Emakumeen eskubaloi ligako sailkapenari so eginez gero, Bera Berak etxetik kanpo bi partida eroso izango ditu, Porriñon, larunbatean eta Castro Urdialesen, martxoaren 17an. Etxean zailago izango ditu, izan ere, Elche-Mustang eta Mar Sagunto hartuko dituelako.
Martxoaren 10eko Elche-Mustang taldearen aurkako norgehiagoka adi adi jarraituko dute. Alde batetik, Bera Berak gogoan du, oraindik ere, lehenengo itzulian jaso zuen porrota (27-24), aurreneko zati penagarri baten erruz (15-8) eta, jakina, Altean apirilaren 12an, arratsaldeko 6etan, Kopako final-laurdenetako kanporaketa izango delako.
Alacanteko taldeak, egun Bera Bearak baino bost puntu gutxiago duena, partida guztiak irabazi zituen Itxakoren aurka jokatuko du gaur. Ondorioz, donostiarrek Bidebietan irabaziz gero, bigarren postuko lehiatik at bidaliko dute Elche-Mustang taldea.
Martxoaren 17a ere garrantzitsua izango da. Izan ere, Bera Berak Castro Urdiales jokatuko du eta, era berean, sailkapena eragina izan ditzaketeen Mar Sagunto – Itxako eta Elche Mustang-Mar Alicante partidak, batez ere, aurrenekoa. Valentziarrek donostiarrek baino bi puntu gutxiago dituzte orain eta Donostiara etorri aurretik norgehiagokarik zailena izango dute orduan.
Mar Sagunto, martxoaren 31n
Eurokopa jokatzeko sailkapen fasea dela eta –Eli Pinedo eta Bea Fernández deitu ditu Dueñasek- lehiaketak aste beteko atsedena izan ondoren, partidarik erabakigarriena iritsiko da. Martxoaren 31a gorriz dago Bera Beraren egutegian, Mar Sagunto hartuko baitu. Bera Berak urrats handia eman lezake valentziarrak gaindituz gero, hau da bigarren postua berretsi Kopara abiatu aurretik. Lehenengo itzulian Saguntoko garaipenak bide onean kokatu zuen Bera Bera.
Apirilean, Kopa ostean, emozioz beteriko 23. jardunaldia biziko dugu, BM Alcobendas-Bera Bera eta Mar Sagunto-Mar Alicante partidak jokatuko baitira. Donostiarrek Rocasa eta Ucam Murcia etxean hartuko dituzte eta, erdian, Elda Prestigioren aurkako partida Alacanten.
Bera Bera Egia Infantil B taldeak lidergoa du helburu Ibaiondo Taberna Legazpiren aurrean, Bikuña kiroldegian larunbatean goizeko 11,30etan jokatuko den partidan, Foru Aldundia txapelketan.
Gipuzkoako txapelketan, berriz, goizeko 11,15etan, Zumaiako Lubaki kiroldegian, Pizzeria Marina Pulpo K.E. Bera Bera Egia Infantil A hartuko du.
Barakaldon, errebantxa
Euskadiko txapelketan azpimarragarriena da Bide Onera Zuazo – Bera Bera Egia kadete 2 partida, errebantxa kutsua hartu duena, izan ere, bizkaitarrek Gaska kiroldegian 20-22 irabazi zuten eta donostiarrek lidergoa dute helburu.
Era berean, jubenil taldeak orain arteko ibilbideari muzin egin eta Errotaberri Juveniles liderrari aurre egin nahi dio Ermuako Miguel Ángel Blanco kiroldegian, larunatean, arratsaldeko 6,30etan.
Azkenik, Udaberri kopa prestatzeko txapelketan, Egia Bera Berak Andoaingo Alluralde kiroldegian jokatuko du larunbatean arratsaldeko 7,15etan CDB Leizaran taldearen aurka.
Aurten birritan izan da Dueñas Bidebietan, urtarrilaren 7an Bera Bera BM Alcobendas ikusten eta urtarrilaren 31ean Itxakoren aurkako partidan.
Espainiak Ukraniaren aurka jokatuko du martxoaren 21ean eta 25ean, aurten Eurokopa jokatzeko sailkapen faseari dagokion hirugarren eta laugarren jardunaldiak, alegia.
Deitutako 16 jokalariak Leioan elkartuko dira martxoaren 18an, igandea. Asteartean Ukraniara egingo dute bidaia eta martxoaren 21ean, asteazkenean, Zaporozhye hirian jokatuko dute arratsaldeko 6etan. Bestetik, laugarren jardunaldian Espainiak Ukrania Lizarrerian hartuko du goizeko 11etan.
Dueñasen selekzioak nahikoa ondo bideratuta du sailkapena, izan ere, Islandia eta Suiza gainditu ditu aurreneko jardunaldietan.
Nahia Arana, Gipuzkoarekin
Bera Berako infantil mailako Nahia Arana jokalaria Gipuzkoako selekzioko deialdian sartu dute. Igande honetan Oñatiko Zubikoa kiroldegia, goizeko 9,30etatik 12ak bitartean, burutuko duten entrenaldian parte hartuko du Aranak.