22 Maiatza 2015

Autocares Davidekin atera da gaur goizeko 6etan Bidebietatik Bera Berako kadete taldea. Bartzelonako San Vicenç dels Horts herrian dute hitzordua, gaurtik igandera bitartean kadete mailako Estatuko txapelketako sektore batean parte hartuko dutelarik.
Bera Berak sektorea irekiko du Elxeko Salesianos Pikolinos taldearen aurka 16,30etan. Bihar, larunbata 17etan, bertako Handball Sant Vicenç izango da aurkaria eta igandea 10etan Zaragozako BM Colores. Sektorea irabazten duenak baino ez du lortuko hurrengo faserako txartela.
Denboraldia joan ahala María Graciaren taldeak asko hobetu du jokoa eta sektore ona burutuko dutela ziur dira.
Argazkia: Juan Antonio Garaikoetxea

22 Maiatza 2015

Iaz bezala, Bera Berak ligako garaikurra jasoko du gaur Bidebietan, ligako azkenaurreko partidan, lehengo larunbatean Telden Rocasa gainditu ostean liga matematikoki irabazita. Espainiako eskubaloi federazioko presidente Francisco Blázquez Bidebietan izango da hirugarren aldiz ligako txapelduneko garaikurra emateko. Partidan ere Bidebietari agur esan diete Nagore Arizaga, erizaintzari helduko diona, Patri Elorza, María Núñez –biak Frantziako Bessançon- eta Amaia Azanzak datorren urtean jarraituko ez duena. Garaikurra jaso ostean, plantilla eta entrenatzaileak Txuleta jatetxean ospatuko dute hirugarren liga.

21 Maiatza 2015

Arrazoi ezberdinak medio, María Núñez, Patri Elorza, Nagore Arizaga eta Amaia Azanza ez dira Bera Berako plantillan egongo 2015-16 denboraldian. Núñez eta Elorza jokalariek Frantziatik iritsitako eskaintzak onartu dituzte, Bidebietan jarraitu beharrean, klubak horrela eskaturik. Lerro hauen bidez, Bera Berak Donostian burutu duten ibilbidea non lana, inplikazioa eta goi mailako kirol arrakastak izan diren hizpide zortzi titulu lorturik: hiru liga, bi kopa eta hiru Superkopa, Champions Leaguen parte hartuta ere eta Espainiako selekzioko deialdian finkoak izan. 26 urterekin, María Núñezek partida guztiak jokatu ditu 2012-23 denboralditik hona. Guztira 107 norgehiagoka, 109 izan daitezke Zuazo eta Leonen aurka jokatuz gero. Ligan, 76; Kopan, 10; Europan, 18 eta Superkopako hiru. Elorzaren ekarpena antzekoa izan da, iaz sudurra apurtu ostean aste batzu jokatu egin gabe egon zelarik eta selekzioko deialdian beti egon da. Biek defentsako bizkar-ezurra osatu dute eta kluba internazionalak ordezkatzeko lanean jarri da. Bestetik, 23 urterekin, Nagore Arizagak erizaintzari heldu nahi dio, denboraldi hasieran amaitu zituen ikasketak. Andoaingo zentralak ez du jarraipenik izan denboraldian zehar eta betetzen ari zen paperak ez zuen asetzen Nagore. Bost denboraldi bete ditu Bera Beran, non lana eta inplikazioa nagusi izan diren, klubak goraipatzen dituenak. Bestetik, klubak Amaia Azanzari baja emango ziola adierazi zion hurrengo denboraldiari begira. Lizarrako ezkerrak ez ditu minutuak izan Garmendiak eta Puchek taldea zuzendu zutenetik eta protagonismo handiago izango duen talderen batean nahiago du. Arestian aipatu bezala Bera Berak Azanzari emandako guztia eskertzen dio. Hurrengo egunetan, Bera Berak kontratuen luzapenen berri emango du eta, gauzatzen direnean, aurpegi berriak, hurrengo denboraldiari begira talde lehiakorra osatu aldera.

20 Maiatza 2015

Bera Bera Eskubaloiak eta Prosetecnisa Zuazo Barakaldo 25. jardunaldia eta azken aurreko partida ostiralerako aurreratu dute, hortaz, maiatzaren 22an ospatuko da Bidebietan 20etan (Matías Muñiz eta Joseba Jokin Ordoki –nafarrak-). Hernanin lagunartekoa Bi eguneko atsedena izan ostean, plantillak entrenaldietara itzuliko da gaur. Bihar osteguna, Bera Bera eta Lauko Elgoibar senior taldeak lagunartekoa burutuko dute Hernaniko kiroldegian 19,30etan. Kadeteak, Estatuko sektorera Ostiralean Estatuko kadete mailako Txapelketari ekingo diote Bartzelonako San Vicenç del Horts hirian. Bertan Bera Berak Zaragozako BM Colores, Elxeko Salesianos Pikolinos eta bertako Handball San Vicenç del Horts. Ostiralean bertan baina Andoainen Gipuzkoako Kopako partida izango du senior taldeak Leizaranen aurka, 20,40etan. Larunbatean, 1etantan, infantil mutilen taldeak Foru Aldundia txapelketa jokatuko du Zumaian Pulporen aurka eta jubenilek Elgoibarri hiru goleko iraulketa egin behar dio Gipuzkoako kopako finala eskuratzeko. Bidebietan, 16 etan. Igandean, Bidebietan eskubaloia goitik behera. Errendimenduko alebin taldeak Ereintza hartuko du 9,30etan, nesken infantil taldeak Aloña Mendi B 11 etan eta eskolak Bidasoa 12,30etan.