SUPER AMARA Bera Bera bihar Valentziara egingo du bidaia non Canyamelar Valencia izango duen zain El Cabañal kiroldegian (19,30etan) Eric García eta José María Roy epaile nafarrek zuzenduko duten Guerreras Iberdrola Ligako partida jokatze aldera.
Bi taldeek behar kontrajarriak dituzte. SUPER AMARA Bera Berak liga irabazteko hiru urrats eman behar ditu, bere esku dagoelako eta Valentzian du hurrengo erronka. Aurrean, puntuak behar dituen taldea, bere esku ere duena jaitsiera postuak saihestea, izan ere, Canyamelar Valencia taldeak BM Castellónek baino puntu bat gehiago du eta etxean sendo izan nahi du emaitzak lagun ez izan arren. Azken garaipena El Cabañelen urtarrilean izan zen Base Villaverde taldearen aurka baina berdinketa lortu zuen HGB Prosetecnisa Zuazoekin (30-30) eta Mavi Nuevas Tecnologías estutu zuten (40’: 16-11) galtzen amaitzeko 19-21.
Bi taldeek ezaugarri bat antzera dute. Ez dago jokalaririk Guerreras Iberdrola Ligako 20 golegile nagusien artean. Hurrengo hamar jokalarien artean dira Canyamelarreko bi -Nitsan Dunay (91 gol) eta Sara Bravo (83)- eta SUPER AMARA Bera Berako hiru –Cardoso (90), Aramendia (88) eta Arderíus (87)- , gertu da Etxeberria (83). Halere, donostiarrak dira Guerreras Iberdrola Ligako gol gehien sartzen duen hirugarren taldea -29,70 gol partidako-, Canyamelar aldiz ia ez da 23 goletara iristen.
Arrojeria eta Ausàs, itzuli bat
Canyamelar Valencia taldearen aurka debutatu zuten aurten Esther Arrojeria eta Mònica Ausàs. Bidebietan urtarrilean izan zen (33-14). Arrojeriak gol bat egin zuen eta Ausàs defentsan aritu zen.
Emaitza zabala izan arren, SUPER AMARA Bera Bera ez da fio Canyamelarren beharrak direla eta, hortaz, bere jokua nagusi izaten saiatuko da bertakoen aukerak saihestuz. Streaming
Berasategi, junior selekziora
Bestetik, Imanol Álvarez junior mailako selekzioak Estitxu Berasategi deitu du ekainean jokatuko den Mundiala prestatze aldera. Zerrendan da ere Elene Vázquez donostiarra eta harrobikoa, egun KH7 BM Granollersen aritzen dena.
