Gaur goizean EHFko Vienako egoitzan burutu den zozketan, Viborg HK eta Polonia eta Suizako txapeldunekin batera kokatu da Bera Bera Eskubaloia, hau da, Vistal Laczpol eta Brühl, hain zuzen ere.
Lauko finala sistema erabiliz garaileak bakarrik izango du lekua Europako 16 onenen artean. Horrela, irailaren 22 eta 23an final-erdia eta finala jokoan izango dira. Zozketaren arabera, Viborg HK-Brühl eta Bera Bera Eskubaloia-Laczpol. Fasea antolatzeko lehentasuna daniarrek izango dute.
Iaz Alemaniako Leipzig taldeak kanporatu zituen poloniarrak Winners’ Cupetik (Errekopa). Halere, alemaniarrek dexente sufritu behar izan zuten, gol batez irabazi baitzuten (55-54). Final-erdietan Viborg HK taldeak gainditu zuen Leipzig (62-57).
Final-erdiak gaindituz gero, antza, arerioa Danimarkako azpitxapelduna izango da Brühl suizarra baino gehiago delakoan. Viborg HK taldeak hiru aldiz irabazi du Champions League azkeneko urtetan: 2005-06, 08-09 eta 09-10 eta iaz, multzoen fasean hirugarrena izanda Errekopara pasatu zen eta azpitxapelduna izan zen.
Viborg HK taldeak badaki horrelako fasea antolatzea. Iaz Rostov gainditu zuen 24-17 –bigarren zatian errusiarrek sei gol baino ez zuten lortu- eta ondoren, Errumaniako Univertsitatea Jolidon Cluj taldeari aise irabazi zion 37-21.
Adriana ‘Doce’ de Castro, Bera Bera Eskubaloiak fitxatu berri duen hegal ezkertiarrak badaki zer den Viborg gainditzea. Izan ere bere taldeak, Randersek Danimarkako txapelketa etxetik kanpo lortu zuen Bera Beraren ustezko arerioa gaindituz. Lauko finaleko garaileek bakarrik izango dute multzoen fasea jokatzeko aukera (uztailaren 6an izango da zozketa Alemanian).
Gainontzekoek Errekopan parte hartuko dute, laugarren sailkatua bigarren kanporaketari heldu beharko dio eta bigarren eta hirugarrenak, hurrengo kanporaketan, urriaren amaieran.
Vienan eman diren gainontzeko partidak honako hauek dira EHF Draw
Verónica Valverdek zuzenduta, Bera Bera kadete taldeak zazpi partida jokatu ditu lau egunetan. Lehenengo fasean ‘gol average’ delakoak multzoko liderra izaten galerazi zion eta, ondorioz, final zortzirenetako txartel zuzena.
Ostegunean debuta egin zuten Norvegiako Pors taldearen aurka, 18-9 gaindituz. Ostiralean, bi partida, goizean 19-2 Corazonistas taldearen aurka eta arratsaldean Norvegiako Tinlund taldea indartsuaren aurrean 10-10 berdintzea lortu zuen, izan ere, finalera iritsi ziren norvegiarrak.
Larunbatean multzoko lidergoa zegoen jokoan. 13-9 gainditu zuten Fyllingen norvegiarra eta 18-4 La Salle Montcada. Ondorioz, Tinlund taldearekin berdindu zuten donostiarrek baina norvegiarrek gol gehiago sartu zituzten eta gol gutxiago jaso.
Horrela, final hamaseienetan gipuzkoarren arteko lehia bizi izan zen Granollersen. Bera Bera – La Salle Legazpi aurrez aurre. Donostiarrak 23-12 nagusitu ziren eta hiru ordu beranduago Koreako Selekzioa zain zuten. Partida zoragarria izan zen, berdinketak nagusi eta emozio handikoa, izan ere, luzapenean erabaki zen eta Koreako Selekzioak 17-16 irabazi zuen.
Oso esperientzi ona izan da. Bera Bera kadete taldeak multzoen fasean berdinketa lortu zuen txapelketako azpitxapeldunaren aurka eta luzapenean galdu zuen Koreako selekzioaren aurrean, Granollers Cup txapeldunarekin, maila desberdinetako 250 talde bildu dituen txapelketa zoragarria. Bera Bera kadete taldea goizeko 4,30etan esnatu da Donostiara itzultzeko. Zorionak eta bidai ona izan!
Hiru arerioekin batera, Bera Bera Eskubaloia lau taldez osaturiko multzoan kokatuko da. Final erdia eta, gaindituz gero, finala jokatuko du Championseko multzoen fasea jokatzeko txartel bakarra helburu. Bertan Europako 11 txapeldun daude zain, urrian hasiko den ligaxka horretan sei partida jokatuko dira.
Errusia eta Alemaniako azpitxapeldunekin batera kokatu du EHFk Bera Bera, Rostov indartsua eta Buxtehuder taldeak saihestuko dituelarik.
Arerio arriskutsuenak Norvegia, Hungaria, Danimarka eta Errumaniako azpitxapeldunak dira, hau da, Trondheimeko Byasen, Budapesteko Ferencvarosi TC, Viborg HK daniarra edo Universitatea Jolidon Clij errumaniarra. Bera Berak Randersetik fitxatu duen hegal brasildarra Adriana ‘Doce’ Castrok Danimarkako finalean aurrean izan zuen Viborg eta FTC taldeak Nerea Pena nafarra fitxatu berri du.
Serbiako Zajecarren, Mangué eta Fernández
Era berean Holanda, Polonia edo Serbiako txapeldun bat izango du aurrez aurre: MizuWaAi Dalfsen, Laczpol Gdynia edo Zajecar serbiarra, Marta Mangué eta Begoña Fernándezen taldea.
Eta laugarren taldea –teorian ahulena- Mazedonia, Turkia, Eslovakia edo Suizako txapeldunak dira: WMetalurg –iaz Eldari 27-22 irabazi zion fase honetan-; Muratpasa Belediyesi; Iuventa Michalovce edo LC Brühl suizarra, alegia.
Halere, azken hauetako batek kanporaketa zuzena izango du rakinean hobeto kokaturik dagoen taldearekin: Byasen, FTC, Viborg HK edo U. Jolidon Clij, alegia. Gainontzekoek, horien artean Bera Bera, lau taldez osaturiko hiru multzotan banatuko dira, Championseko ligaxkan gelditzen diren hiru txartela eskuratze aldera. Gainontzeko taldeak ‘Errekopara’ pasatuko dira bigarren edo hirugarren kanporaketan.
Bihar baita ere ‘lauko finalen’ datak ezagutuko dira, izan ere, bi data ezagutzera eman dira, irailaren 22-23an eta, lehengo ostiralean, irailaren 8 eda 9. Multzoko lau taldeek egoitza adostu behar dute, finalerdiak, hirugarren eta laugarrena zehazteko partida eta finala, lau partiden antolaketa, alegia.
21 urte dituela, Israelgo txapeldun Bney Herzeliya taldean jokatu du, 2009 urteaz geroztik Europako lehiaketetan aritu delarik. Izan ere, iaz EHF Cupetik Errumaniako Zalau azpitxapeldunak kanporatu zuen Nitsan Dunay taldea. (Argazkian, Dunay gorriz 9 zenbakiarekin).
Dunayk, 1,70 zentimetro neurtzen dituena, lehenengo lerroko edozein posizioetan joka dezake. Halere, lerroen arteko jokua da azpimarragarriena, taldera ekartzeko arrazoi nagusiena. Reyes Carrere entrenatzaileak onartzen du “apostua dela, bai guretzako bai berarentzako” eta baikor da “gure jokura egokia izan daitekeelako”.
Denboraldi amaieran bost baja izan zituen Bera Bera Eskubaloiak. Orain arte lau fitxaketa egin ditu: Patricia Elorza lateral arabarra, María Núñez pibotea, Adriana ‘Doce’ Castro hegal brasildarra eta Nitsan Dunay israeldarra. Orain, pibote bat fitxatzea da lehentasuna.
Joku Olinpikoetan arituko direnak izan ezik, Bera Bera Eskubaloiko plantillak aurredenboraldiari abuztuaren 1ean ekingo dio. Datorren astean Vienan, uztailaren 3an goizeko 11etatik aurrera, Championseko multzon fasera pasatzeko aurreran izango dituen arerioak ezagutuko ditu Bera Berak. Irailaren 22 eta 23an lauko finala antzeko kanporaketa jokatu beharko dute donostiarrek.
