12 Urtarrila 2012

Harrobiko taldeei degokionez, jardunaldiko partidarik interesgarriena da. Bera Bera Egia kadete 2 liderrak sailkapenean bigarrena, puntu bakar batera dagoen den Bartolo Jatetxea taldea jasoko du. Donostiarren eta zarauztarren arteko lehia larunbatean izango da Bidebietan, 17,45etan, eta Bera Bera Egiak Maitane Etxeberriaren baja izango du Suizan txapelketa bat jokatzeko deitu dutelako. Partida horren aurretik, arratsaldeko 4etan, Donostia eta Zarautzen arteko norgehiagoka berri bat egongo da Bidebietan, jubenil mailako Bera Bera Egia eta Aiala ZKE, alegia. Bera Bera Egia kadete 1 taldeak Altzako kiroldegian jokatuko du Urnietako KE A taldearen aurka, larunbatean 15,30etan. Bestetik, infantilek larunbat goizean jokatuko dituzte partidak. Bera Bera Egia Infantil B taldeak Pasain Donibanen, 10,15etan, Ereintza C taldearen aurka eta Bera Bera Egia Infantil A CDB Leizaranen aurka Alluralde kiroldegian, goizeko 11,15etan. Bestalde, senior preferente mailako Egia Bera Berari atsedena hartzea tokatzen zaio.

12 Urtarrila 2012

Yamiley Rodriguez 23 urteko atezain gaztea eta Esther Bonilla atezainen prestatzailea dira. Biak kanariarrak dira eta bihar Ro’casa Las Remudas herrian gainditzeko ilusioarekin abiatu dira berriro irlara. Partida beste hilabete batean izatea nahiago zuten arren, duela gutxi Gabonetak pasatzen bertan izan zirelako. “Partida berdintsua” espero dute eta “bukaeraraino sufritu beharko dugu” ohartarazi ere bai. “Elkarrekin denbora asko jokatzen daramate, beraz, oso ondo moldatzen dira eta jokalariek kanariar profila betetzen dute, hau da, fisikoki sendo, kontaktua bilatzen dutenak eta korrika egiteko prest beti” adierazi du Esther Bonillak. Azkeneko urtetan Bera Berarentzat pista deserosoa izan da. Iaz 32-25 galdu zuen, 09-10 denboraldian 25-28 irabazi eta 08-09 denboraldian gol batek erabaki zuen lehia (29-30). “Ro’casa behin eta berriz barneraketak bilatzen ditu eta, hori dela eta, penalti gehien bota dituen taldea da” aipatu du atezainen prestatzaileak. “María Luján eta Davinia López dira jokalari arriskutsuenak” ohartarazi du. Bestetik, La Aldeakoa izan arren, Yamiley Rodriguezek ez du Ro’casan sekula jokatu. Atezaina zortzi urte etxetik kanpo darama eta Penintsulan, bost. “Vikar Goya eta Gijon taldeekin joan naiz eta badakit zer den han jokatzea" adierazi du jokalari gehienak ezagutzen dituena "Hori abantail handia da” dio atezainak. Halere, ez dute zalantzarik eta “irabaziko dugu” Antonio Moreno kiroldegian jokatzen duenean itxura aldatzen duen Ro’casa taldearen aurkako partida. “Etxean gauzak oso argi dituzte eta bere jokua ezarri nahi dute” azaldu du Estherrek.

10 Urtarrila 2012

Bera Bera Egia Kadete 2 taldeko eskuin hegala Maitane Etxeberria bihar Espainiako eskubaloi selekzioren deialdira hurbilduko da asteburu honetan, Suizan Mastercup izeneko txapelketa jokatzeko. Bi partidatan bost gol sartu dituen Maitanek Zurichera joango da ostiralean beste 15 taldekideekin. Horrela, Gisikon herrian Suizaren aurka bi partida jokatuko ditu, larunbatean 18,45etan eta igandean, goizeko 9,30etan.

10 Urtarrila 2012

Ligak hamar jardunaldi bete ditu, etxean talde bakoitzak bostna partida jokatu dituztenean Bera Bera Eskubaloia da bere pistan balantzerik onena agertzen duena, hau da, golegile nagusienak dira -163- eta gol gutxien jaso dituztenak -99- ere bai. 

Ligako heren honetan, Bera Bera Eskubaloiak Kukullaga, Mar Alicante, Porriño, Castro Urdiales eta BM Alcobendas jaso ditu Bidebietan. Alacanteko taldea izan zen oztopo gehienak jarri zuenak, Reyes Carrere entrenatzailearen jokalariak bukaerarte lehiatu behar izan zutelarik (24-22).

Bigarren balantze onena etxean Itxakok dauka, 162 gol sartu ditu eta 114, jaso. Bera Bera bezala, Mar Saguntok 163 aldiz zulatu du areriroen atea eta, aitzitik, 125 gol jaso ditu. Zentzu honetan, azpimarratzekoa da 102 golekin Alcobendas izatea etxean gol gutxien jasotzen dituen bigarren taldea. Ucam Murtzia du ondoan 109 golekin, Bera Berak urtarrilaren 21ean bukatuko du bertan lehenengo itzulia.

Eli Pinedo da 25 golekin golegile nagusiena Bidebietan ere bai. Ezker hegalaren atzetik agertzen dira Eider Rubio (22), Bea Fernández (21) eta Dara Carvalho (20). Etxetik kanpo, Pinedo eta Rubiok 21 gol sartu dituzte, Beak (20), Bertak eta Punkok (17).

Bidebieta da gol gehien ikusten den laugarren kantxa

Momentuz lehiaketan 3.552 gol sartu dira, %51,5a etxeko taldeek sartu dituzte. Bidebieta da gol gehien ikusi den laugarren pista (262). Aurretik dira Sagunto (288), Lizarreria (276) eta Antonio Moreno kiroldegia (273), Ro’casaren kantxa, larunbatean Bera Bera bertan izango den pista, alegia, -145 gol alde eta 128 kontra-.

Horrez gain, Bidebietan gol gehien eman diren partidak ikusi dira: Kukullagaren aurka 39-19 eta pasa den larunbatekoa, BM Alcobendasen aurka (36-25). 61 gol hauek Sagunton bakarrik gainditu ziren Mar Saguntok eta Kukullagaren arteko partidan 44-22 eta berdindu Mar Sagunto eta Elda Prestigio – urtarrilaren 18an bisitari Bidebietan – norgehiagokan (33-28).

Etxetik kanpo, Itxako da onena: 152 gol alde eta 103 kontra. Mar Alicante, ostean: 145, alde eta 104 kontra eta hurrengoa, Bera Bera 135 gol alde eta 116 kontra, nahiz eta bai golak sartzen eta jasotzen bostgarren taldea izan.