Berdinketa (27-27) izan da gaurko partiduaren emaitza, Akaba eta Roketas taldeen arteko neurketan, Bidebietako kiroldegian. Dena dela, emaitza honek ez du zuzenki isladatzen pistan gertatukoa. Bost minutuko markagailuak erakusten duen moduan, lehe zatian gipuzkuarrak bai defentsa, bai eraso lanetan, argi eta bikain ibili dira, lapurtutako baloi gehienak golak bilakatuz. Era honetan garatu da partidua neurketaren 50garren minuturarte, non kanporaketen eraginez (Tervel eta Agirre jokalariak bi exlusioekin bakoitzak ezin izan dute defentsa lanetan aritu azken ordu laurden osoan) , AKABAren jokoa erabat desorekatu da nonbait, eta andaluziar taldeak okasioa ondo asko aprobetxatu du pistan presentzia berreskuratzeko eta markagaildua bere alde eskuratzeko. Gauzak honela, zirrara, partiduaren azken segundurarte mantendu da bizi-bizi, jada, arbitroak gipuzkuarren aurkako penaltia seinalatu bait du orduan (27-27 markagailuan); Zorionez, Michaela Ciobanu atezainak, bikain ibili da eta jaurtiketa gelditzea lortu du (Dobrinskayza jokalaria izan da jaurtikitzailea) eta beraz, partidua berdinketan bukatu da. Ligako urrengo parada,Giijonen izango dute gipuzkuarrak, datorren larunbatean (maiatzak 5), Asturiasen jokatuko den partiduan, arratsaldeko 19,30etatik aurrera.
Idatzi honen bidez, AKABA BERA BERA taldearen urrengo partiduaren berri eman nahi dizuet. Larunbat honetan, apirilak 28, izango da, Bidebietako kiroldegian, Liga txapelketako bostgarren lekua lortzeko lehian aurkari zuzena den Roketas taldearen kontrako neurketan, arratsaldeko 19,00etatik aurrera. Talde andaluziarra, agerkari gertatzen ari da nonbait aurtengo denboraldian, eta bere kirol historian lehen aldiz, europear txartel bat lortzeko borrokan dihardu. Neurketaren epaile, Karrera Zaldua arbitro euskalduna eta Fernández Fernández asturiarra izango dira.
Galdu egin du gaurkoan AKABA BERA BERA taldeak Lizarran, pistan irabaztea beti zaila gertatzen den Itxako talde naparraren aurka jolastutako partiduan. Dena dela, neurketaren emaitzak ez du zuzen-zuzen erakusten zelaian gertatutakoa. Izan ere, lehen zati osoan, bi taldeek oso joku parekatua erakutsi dute bai defentsan bai erasoan, baina bigarren aldiko hamabostgarren minututik aurrera, nafar taldeko jokalarien defentsa moduak oso erasorkorrak izan dira, nahiz arbitroek horren seinalerik ez eman kasu gehienetan. Egoera honek, gipuzkuar taldearen eraso lanak guztiz zaila bilakatu du, nahi baino baloi gehiago galduz eta zenbait jaurtiketa tronpatuz, Itxako taldeko jokalariak aise aprobetxatu dituztelarik hutsegite hauek. Epaileek ez dute Nelikarla eta Mihai jokalarien pauso errepikakorrak markatu ere ez, eta gauzak honela, azkenean, markagailuak, espero baino distantzia handiagoa seinalatu du neurketaren bukaeran, nafar taldearen alde jada (partiduaren atsedenaldia bukatu bezain laister markagailuak berdinketa erakusten zuen). Galdu egin du beraz Akabak Lizarran, baino pistan erakutsitako joku sendo eta orekatuarekin konforme dira gipuzkuarrak. Liga txapelketako urrengo partidua etxea izango da, Bidebietan, datorren larunbat honetan, apirilak 28, Roquetas almeriarren aurka.
Ligako txapelketa aurrera doa, eta AKABA taldearen urrengo geltokia datorren larunbatean, apirilak 21, Lizarran izango da, eta are zehatzago, Lizarreria Udal Kiroladegian, Itxakoren aurkako neurketan, arratsaldeko 18,30etatik aurrera. Napartar taldeari irabaztea beti zaila gertatzen baldin bada ere, oraingoan norgehiagoka ez da errazagoa gertatuko, kontutan izanik gipuzkuarrak Kopako lehiaketatik at utzi zituela napartarrak lehengo astean. Dena dela, AKABA taldeak adore altua mantentzen du bai Ligan, bai Kopan lortutako garaipenen ondoren, eta kemen horrekin aurre egingo dio Itxakori larunbatean. Partidu honetarako, Tati Garmendia entrenatzaileak, azken neurketan zelairatutako jokalari berdinak izango ditu prest printzipioz. AKABAk, egun, Liga txapelketan bostgarren postua du kokagune, eta posizio hau defendatzen ahaleginduko da, nahiz laugarren postua lortzea gogoan izan ere(horretarako oraindik ere puntu mordoxka ditu zain, hala ere). Partidu honen epaile, Fernandez Piñeiro arbitro galiziarra eta Ríos Martín madrildarra izango dira.
Merezitako garaipen berria lortu du gaur AKABA BERA BERAk MAR ALICANTE talde xumearen aurka , Bidebietako kiroldegian jokatutako Ligako partiduan. Gipuzkuarrak lan etekin aberatsa erakusten jarraitzen dute pistan, defentsa sistema sendoa garatuz (gaur batipat lehenengo zatian). Tati Garmendiaren jokalariak 3 "fly" egiteko trebetasuna izan dute ere, nahiz zelaian, jokalari gutxiago batekin izan momentu horretan, baloi ugari lapurtu dituzte eta abiada handiz, gora oso azkar igo dira etengabe, kontraeraso indartsuak eginez. Erdialdeko jokua eta aldea ere, Pinedo eta Petrinja jokalariak protagonista izan dituelarik batipat, oso ongi defendatua izan da, alikantarren joko saiakerak behin eta berriz desorekatuz, eta hala gauzak, kanpotarrak erabateko ezintasuna erakutsi dute Ciobanuren inguruan hutsuneak sortu eta golak sartzeko. Ez dute etzi kanpotarrak hala ere, eta bigarren zatiko 15garren minututik aurrera, defentsa bikoitza eta nahasia atera dute zelaian, gipuzkuar taldeko alboko jokalariak modu zehatzez kontrolatu nahiean, baina ez dute behar bezala gauzatu intentzioa pistan. Pozik beraz Tati Garmendiaren taldea garaipen berri honekin, eta neurketa aurreko minutuetan AKABA Elkarteko beste mailako (kadete eta gazte) jokalariak eskeinitako omenaldiarekin, izan ere, lehengo astean Balentzian lortutako Kopak hala merezi bait zuen gutxienez; Pistalekuaren erdian erronka gisa jarriak, gazte mailako jokalariak, lore sorta bana eskeini diete. Garaipen honen ondoren, Ligako urrengo partidua, Itxakoren aurka izango da, datorren larunbatean.