Bera Bera senior taldeak debuta egin zuen datorren denboraldian Zilarrezko mailan aritzeko igoera fasean (29-29) bertako Raya Sayaguesa Zamora antolatzailaren aurka.
Bigarren zatian galtzen joan ostean, puntua oso baliagarritzat jo zuten, Zamorako taldeak baliabideak baititu fasea irabazteko.
Bera Berak ondo ekin zion lehiari, aurreneko zatiren erdialdiean nagusi (7-10). Halere, bertakoek 9-3 partziala osatu zuten atsedenaldira 16-13 aurretik iritsiz.
Bigarren zati hasieran golak eman ziren alde batean eta bestean baina Raya Saraguesa Zamora lau goleko aldea hartu zuen (35’: 20-16). Álvarez (12) eta Rosinos (8) ziren jokalaririk onenak, Bera Beran aldiz gola egiteko ardura banatuta zegoen.
5-1 defentsa aldaketari esker pixkanaka pixkanaka aldea murrizten joan ziren donostiarrak. Bera Bera gol batera jarri zen zazpi minutu falta zirela eta 58an María Gracia eta Orreaga Goñi jokalarien golekin lehia berdindu zuten.
Fase ireki zuen norgehiagokan BM Servigroup Benidorm taldeak Meloxeira Rasoeiro (33-20) gainditu zuen. Arratsaldeko 17etan Bera Berak Alacanteko taldea izango du aurrean eta 19etan bertakoek galizarrak hartuko dituzte.
Fitxa: Raya Saraguesa Zamora 29, Bera Bera 29
Bera Bera 29 (13+16): Leal, Lizarraga (2), Garcia (2), Gerendiain, Gorostidi (4), Goñi (4), Momblona (2), Gracia (6), A. Eguren, M. Eguren (7), Delsuc, Lizarbe (1), Aizpuru (1) eta Castillo (o.a.)
Epaileak: Arturo Gutiérrez eta Javier Jiménez (Extremadurakoak)
Kanporatuak: Aizpuru, M. Eguren, Goñi eta Lizarbe Bera Beratik eta Casadei, Pérez eta Álvarez (3, gorria: 54’).
Partzialak: 3-2, 5-6, 8-10, 11-10, 14-12, 16-13 –atsedenaldia- 19-16, 22-19, 25-22, 28-25, 28-27 eta 29-29
