Bera Berako talde guztiek etxetik kanpo jokatuko dute
Bera Bera osoa Bidebietatik kanpo arituko da asteburu honetan. Ohorezko mailako taldea Eldara abiatuko da bihar goizean larunbatean arratsaldeko 6,30etan ligako azkenaurreko partida jokatzeko.
Tati Garmendiak zuzentzen duen Egia Bera Berak, aldiz, bihar ostirala Oñatin izango du hitzordua 19,45etan Aloña Mendiren aurka Gipuzkoako Koparen baitan.
Larunbatean, goizeko 9,30etan Zarauzko kiroldegian, Bera Bera Egia infantil A taldeak Aiala A ZKEri egingo dio bisita Gipuzkoako txapelketan.
Gipuzkoako kopan, Bera Bera Egia kadete 1 taldea Usurbilera joango da 10,30etan larunbatean, Bera Bera Egia jubenil taldea Zarautzen arituko da 17,30etan eta asteburua Bera Bera Egia Infantil B taldeak itxiko du Zumaiako Lubaki kiroldegian, igandean 11,15etan Trapaia Taberna Pulpo K.E. taldearen aurka Foru Aldundia txapelketaren baitan.
Bitartean, Bera Bera Egia kadete 2 taldea maiatzaren 11tik 13ra bitartean Vigon burutuko den sektoretako fasea prestatzen ari da, Estatuko txapelketa jokatzeko txartela emango duena.
