02 Otsaila 2012

Errusiara irten aurretik, prentsaurrekoan, Bera Bera Eskubaloiko entrenatzaile Reyes Carrerek adierazi du Lada Togliatti taldearen aurkako finalzortzirenak “oso kanporaketa konplikatua da, asko kostatuko zaigu ateratzea gu baino talde zeharo ezberdina izango dugulako aurrean, oso talde beso-luze handikoa”. Horregatik, gure kezka da “nola jokatu behar dugu eta giltzarriak aurkitu gure jokuarekin gurekin zerikusia ez duen Lada bezalako taldea gainditzeko”. Reyes Carrerek azaldu du Lada dela “talde astuna, beso-luzea, lehenengo lerro ona duena, hau da, kanpoko jaurtiketa onak dituzte, eserleku luzea, hegalak azkarrak eta Errusiako selekzioko atezaina”. Halere, “gure jokua egin behar dugu, gure aldakortasunak giltzarri izan daiteke erasoa eta defentsa apurtzeko eta partidan sar gaitezke”. Reyesek kanporaketa “berdintsua” ikusten du “gol average delakoak erabaki dezakena” eta epailein “presioa gainditzea eskatzen diegu eta erreglamentua aplikatzea”.

31 Urtarrila 2012

Partida amaitzeko sei minutu falta zirela, keman erakutsiz, Bera Berak lorturiko 6-1 partzialari esker Itxako ustekabean harrapatzeko zorioan egon dira donostiarrak, halere azkenean 26-27 bukatu da partida, Lizarrarerin lehenengo itzulian eman zen markagailua bera, alegia. Garaipen honi esker nafarrek zazpi puntuko aldea ateratzen dizkio donostiarrei, bigarrenak sailkapenean. Bera Berak korrika egiteko aukera izan duenean nabaritu egin da (2-0, 2. min), halere, arazo larriak izan ditu defentsan Barbosa gelditzeko. 2-7 partzialari esker, Itxakok lau goleko aldea hartu du lehenengo zati erdian. Bera Berak partidari eutsi dio orduan Bea Fernándezen eta Libe Altunaren golei esker eta berdinketa ere lortu du 14-14, halere Jessica Alonsok gauzaturiko bi penaltik abantaila eman dio Itxakori 14-16 atsedenaldian. Bigarren zatian, Silvia Navarroren txanda izan da. Itxakoren atezaina onetik atera ditu donostiarrak defentsan sendo zirela eta Zoqbik geldiketak eginez. Bigarren zatiko aurreneko 15 minutuetan bi gol baino ez ditu sartu Bera Berak eta Itxakok zazpi goleko abantaila lortu du (47. min 17-24). Orduan Bera Berak hortzak estutu ditu eta Silvia Navarro gainditzen gai zela ikusi duenean, guztia eman du. Zoqbiren geldiketak kontraerasoak sortu ditu, Altuna, Cuña, Carvalho eta Pinedok lau gol sartu dituzte bi minututan eta 26-27 ezarri dute hamar segundu falta zirela, Itxakok alferrik galdu ez dituena. Ondorioaz, eskubaloi partida bikaina oso sarrera ona izan duen Bidebietan. Anna Punkoren baja garrantzitsua izan arren Bera Berak itxura ona eman du, Itxakori gauzak zailak jarri dizkio eta igandeari begira, Errusiako Lada Togliatti taldearen aurrean EHF Cupeko kanporaketari ekiteko ilusioa berretsi du. Fitxa Bera Bera 26 (14+12): Zoqbi, Altuna (4), Eli Pinedo (3), Rubio (3), Cuña (4), Carvalho (3), Mena –titularra- Bea Fernández (5), Ziarsolo (2), Menéndez (1), Berta eta Campa (1). Itxako 27 (16+11): Navarro, Alonso (4), Barnó (2), Naiara (2), Patri Pinedo(4), Barbosa (10), Agirre (1), Nerea Pena (2), Begoña Fernández, Milenkovic (a.s.), Aguilar (1), Tervel, Deonise (1) eta Zebic. Epaileak: Javier Álvarez (Euskadi) eta Ion Bustamante (Nafarroa) Kanporaketak: Altuna eta Menéndez Bera Beratik eta Deonise Itxakoren aldetik Partzialak: 2-2, 4-7, 7-10, 10-13, 12-14, 14-16 (atsedenaldia) 15-18, 16-20, 16-23, 18-24, 20-26 eta 26-27. 500 zale Bidebietan. Jorge Dueñas, Espainiako hautatzailea egon da.

30 Urtarrila 2012

Asteburu honetan Bidebietan kadete eta jubenil mailako igoera fasea ospatu ostean, Euskadiko txapelketa jokatzeko txartela lortu dituzte Bera Bera Egia kadete eta jubenil taldeek, jokatutako bi partidak irabazi zituztelako.

Ostiralean Bidebietan, Bera Bera Egia kadete 2 taldeak sufritu zuen CB Kukullagaren aurrean 32-28 irabazteko eta oraindik lan gehiago egin behar izan zuten jubenilek Autobuses Juantxu Kukullaga taldea 29-28 menperatzeko.

Bidebieta baita ere larunbatean kadete mailako CB Kukullagak 14-34 irabazi zion Consulting Social Alavés taldeari eta jubeniletan Autobuses Juantxu Kukullaga 21-22 irabazi zion Eharialdeari.
 
Igandean, Bera Bera Egia kadete 2 taldeak ez zuen arazorik izan Consulting Social Alavés taldeari irabazteko (34-6) eta Bera Bera jubenil taldeak 28-22 Eharialdea gainditu zuen.

Horrela, Bera Bera Egia kadete eta jubenil taldeak, CB Kukullaga eta Autobuses Juantxu Kukullaga otsailean 11n hasiko den Euskadiko txapelketako ligaxkan arituko dira.
 
Egia Bera Bera seniorren garaipena

Ligako azken partidan, Egia Bera Bera senior preferente taldeak 27-30 nagusitu zitzaion Ereintzari Errenterian eta lehiaketa amaitu du norgehiagoka guztiak irabazten.

Bestalde, infantiletan alde eta kontra. Bera Bera Egia infantil A taldeak 14-16 gainditu zuen Urnietako B KE eta Bera Bera Egia infantil B taldeak 23-11 galdu zuen Urnietako A KE aurrean.

Argazkian, jubenil taldea Euskadiko presidenteorde Juan Carlos Carro; Bera Bera Eskubaloiko presidente Amaia Ramírez eta taldeko kapitaina Matxalen Ziarsolo.

Emaitzak: senior , infantil

30 Urtarrila 2012

Bigarrena lehenengoaren kontra, bihar urtarrilak 31, asteartea, arratsaldeko 7etan Bidebietan. Bera Berak punturik galdu ez dituen Grupo Asfi Itxakori irabazi nahi dio, bigarren postuan sendotu, hiru puntutara hurbildu sailkapenean eta nafarrei liga zaildu.

Gipuzkoarren eta nafarren arteko partida gehienak oso estuak izaten dira, azken aldi honetan Itxakok irabazi arren. Bera Berak ligan boloda txarrari amaiera jarri nahi dio, Kopan Itxako menperatu zuen finalerdietan 2008an eta 2009an eta bi berdinketa lortu ditu 05-06 denboraldian Lizarrerian eta 07-08 Bidebietan. Azkeneko garaipena 04-05 denboraldian eman zen.

Lehenengo itzulian, Bera Bera puntu bat urratzeko zorian egon zen. Partida amaitzeko bost segundo falta zirela, Eider Rubiok langara bidali zuen penaltia eta aldaratutako baloia denboraz kanpo ate barrura bidali zuen.

Erronka gauzatzeko, Bidebieta alde du Bera Berak, denboraldi honetan partida guztiak irabazi ditu eta Mar Alicante eta Elda Prestigio taldeekin baino ez du sufritu.
Biharko partidarako, Melinda Berta ezker hegala jokatzeko prest du Reyes Carrerek, Murtzian orkatila bihurritu eta gero. Erasoan bikain aritu zen Berta Lizarrerian, zazpi gol sartu baitzuen, orain arte jokaturiko partidarik onena, alegia.