12 Otsaila 2015

Partida hasieran 7-1eko partzialak Bera Beraren lana erraztu du, lehenengo zati ttukuna egin duena, bigarrenean okertu egin dena lehiatsu aritu den Adesal Córdoba taldearen aurrean, bigarren partziala berdintzeko aukera izan duena.
Ziarsolok gauzaturiko bi penalti, Arrojeriaren barneraketa bat eta Azanzaren bi kontraerasoekin Bera Bera aurretik jarri da, defentsak ondo eutsi baitu Adesalen lehenengo lerroa. Gainera, Temprano atepean konfidantza berreskuratu du eta andaluziarrek hegaletatik edo penaltiz sartzen zuten gola.
Bera Berak hamar goleko abantaila lortu du Arizaga, Martínez eta Pinedoren golekin. Halere lehenengo zati amaieran, Adesalek Carlota Rubio jokalariaren bidez tartea murriztu du.
Etxaburuk jokalari guztiei eman die minutuak, Muratpasaren aurka larunbatean EHFko itzulean pentsatuz.
Bigarren zatian Zugarrondok Temprano ordezkatu du eta ondo gainera, nahiz eta Maria Boklashchuk jokalariaren aurrean aukera gutxi izan.
Bera Bera erasoan ez da fin ibili, pibotearekin –Núñez edo Ederra- ezin lotura osatu. Horren aurrean Adesalek tartea murriztu du eta sei minutu falta zirela hamarna berdinduta zuen bigarren zatiko partziala.
Zoritxarrez Matxalen Ziarsolok eskuin aduktorean uzkurdura somatu du.
Ondorioz, bi puntu gehiago poltsikoratu ditu Bera Berak, lidergoan gutxienez otsailaren amaiera arte egongo dena, izan ere, Rocasak jardunaldi honi zegokion partida martxoan jokatuko baitu. Kanariarrek Hungarian jokatuko dute EHFko kanporaketa osoa asteburu honetan.
Fitxa: Bera Bera 29, Adesal Córdoba 19
Bera Bera 29 (16+13): Temprano, Azanza (3), Menéndez (4), Núñez (2), Arrojeria (4), Martínez (3) eta Ziarsolo (3) –titular- Elorza (2), Ezkurdia, Pinedo (5), Ederra (1), Arizaga (2) eta Zugarrondo (o.a.).
Adesal Córdoba 19 (8+11): Ezbida, Maria (6), Rubio (6), Izak Amit, Tejeda (1), Dascalu (5) y Ruiz –titular- Moreno (1), García, Sobrino (o.a.).
Epaileak: Sergio Elordui –euskalduna- eta Javier Gutiérrez –kantabriarra- Kanporatuak: Núñez (2), Elorza, Ezkurdia, Arizaga eta Ziarsolo Bera Beratiketa Tejeda (2) Adesaletik.
Partziala: 2-0, 7-1, 8-3, 11-4, 14-4, 16-8 –atsedenaldia- 17-9, 19-11, 21-12, 24-15, 26-18 eta 29-19

12 Otsaila 2015

“Sufritu beharko dugula jakin badakigu baina gol bakar batez irabazi behar dugu eta etxetik kanpo izan arren kanporaketa gainditzeko asmoarekin goaz” adierazi du Matxalen Ziarsolo kapitainak. Bera Berak EHFko final-zortzirenetako itzulera partida, Muratpasa Belediye taldearen aukra larunbatean (Euskadi, 13etan) Antalyan jokatuko du eta Donostiako 30-30 berdinketarekin garaipena errazagoa da gol gehiagoko berdinketa bat baino. Bestetik, Patri Elorzak uste du “oso partida zaila izango da etxetik kanpo delako baina joku esparru guztietan asko hobetzeko aukera dugu, erasoan nahiz defentsan, hortaz, kanporaketa gainditzeko kapaz gara”. “Partida (joanekoa) amaitu zenean gure sensatzioa zen gehiago egin genezakeegula, amorru pixka bat bagenuen etxean jokatu arren ez genuela aprobetxatu baina jakin badakigu zertan hobetu behar dugun” adierazi du komunikabideen aurrean. Alboko internazionalaren esanetean hobekuntza “joku esperru ezberdinetan eman daiteke”, halere berak azpimarratzen duena da “nahiz eta defentsan ondo kokaturik egon, estu hartu behar genituen jaurtitzaileak eta kanpotik gol asko egin zizkiguten”. Elorzak azaldu du “sei metroko lerroa ondo defendatu genuen baina estu hartu behar ditugu”, eta era berean, donostiarrek 30 gol sartu bazuten ere “erasoan ere zer hobetzeko badugu”. Iritzi berekoa da Matxalen Ziarsolo. Prentsaurrekoa amaituta, ekografia bat egin diote, aduktorrean hausturarik ikusi ez dena, ondorioz, larunbaterako prest izango da kapitaina. Joaneko partidaz, Ziarsolok aiderazi du “sentsazioa zen erasoan ondo aritu ginela baina ez geunden eroso golak errezegi jasotzen genuelako eta ez gaude ohituta”. Ezker hegalekoak azpimarratu du Muratpasaren “kanpoko jaurtiketak eta kontraeraso azkarra, hortaz gure defentsa estu hartu behar ditu aurkaria atezainen lana errazteko”. Joaneko partidak ere “hobeto ezagutzeko balio digu eta hori oso garrantzitsua da”. Norgehiagoka Antalyako Süleyman Evcilmen Spor ve pistan jokatuko da, mila zalegoentzako kiroldegian. Aurreneko kanporaketan, Belgikako Femina Viseren aurkakoa (bi partidan Antalyan), 700 eta 500 pertsona bildu ziren akten arabera, hortaz, pista beteko da larunbatean sarrera dohainik izango baita. Bosnia-Herzegovinako Tatjana Prastalo eta Vesna Todorovic epaileek zuzenduko dute partida eta EHFko delegatua Isgandar Asgarov da (Azerbaiyan). Bi jokalariek aipatu dute Bera Berak “kanpoko giroari muzin egin behar dio eta gu geu %120a eman” adierazi du Elorzak; Ziarsolok berriz “giro beroa bada geroz eta motibatuago egongo da taldea”. Kanporaketa gainditzeko aukera dituztela “komentzituta” jakin badakite “edozer gauzak alde batera edo bestera egin dezake” hortaz “topera irtengo gara, Europan jokatzen jarraitu nahi dugulako, lehiaketa hau gustoko dugulako, alegia” aipatu dute azkenik.

10 Otsaila 2015

EHF CUPeko final-zortzirenetako itzulera partida dela eta, Bera Berak Turkiako Antalya hirian otsailaren 14ean larunbatean jokatuko duena, donostiarrek ligako 16. jardunaldia aurreratu dute bihar asteazkenerako 20etan, Eskubaloi Federazioak astean zehar uzten duen ordutegirik goiztiarrena.
Horrela, Bera Berak Kordobako Adesal hartuko du Bidebietan. Partidari bizitasunari eman nahian, Arritxu Arrietak kudeatzen duen kiroldegiko kafetegian Gesalagari esker kroketa emango zaio edariaren truke sarrera edo bazkide txartelarekin. Hortaz, Bera Berak ‘pintxo pote’ gauzatzeko eskerrak eman nahi dizkie Gesalagari eta Arritxuri.

10 Otsaila 2015

Aurrena Adesal Córdoba talde hartu (Bidebieta, asteazkena 20 etan, Sergio ELordui –euskalduna- Javier Gutiérrez –kantabriarra) eta gero Turkia hizpide, Bera Berak kanporaketa pasatzeari uko egin ez diolako. Ezta gutxiago ere.
EHF Cupeko final-zortzirenetako joanekoan Muratpasa Belediye talde turkiarra hartzeko 13 jokalariekin osatu du deialdia Aitor Etxaburuk.
Bera Berak ligako 15. jardunaldia asteazken honetara aurreratu du, Antalyara bidaia egin baino lehen. Adesal Córdoba taldea hartuko du, jaitsiera postuetan dagoena, eta denboraldi honetan birritan elkarren aurka aritu direnak, biak Kordoban: 18-30 eta 15-28 kopako final-zortzirenetakoan.
Adesalek Donostiara hamar jokalariekin egingo du bidaia: Meriem Ezbida, Arantxa Hernández, Isa Moreno, Alba Sánchez, Lulú Dascalu, Yacaira Tejeda, Amit Izak, Carlota Rubio, Masha Boklashchuk y Mar Sobrino. Azpimarragarriena da lehenengo lerroak egiten duen jokoa eta Tejeda, iaz Bidebietan makina bat arazo eragin zuen pibotea. Halere, gola egiterakoan Adesal da arazo gehien duen taldea, izan ere, bataz beste ez da 22 goletara iristen eta aurrean Bera Bera dago 20 gol jasotzen ez duena.
Partidaren orduteagia dela eta (20etan), ‘Pintxo pote’ antzekoa egingo du Gesalagak, hau da, sarrerarekin eta Arritxu Arrietan kudeatzen duen kiroldegiko kafetegian kontsumizioa eskatuta pintxoa dohain utziko du, kasu honetan kroketa goxo bat.