Diez Mintegik azpimarratu nahi izan du “foru diputatuak emakumeen kirolarekiko duen aldeko jarrera” eta era berean “animoak eta laguntza eskaini digu babeslea aurkitzeko”.
Atzo goizean Gipuzkoako Aldundiko kirol arduradunek datorren denboraldian klubek subentzioak jasotzeko irizpideen berri eman zuten. Horien arabera oinarrizko kirola eta emakumeen kirolak lehentasuna izango dute eta, era berean, proiektuen bidegarritasun ekonomikoa kontutan hartuko dute.
Diez Mintegiren arabera, “baikor gara, izan ere, Foru Aldundiak ezarritako irizpideak hitzez hitz betetzen duelako Bera Berak”. Dokumentazioa entregatu aurretik ezin da zenbakiak zehaztu, halere, “sentsazioa” da Bera Berak izango duen “murrizketa aurretik planteatutako baino leunago izango dela”.
Bestetik, datorrren astelehenean Fernando Diez Mintegi presidentea Eusko Jaurlaritzako kirol zuzendari Jon Redondorekin bilduko da. Era berean, klubak babeslegoa lortzeko lanean jarraitzen du. Bera Berak datorren denboraldian Champions Leagueko multzoen fasean aritzeko aukerak agortu nahi ditu. Datorren asteartean, ekainak 11, Europako goreneko txapelketan izena emateko epea amaituko da.
Darly Zoqbi, Eider Rubio eta Libe Altunaren bajak izateaz gain “eta murrizketak direla eta lehenengo lerroko fitxaketa bat da lehentasuna eta baliabideen arabera plantilla osatuko genuke”.
Tatiren ustez, “Verónica Cuña berreskuratu dugu, urritik jokatzen ez duena, eta Nagore Arizagarengan konfidantza dugu postu horretarako”. Bere ustez, “gurekin bigarren urtean erasoan hobeto ibiliko dira Patricia Elorza, Nitsan Dunay eta Adriana Castro, Alba Menéndez bezala”. “Atean Ana Temprano eta Yamiley Rodríguez izango ditugu” eta ez du zalantzan jartzen pivoteen ekarpena eta Matxalen Ziarsolo eta Eli Pinedorena.
Agerraldian, Tati Garmedian hiru tituloak azpimarratu ditu. “Aurreneko aldiz Liga irabazteko aukera izan dugu eta lortu egin dugu, gainera, tripletea lortuz, Gipuzkoan sekulan eman ez dena”. “Fernandok adierazi duen bezala aurrekontuak murrizketak izan ditu eta garbi izan dugu estutu behar genuela eta esate baterako ez genuen Vero Cuña ordezkatu”.
Zentzu honetan, Reyes Carrrere eta Martin Larrañaga entrenatzaileen lana goraipatu du. “Orain Imanol Álvarez dator talde hau zuzentzeko gai den entrenatzailea”.
Aurrekontuak izan duen murrizketak jokalarien baldintzetan eragina izan du “ez dute ordainsaririk izango datorren urtean, eta beste arloetan ere estutu ditugu, hori dela eta asko eskertzen dugu egoera ulertu dutelako”.
Championsaren inguruan, Tati Garmendiak aipatu du “oso maila altuko txapelketa da, plantilla gehiago indartuko beharko genuke azaroan taldea apurtzeko zorian egongo litzatekelakoan eta horrek ligarengan eragina izango luke, helburu nagusiarengan, alegia”.
Bera Bera Eskubaloiko arduradunak berretsi du “laguntzak behar ditugu lehenbailehen etorkizuna bermatzeko”. Horrela, “bideo baten erakusten dugu zer den Bera Bera. Aurten jende asko etorri da Bidebieta eta Gascara, Bera Berak oso irudi ona eskaintzen du eta inbertsio jasangarri batekin marka batek oihartzun handia eta positiboa izango luke”.
Liga irabazteagatik, Bera Berak zuzenean multzoen fasea jokatzeko aukera du Europako goi mailako txapelketan. Halere, egun oraindik ez du datorren urteko aurrekontua itxi “instituzioetako subentzioak murrizketak latzak izan dira Eusko Jaurlaritzako kasuan, Donostiako udalak mantendu du laguntza eta Foru Aldundiarena oraindik ere zalantzan dago Kirol Fundaziora itzultzen garelako eta ez dakigu zer nolako irizpideak kontutan hartuko diren” dio Diez Mintengik.
Horrez gain, Champions League jokatzeko baldintza estuak dira, horien arten, eskubaloi marrak bestetik ez den ikusten pistan aritzea, ondorioz, bat berezi bat kokatu beharko litzateke horrek suposatzen duen kostearekin eta telebistazko produkzioa. Bera Berak sei partida jokatuko lituzke, hiru etxean eta beste hiru bidai egin beharko lituzke.
EHFk emandako daten arabera, urrian hiru partida jokatuko dira eta azaroan beste hiru, ligako jardunaldiak aurreratuz. Bi hilabete t’erdian Bera Berak 17 edo 18 norgehiagokei aurre egin beharko lieke, aurtengo denboraldi osoan izandako ia erdia, alegia. Datu hau oso garrantzitsua da plantillarengan zuzen zuzen eragina duelako.
Horregatik, presidenteak azpimarratu du “Champions Leaguen izateko gure esku dagoen guztia egingo dugu baina babeslegoa behar dugu, planteamendu ezberdinak ditugu eta gure ustez gure esparrua egoki eta eraginkorra da balore positiboak zabaltzen digutun heinean”.
Hiru denboraldietan diru sarrerak 200.000 eurotan murriztu arren, Bera Berak gerrikoa estutu du eta “liga ekonomikoa ere irabazi dugu”. “Ohiartzun gutxiko kirolean eta emakumeen eskubaloian bi liga daude –dio Dien Mintegik- kirol arloari dagokiona aurreneko aldiz irabazi duguna, jende askok urtetan lan egin duen ondorioz izan dena”. Eta jarraitu du esanez “tesoreriarekin arazoak izan arren, oso albiste ona da defizit gabeko urtea ixtea eta egunean egotea”. “Horrelako lana saritzea ordua da” aldarrikatu du.
“Bera Berak oinak lurran izan ditu beti, kirol arloak zein ekonomikoan oreka bermatu nahi duena eta egun Champions urruti ikusten dugu. Ez dugu arrakastaz hil nahi. Liga irabazi dutenen zerrenda ikusiz gero garbi ikusten da orekarik gabe hazkunderik ezin dela eman, ez dugu hori Bera Beran nahi Championseko erronka liluragarri bada ere.
Hala ere, Bera Bera Europan izango da datorren denboraldian” aitortu du. Bestetik, presidenteak iragarri du klubak “zuzendaritza tekniko antzeko postu bat eskaini diogu” Reyes Carrereri, “Bera Berak eta Gipuzkoako kluben mesederako, garbi dugulako kluben gertu egon behar dugula”. “Reyesek gustoko du baina atsedena eta hausnarketa eskatu du” amaiatu du.
Ondorioz, Bera Berak datorren urtean zentrala postua osatu du. Eider Rubiok taldea utzita, Verónica Cuña erabat osatu da ia deboraldiko %75a galdu ostean belaunean urrain izandako ezbeharra medio. Eskarmentu handia du galizarrak eta bat egingo du Nagore Arizaga gaztearekin.
Horrez gain, ohorezko mailara itzuli ostean, Silvia Ederra nafarrak Bidebietan jarraituko du pibotean María Núñezekin errepikatuz.
Libe Altuna
Bestetik, hausnarketa sakona egin ostean Libe Altunak eskubaloi profesionala uzteko erabakia hartu du. Egun zarauztarraren lehentasuna ikasketei dagokien lanbidea topatzea da.
Irailean 28 urte beteko dituen Libe Altunak bederatzigarren denboraldia burutu du aurten Bera Berarekin, ondorioz, taldeak eskuratu dituen titulu guztiak lortu ditu berak ere bai: Liga, bi Superkopa eta hiru Kopa, lesio batek edizio batean bertan egotea galerazi arren.
Bera Berak Libe Altunari eskertu nahi dio urte hauetan izandako inplikazioa eta bere bizitzako ibilbide berrian zorterik onena opa dio.
Horrela, Yamiley Rodríguez, Alba Menéndez, María Núñez, Adriana Castro eta Nitsan Dunay jokalariak kontratuak zituztenez plantilla ia osoa lotuta du Bera Berak. Ana Temprano atezaina fitxatu ostean eta Ziarsolo, Elorza, Pinedo, Cuña, Ederra eta Arizaga jokalariak berrituta talde lehiakorra osatzen dute, orain lehentasuna lehenengo lerroa indartzea delarik.
Datorren urteko aurrekontuak murrizketak jasango duelakoan jokalarien ulermena eskertu du klubak.
