Bera Bera - Berriak

29 Maiatza 2015

Alde batetik, Eli Pinedo eta Matxalen Ziarsolori atsedenaldia emateko eta bestetik, Maialen Husillos eta Eider Lizarbek egindako lana saritze aldera, Montse Puchek kapitainak etxean utziko ditu eta Leonera gazteak eraman.
Bera Berak bihar 2014-15 denboraldiari amaiera jarriko dio iaz bezala, Leonen Carobels Clebaren aurka ligako titulua jaso ostean. Partida 19etan hasiko da, Antonio Martín (Gaztela Leoi) eta José Luis Fernández (Asturias) bikoteak zuzendutuko duena, ligako partida bakarra galdu du Bera Berak beraiekin –Bidebietan Elxeren aurrean-.
Horrela, Maialen Husillos deialdian izango da berriro Zarautzen Canyamelar Valencia taldearen aurka azken bost minutuak jokatzeko aukera izan ondoren eta Eider Lizarberentzat ofizialki lehenengo deialdia izango ohorezko taldearekin.
Taldea Autocares Davidekin 10etan irtengo da Bidebietatik eta partida ostean itzulikoa da.
Argazkian (J.A. Garaikoetxea): Eider Lizarbe

28 Maiatza 2015

Bera Bera Eskubaloiak datorren denboraldirako Alicia Fernández zentral galiziarra fitxatu du. Galizarrak Porriñotik Valladolideko Aula Cultural taldera pasatu zen aurtengo denboraldian eta aurtengo liga golegile nagusien artean amaituko du, partidako bataz beste 6,4 golekin. Alicia Fernández Donostiara iritsiko da lehenengo lerroan eman diren bajak –Elorza, Arizaga eta Azanza- kubritza aldera. 22 urterekin –abenduan egingo ditu 23-, Alicia Fernándezek gola erraz egiteko eta jokua ikusteko gaitasuna du eta etorkizun oparoa. Datozen egunetan, Bera Berak orain plantillan diren jokalarien kontratuen luzapenaz eta fitxaketen berri emango du.

28 Maiatza 2015

Bera Bera Eskubaloiak Bidebieta kiroldegian ekainera begira aukerazko entrenamentuak antolatu ditu adin guztietako gazteei zuzenduta, benjaminetik hasita senior arte, maila bakoitzak astean bi saio burutuko duelarik. Horrela, Bera Berako eskolak osatzen duten alebin (2003 edo 2004. urtean jaiotakoak) eta benjamín (2005-06) mailako gazteak astelehenetan 18,30etatik 19,30etara eta ostiralean 18etatik 19etara izango dituzte hitzorduak. Infantil mailan (2001-02), neska nahiz mutiletan, entrenamentuak 18etatik 19etara izango dira astearte eta ostegunean. Kadeteak berriz (1999-2000) astelehenean eta ostiralean deituko dituzte astelehen eta ostiralean 17etatik 18etara eta jubenilek eta senior mailako gazteak bat egingo dute astearte eta ostegunetan 19etatik 20etara. Interesa duena idatzi dezala Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikora edo 943 45 81 66 deitu. Ekainaren 22tik aurrera, Bera Berak udako kanpusa antolatuko du 7 eta 12 urte bitarteko gazteei zuzenduta.

27 Maiatza 2015

Joaneko partidan hiru goles galdu zuten Elgoibarren Astigarraga Gys Sport taldearen aurka baina bigarren zati baina medio, Verónica Valverderen neskek elgoibartarrak gaindidu zituzten (31-21) Bidebietan eta Gipuzkoako kopa altxatu. Bestetiik, senior taldeak 18-34 irabazi zuen Andoainen Leizaran Eskubaloiari; kadete taldeak galdu egin zuen 30-18 Zumarragan Urola Ugarte Harategia-Irati Kafetegia taldearen aurrean eta infantil mailan, bi porrot, neskak 28-9 Talaipe Erretegia Pulporen aurean eta mutilek 22-20 Pizzeria Marina Pulporen aurka.

27 Maiatza 2015

Jorge Dueñas hautatzaileak Maitane Etxeberria deitu du datorren ekainaren 21ean Ciudad Realeko Quijote Arena kiroldegian Izarren partidan Espainiako selekzioarekin aritzeko.
18 urte dituela, Etxeberriak lehen selekzioarekin egingo du debuta ligako jokalari onenak osatuko duten talde baten aurka. Eskuin hegalekoa, oraindik jubenila dena, junior selekzioan finkoa da eta antza 19 urte azpiko Eurokopan izango da, Valentzian burutuko duena uztailaren 23tik abuztuaren 2ra arte.
Etxeberriaz gain zerrendan dira Ana Temprano, Ana Martínez, Patri Elorza eta María Núñez.