08 Abendua 2011

Asteburu honetan senior preferente mailako Egia Bera Bera eta infantil mailako taldeak atsedena hartu dute. Horrela, jubenil taldeak fase finalaren bigarren jardunaldiari ekingo dio Zarautzen Aialaren aurka larunbatean, arratsaldeko 5,30etan. Bestalde, Bera Bera Egia kadete 1 taldeak Aluminios Aleman hirugarren sailkatua izango du zain larunbatean Legazpiko Bikuña kiroldegian, goizeko 11etatik aurrera. Bera Bera Egia kadete 2 taldeak igandean jokatuko du, goizeko 11,30etan, Andoaingo Allurralde kiroldegian CDB Leizaranen aurka.

07 Abendua 2011

Bera Bera Eskubaloi taldeko zentral gaztea Nagore Arizaga Gipuzkoa Poliklinikan operatu dute gaur kanpoaldeko meniskoa osatzeko, izan ere, lehengo astean konfirmatu zioten hautsita zegoela. Ebakuntza ondo atera da, azkar egin diote eta Nagore ohetik altxa gabe egon beharko du bihar arte. Senior Preferente mailako Egia Bera Bera taldean ere jokatzen duen andoaindarra berriro pistatan ikusteko aurretik hilabeteko errekuperazioa burutu beharko du.

06 Abendua 2011

Bera Bera Eskubaloia eta Lagun Aro Gipuzkoa Basket klub gipuzkoarrak bere plantillen irudiekin egutegi bat egiteko elkartu dira kirolaren balioak transmititzeko helburuarekin. Eskubaloia eta saskibaloia – gizonezkoa nahiz emakumeezkoena – bezalako bi kirol desberdinetako bi kluben arteko elkarlan ekimen aitzindari honek Bera Bera eta Lagun Aro Gipuzkoa Basket zabaltzen saiatzen diren kirolaren balioen garrantzia erakutsi nahi dio Gipuzkoako gizarteari. Baikortasuna, gidaritza, integrazioa, berdintasuna… dira besteak beste, 2012 urteko egutegian eta, hamabost egunero, Pedro Usabiaga argazkilari donostiarrak 24 irudi artistikoen bidez transmititu nahi dituen balioak. Honela, hurrengo astelehenean, abenduaren 12an, bi klubek 2012 egutegia aurkeztuko dute Donostiako Aquarim-ean 20etatik aurrera ospatuko den ekitaldian. Aurkezpenean bi kluben plantillak eta zuzendaritzak egongo dira.

05 Abendua 2011

Bera Bera Eskubaloiko harrobiak pasa den asteburuan lortu dituzten emaitzaren artean azpimarratzekoak dira jubenil, senior preferente eta kadete 2 taldeak lortu dituztenak dira. Mauge Gezala entrenatzaileen jubenilak fase finalari irabazten ekin diote, izan ere, Bera Bera Egiak 32-18 irabazi zion Aloña Mendiri.

Bestetik,senior preferente mailako Egia Bera Berak etxetik kanpo irabazi 16-27 zion Aiala C ZKE eta sei puntuko aldea ateratzen dizkio bigarren sailkapenean. Kadete mailan Bera Bera Egia 2 taldeak 40-14 menperatu zuen Urnietako B eta Bera Bera Egia kadete 1 taldeak 16-22 galdu zuen CDB Leizaranen aurka. Azkenik, Bera Bera Egia Infantil A taldeak 1-18 irabazi zion Ordizia Eskubaloiari.

Emaitzak: jubenilak , kadeteak , senior