22 Abuztua 2014

Emakumezkoeen ohorezko mailan 25. denboraldia betetzear dagoela, zalegoei abonamendua ez igotzea erabaki du Bera Bera Eskubaloiak, ondorioz, 65 euroei esker Ligako 13 partida eta EHFko direnak ikusteko aukera egongo da. 10 eta 12 urte (biak barne) bitarteko gazteek eta jubilatuek, 35 euro ordainduko dute eta 10 urtera bete ez dutenek dohainik sartuko dira. Horrela, Bera Berak azkeneko denboraldietako salneurriak mantendu ditu. Halere, beste erabakiak hartu ditu. Alde batetik, familiarrei zuzendutako abonamenduari heldu dio aurten ere, hau da, 130 eurotan, bi heldu, gazteak eta jubilatuak sar daitezke. Horrez gain, partidako sarrerak euro bat igo ditu, ondorioz, zortzi eurotan izango dira salgai (gaztentzat eta jubilatuentzat, lau euro). Eta beste aukera da 30 eurotan Ligako bost partida ikusi ahal izatea (gazteak eta jubilatuek, 15 euro), hau da, interesatuak aukeratuko lituzke norgehiagokak Europakoak izan ezik. Horrez gain, Bera Berako abonua eskuratzen duenak merchindisingean deskontuak izango ditu, eta beste era batekoak, Eroski Bidaiaken eta AVIA gasoldegietan. Azkenik, Donostian goi mailako eskubaloia eskaini duenez azkeneko 25 urtetan, Bera Bera ekimen baten inguruan hausnarketa burutzen ari da. Biharko lagunarteakoan (Bidebietan, 18,15etan, Zuazoren aurka) izena emateko orrialdea betetzeko aukera izango da. Era berean, helbide elektronikoaren bidez ere jaso daiteke Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera mezua helaraziz edo Bidebietako bulegoetatik pasatuz (9etatik 13etara). Guadalajarako Superkopa ostean, Bera Berak Liga Bidebietan irekiko du irailaren 13an KH7 BM Granollers taldearen aurrean.

21 Abuztua 2014

Bera Bera Eskubaloiak Peñafiel hiriko bigarren txapelketa eskuratu du (22-26) Valladolideko Aula Cultural taldea gaindituta Valladolideko hiriko udal kiroldegian ospatu den lagunartekoan. Aurredenboraldiko bigarren frogan, Aitor Etxaburuk plantilla osoa izan du prest Aula Cultural taldeari aurre egiteko, iazko ligan oso joku alaia egin zuena. Halere, Patri Elorzak ordu laurden bat jokatu du bakarrik bizkarrean duen mina ez areagotzeko eta María Akuñak ezin izan du parte hartu orkatila bihurritu duelako. Data hauetan gertatu ohi denez, partidak gorabeherak izan ditu eta markagailuan donostiarrek ia beti aurretik joan arren, Valladolideko jokalariek ez diote lehiari muzin egin, joku erraza bezain eraginkorra betez. Etxetik kanpo Helvetia Alcobendas gainditu berri duen taldea hasieratik menperatu du Bera Berak. Halere 7-1 partzialari esker, pibotearekin lotura aurkituz markagailua irauli egin zuen Aulak. Lehenengo zati amaiarean gipuzkoarrak berriro nagusi (12-14), gauza bera eginez, pibotearen bidez, alegia. Bigarren zatian, Bera Berak aldeak mantendu zituen 6-0 defentsari esker. Halere, erasoan egindako galderak Aulari bizitza eman zien, partida amaitzeko 11 minutu falta zirela (20-20) lagunartekoa berdindu zuelarik. Aitor Etxaburuk hutsartea eskatu zuen eta gipuzkoarrek bi gol besterik ez zuten jaso. Ondorioz, oso froga positiboa, talderaren eskarmentuak eta kalitareak erabaki zutena azken unean. Maialen Múgica –oso lan ttukuna defentsan- eta Maite Zugarrondo, -lehenengo zatian aritu zen- jokalarientzat aurreneko minutuak eta hurrengo lagunartekoa larunbatean Bidebietan 18,15 etan Zuazo Barakaldoren aurrean. Partidaz aparte, plantillak Peñafiel ez ezik Protos Bodega ere ezagutzeko aukera izan du. Aula cultural 22 – Bera Bera 26. Bera Bera 26 (14+12): Zugarrondo, Pinedo (3), Elorza, Menéndez (2), Arrojeria (2), Arizaga (1), Núñez (4), Martínez (4), Ederra (5), Etxeberria (1), Ziarsolo (1), Azanza (1), Múgica, Ezkurdia (2), Temprano (o.a.) Epaileak: Jose Reyes eta Fernando Ocuel Kanporaketak: Núñez, Menéndez eta Arizaga Bera Beratik. Partzialak: 1-3, 3-6, 6-7, 9-7, 11-10, 12-14 –atsedenaldia- 15-16, 16-19, 17-20, 20-21, 22-23 eta 22-26

21 Abuztua 2014

Bera Berako jokalari gisa komunikabideen aurrean egin den aurkezpenean, Maite Zugarrondo atezaina “oso pozik” agertu da “hemego deirik espero ez nuelako”. Bera Berak uztailaren 28an baieztatu zuen fitxaketa, iruñarra Espainiako unibertsitate mailako selekzioarekin zegoela, Portugaleko Mundiala prestatzen. 25 urteko jokalaria, Silvia Navarrorekin batera aritu zen Zugarrondo Itxakon eta azkeneko bi denboraldiak Helvetia Alcobendasen egin ditu. Adierazi duenez “entrenatzeko gogokin nago, gauzak ondo egiteko irrikan eta tituluak helburu”. Espaniako selekzioak bostgarren postua lortu zuen Mundialaren inguruan, Zugarrondoren iritziz “sensazioak hartzeko baliagarria izan da eta aurredenboraldirako bultzakada bat”. Taldekide berriaz galdeturik, Zugarrondok “etxean bezala nago” aitortu du, “talde irekia eta oso jatorra da, nire ustez ahalik eta azkarren integratuko naiz, moldatu eta hori guztia pistan agerian utzi”. Helburuei buruz iruñarrak argi du “hasteko lana egin behar da eta ondoren, tituluak bilatu”. Halere, aitortu du Portugalen selekzioarekin Rocasako Lujan eta Almudena Rodríguezekin izan dituela txantxarako tartea Superkopa dela eta. “Bera Bera etorkizun talde gisa” ikusten du Zugarrondok, “non, proiekzioa izateko aukera dudan”. “Jende gaztearekin lanean ari dira, etxeko jokalariekin jarraitzeko asmoa dute eta lana egiteko irrikan nago”. Horregatik, ziurtatzen du “guztia emango dudala, lan asko, kalitatezko minutuak eta aldagelan, nahi dutena” dio barrez. Bestalde, Aitor Etxaburu entrenatzaileak Zugorrondoren beharra azaldu du “postu hori indartu behar genuelako, izan ere, Bera Berak lehiaketa ugari dituelako aurrez aurre”. Horrela, Maite “profilarekin bat dator, gertukoa, gaztea, etorkizuna duena eta bermea ematen duena”. Horrez gain, Etxaburuk azpimarratu du iruñarreren “ilusioa, etortzeko gogo handia adierazi digulako”. Era berean entrenatzaileak adierazi du pozik dagoela Maria Akuña eta Udane Rodriguez atezain gazteek betetzen ari diren lanarekin.

21 Abuztua 2014

Maite Zugarrondo atezainaren aurkezpenean, Bera Berako entrenatzaile Aitor Etxaburuk bihar prestakuntzaren hirugarren astea beteko denean balorazioa egin du gaur.
Etxaburuk bi arlo nabarmendu ditu. “Fisikoki taldea ondo dago, lan neketza betetzen ari da, zama handikoa baina ondo erantzuten ari dira jokalariak eta hirugarren astea amaitzear gaude”. Horrez gain Unibertsitate mailako mundiala dela eta beranduago etorri ziren jokalariak “fisikoki ondo etorri dira”.
“Aitzitik, -entrenatzailearen ustez- taktikoki asko falta zaigu, hobetzeko denbora izan arren”. “Bi lagunarteko jokatu ditugu –Zuazo eta Aula gainditu ditu Bera Berak- non fisiko arloa nabarmendu den, eta arlo taktikoa ia ez da agertu, baina ohikoa da aurredenboraldian eta kontzeptuak gutxinaka barneratu behar ditugu” azaldu du.
Lan horretan “guk ezarri nahi dugun joku estiloa landuko dugu orain, rolak azaltzen, errotazioak eta pixkanaka pixkanaka partidetan agerian utziz”.
Etxaburuk uste du, halere, “aldaketa handiak ez dira egin behar” nahiz eta aipatu “dena findu behar da, orkestra batek entseatzen duen bezala, guztiak batera joan gaitezen”. “Orain arte ez dugu lan horri lehentasuna eman, asko falta zaigu baina jakin badakigu jokalariek kontzeptuak segituan barneratzen dituztela”.
Bera Berako entrenatzaile berriak ez du nahi Superkopaz hitz egin nahi oraindik, irailaren 6an Rocasaren aurka Guadalajaran ospatuko dena. “Jakina dela gure aurreneko helburua baina egun gauzak ondo egiten saiatu behar dugu eta datozen lagunartekoei begira (hurrengoa larunbatean 18,15etan Bidebietan Zuazoren aurka) gauzak aldatzen joango gara, zorrotzagoak izango gara” dio Etxaburuk.
Taldea “itxitzat” jotzen du entrenatzaileak, halere komunikabideei adierazi die “gurekin Zarautz taldeko Andrea Zaldua dago entrenatzen”. Jubenil mailako internazionala da, 18 urteko albokoa, proiekzioarekin baina baita ere minutuak pistan behar dituena. “Gure asmoa da ahalik eta akordiorik onena lortzea, bai Andrea Zalduarekin, bai Zarautzekin”.