Gol bakar batez galdu zuen senior taldeak Basaurin (17-16)
Bera Berako senior taldeak puntu bat urratzeko aukera galdu zuen Indupime Basauri liderraren aurka (17-16), bigarren zatian jaurtiketetan asmatu ez zuelako. Hortaz, Ereintza gaindituta larunbatean Bidebietan, multzoko bigarren postua Jarrillerasekin jarriko dute jokoan.
Bestetik, euskal ligan ere bai jubenil mailan, Bera Berak porrota jaso zuen Usurbilen (33-28).
Kadete eta infantil
Nesken kadete taldeak gol bakar batez irabazi zion Elgoibarko Astigarraga Gys Sport taldeari (26-27), aldiz, mutilen kadete taldeak Bergaran galdu zuen larunbatean (32-20).
Infantil mailan, Bera Bera Bi Bidebietan eta Bera Bera Hiru taldeen garaipenak, azken honek Usubilen Udarregi B taldearen aurrean (15-22) eta Bera Bera Bat taldearen porrota Urnieta Kamox Precision Machining taldearen aurka.
