzi zion lekua eta Silvia Ederrak María Núñezi. Partida orekatua joan zen atsedenaldira arte (9-8). Bigarren zatian Matxalen Ziarsoloren segidan sarturiko lau golei esker –bi kontraeraso, penalti bat eta beste bat albotik- Bera Berak tartea zabaldu du (36. min 13-9). Ana Tempranok jokatu du bigarren zatian eta donostiarrek errepikatu dute partziala (43. min 19-10) partida erabakita utzita. Orduan Imanol Álvarezek Olatz Ramón, segituan Ederraren pasea gauzatu duena, eta Eider Lizarbe sartu ditu, azken minutuan sartu zuen gola ezker albotik. Bera Bera defentsak estutu du Zuazo, jaurtiketak galeraziz, izan ere, 27 minutuetan sei gol zeramaten bizkaitarrek. Bera Bera 25 (9+16): Yamiley, Castro (4), Ana Martínez (2), Pinedo (5), Arizaga, Ederra (2) eta Ziarsolo (7) –titular- Ezkurdia, Menéndez (2), Núñez (1), Arrojeria, Olatz Ramón (1), Lizarbe (1), Temprano (o.a.). Zuazo Barakaldo 17 (8+9): Esteban, Etxabe, Yañez (5), Álvarez (1), Hernández (1), A. Gil (2), Oihane Gil (1), Ahedo (1), Galarza (1), Bonilla (1), Cobo (3), Markaida, Aldekoa, Andrakas, Garazi Fernández, Verónica Fernández (o.a.) Epaileak. Juan Belloso eta Daniel Esparza (Nafarroa). Kanporatuak Arizaga, Pinedo, Castro eta Ezkurdia Bera Berarik eta Cobo eta Hernández Zuazotik. Partzialak: 3-1, 5-2, 5-5, 7-6, 8-7, 9-8 (atsedenaldia) 12-9, 16-9, 19-12, 20-13, 23-14 eta 25-17.

19 Abuztua 2013

Espainiako selekzioak Poloniako Gdansk eta Gdynia hirietan ospatzen ari den 17 urte azpiko Eurokopako Maind Round fasera jokatzeko txartela lortu ez arren, Bera Berako jokalari Maitane Etxeberria ardura izaten ari orain arte txapelketa bikaina osatuz. Espainiak abuztuarren 15ean egin zuen debuta Errumaniarekin 31-25 galduz. Maitane Etxeberriak 52 minutu baino gehiago jokatu zituen eta zazpi jaurtiketatik bost gol gauzatu zituen. Hurrengo egunean, Portugal izan zen aurkaria eta Jenaro Félixen taldeak berdinketa baino ez zuen lortu (22-22). Maitanek partida osoa jokatu zuen, jaurti zituen sei baloiak sareetara sartu ziren, azkeneko bi golak egin zituen, partida birrtan berdintzeko balio zutenak eta selekzioko azken hamabi minutuko bi golak, hain zuzen. Puntu bakar baten jabe izan arren, Espainiako 17 urte azpiko selekzioak Main Round delako fasea jokatzeko aukera zuen. Halere, nahiz eta Polonia gainditu (25-30) ez zen nahikoa izan. Maiatane Etxeberriak norgehiagoka osoa jokatu zuen, zazpi jaurtiketatik bost gauzatuz. Ondorioz, Bera Berako eskuin alboko jokalaria oso txapelketa bikaina betetzen ari da. Hiru partidatan, 16 gol sartu ditu 20 jaurtiketatik, hau da, %80ko portzentaje handia lortuz eta, gainera, donostiarra da minutu gehien jokatu dituen bigarren jokalaria. Bihartik aurrera, 17 urte azpiko selekzioak Frantzia eta Holanda izango ditu aurrez aurre bederatzigarren postua lortze aldera.

14 Abuztua 2013

Mios Biganos eta Begles taldeak osatu duten plantillak oso itxura ona omen du. Frantziako Biganos herrian gaur arratsaldean ospaturiko lagunartekoan aise nagusitu zaio Bera Berari (27-22, atsedenaldian 19-12).
Norgehiagokan asko nabaritu da Frantziako taldeak entrenamentuetan lehenago hasi dela eta, bestetik, donostiarren defentsan hutsuneak areagotu ziren, batez ere, María Núñez eta Alba Menéndez jokalarien bajak izanda, arazo fisikoak medio. Gainera, Vero Cuñak jokatzerik ez zuen izan, Patri Elorzak oso minutu gutxi eman zituen pistan eta Nitsan Dunayk ere kolpea hartu zuen. Ondorioz, Nagore Arizaga, Ana Martínez eta Esther Arrojeriak osatu zuten lehenengo lerroa.
Mios Biganos Begles taldeak uztailaren 23an ekin zion aurredenboraldiari, Bera Berak baino ia bi aste lehenago. Donostiarrak zazpi entrenaldi, lagunarteko batekin iritsi dira eta Imanol Álvarez entrenatzaileak prest ziren jokalari guztiak erabili ditu, gazteei minutuak eskainiz.
Halere, ez zaio ezer atera Bera Berari, defentsak ezin zuen frantziarren erasoa ekidin eta posizionalean asko kostatu zaie baloia ondo mugitzea,
Bera Berak larunbatean jokatuko du hurrengo lagunartekoa Nafarroako Mendavia herrian, 19,30etan eta Zuazo Barakaldoren aurka.
Argazkia: Peggy Bergere

13 Abuztua 2013

Lehengo larunbatean Zumaian lagunartekoei heldu ostean, hiruzpalau egunetan Bera Berak frogak izango ditu, hurrengoa bihar asteazkena 18etan Biganos herrian, Arcachon ondoan, Mios Biganos taldearen aurka, hain zuzen.
Norgehiagoka zaila izango da Frantziako ligako taldeen maila altua delako, bertan da Mireya González espainarra eta gainera, Míos Biganosen plantilla zabala da, izan ere, bigarren mailan zegoen Begles taldea bildu baitu, Union Mios Biganos Begles deituz. Frantziarrak izango dira Bera Berarekin batera Egiako txapelketan abuztuaren 28an, iaz 26-29 nagusitu ziren.
Zumaian aritu nirenekin abiatuko da Bera Bera, gaur entrenatzerik ez duen Vero Cuña zentralaren zalantzarekin. Horien artean izango dira Ezkurdia, Arrojeria, Olatz Ramón eta Eider Lizarbe gazteak.

13 Abuztua 2013

Arratsaldeko lehen orduan Espainiako Federazioak web orrian konfirmatu duen bezala, Bera Berak eta Kopako azpitxapeldun BM Ro’Casa taldeek jokatu behar duten Superkopako finala Donostian ospatuko da, irailaren 4ean asteazkena 20etan, eta Teledeportek eskainiko du zuzenean.
Telebistak zuzenean emango duenez, partida irailaren 4ra aurreratu da eta Josean Gasca kiroldegian ospatuko da. Bi taldeak, Bera Bera nahiz BM Ro’Casa, adostasun batera iritsi dira gastuak partekatzeko.
Lehengo astera arte Bera Berak ez zuen Superkopa antolatzeko asmorik agertu. Halere, Federazioak finala azaroaren bukaerara edo 2014ko urtarrilera atzeratzeko iradokizuna egin zuen. Aipaturiko aukera ez zen taldeen gustoko izan eta hiru eragileen artean elkarrizketak areagotu dira azken egunetan data ezartze aldera.
Gainera, partida erakargarria da, izan ere, Bera Bera eta BM Ro’Casa taldeak, Silvia Navarro atezain internazionala fitxatu duenez, 2013-14 denboraldirako Estatuan jokatuko diren lehiaketak irabazteko faborito nagusien artean izango dira.