Izan ere, ezker albokoak ez zuen Nordhausen bigarren zatia jokatu. Hurrengo egunean ezker belauna hazita zuen eta horregatik gaur Mantenola Mediku Zentroan erresonantzia egin diote. Eli Pinedok astelehenean emaitzen berri izango du baina ziur da asteazkenean Valentzian baja izango dela.
Bestetik, Castro, Ederra eta Elorzak Frankfurten Madril bidea hartu zuten. Adrianak Buenos Airesera abiatu zen Brasilekin txapelketa bat jokatzera Argentina, Txile, Uruguay eta Paraguay selekzioekin batera. Patricia Elorza eta Silvia Ederra –lehenengo deialdia- Pinton Dueñasek deituriko gainontzeko jokalariekin bat egin zuten.
Espainiako selekzioak Errumaniara egingo du bidaia Carpati Trophy jokatzeko ostiraletik igandera bitartean, bertako bi selekzio eta Alemaniaren aurka.
Hiru jokalariak astelehenean itzuliko dira deialdietik. Asteartean plantilla oso elkartuko da Bidebietan 20. jardunaldian asteazkena 27ra aurreratuko dena. Horrela, Bera Bera partida egunean egingo du bidaia Valentziara, El Cabañal kiroldegian 20etan Valencia Aicequip taldea izango du aurrean. Norgehiagoka ostean Aste Santuan atsedena hartuko du taldeak eta apirilaren 2tik aurrera ligako azkeneko sei partidak prestatuko ditu.
Cup Winners’ Cupeko final-erdietarako txartelaren jabe garbi gelditu zen Donostian, joaneko partidan. Halere, Bera Berak sensatzioak berreskuratu nahi zituen, joku ona egin eta lehiaketa utzi beste itxura emanez.
Gascan harturiko abantaila izan arren, Thüringerrek asmo bera zuen gaurkoan. Oso bolada onean dago, Bundesligako lídergoan da, Leipzik eta Buxtehuder gainetik.
Partidak Gascan jokatu zena gogora ekarri du, halere, Bera Bera hobeto ibili da alemaniarren 6-0 defentsa erasotzeko orduan. Patricia Elorza, Alba Menéndez eta Eli Pinedo izan dira jaurtiketak egiteko ardura hartu dutenak. Kontrako aldean, baina, penaltietan iritsi da –hiru huts lehenengo zatian- eta, horrez gain, pibotearekin eta eskuin albokoekin lotura ezin gauzatu.
Erasoan galdu diren baloiak Augustesenen –zortzi gol- bitartez kontraerasoetan bihurtu dira. Posizionalea, Bera Berak asko sufritu du Minevskaja edo Nadgornaja jokalarien jaurtiketekin.
Reyes Carrerek minutuak banatu ditu jokalarien artean. Yamileyk jokatu du lehenengo zatia eta Zoqbik, bigarrena. Gainera, Rubiori atsedena eman dio -20. minutuan atera da- Pinedok bigarren zatia ez du jokatu. Bera Berak markagailuari lehenengo zatian eutsi dio (18-14) beste itxura emanez, defentsan eta erasoan –Gascan 15 gol sartu zituen-.
Bigarren zati hasiera, baina, txarra izan da, batez ere lau minutu jarraian jokalari bat gutxiago izanik, Thüringerrek aprobetxatu ditu erasoan donostiarren akatsak. Snelder, Engel edo Augustesen aldea zabaldu dute (37. Min , 25-16). Patricia Elorzak –bederatzi gol- erasoan ardura hartu du ostean, Matxalen Ziarsolo eta Menéndez, lagun.
Halere, baloia azkar mugitzeko zailtasunak ageri dira alemaniarren defentsa estua dela kausa. Thüringerrek kontraerasoak gauzatu ditu eta posizionaleal Althaus pibotea aurkitu du.
Ondorioz, galdu arren, Bera Berak Gascan utzitako sentsazio txarrak alde batera utzi ditu. Thüringerrek Hypo izango du aurrean final-erdietan eta Issy Paris eta Rostov errusiarrak osatzen dute beste kanporaketa.
Bera Berak Europako ibilbideari amaiera jarri dio denboraldi honetan. Guztira zortzi partida jokatu ditu, -Championseko bi eta Errekopako lau- lau garaipen eta lau porrotekin.
Taldeak bihar egingo du bidaia Donostiaruntz eta ostegunera arte jai izango dute jokalariek. Patri Elorza, Silvia Ederra eta Adriana Castro Frankfurtetik Madrilera eta Buenos Airesera abiatuko dira selekzioek deituta.
Fitxa Thüringer 38, Bera Bera 26
Thüringer 38 (18+20): Tomasevic, Jakubisova (6), Nadgornaja (6), Wohlbold (1), Snelder (4), Minevskaja (8) y Augustesen (8) –titularra- Althaus (3), Engel (2) eta Eckerle (o.a.)
Bera Bera 26 (14+12): Yamiley, Altuna, Núñez, Ederra (1), Elorza (9, 1p), Menénez (4) eta Pinedo (4) – titularra – Dunay (1), Ziarsolo (5, 2p), Rubio (2), Castro, Zoqbi (o.a.)
Epaileak: Vasile Pavel eta Eugen-Marian State, Errumania) Kanporaketak: Menéndez (2) eta Núñez Bera Beratik eta Engel Thüringerretik.
Partzialak: 3-1, 6-3, 9-7, 11-8, 14-9, 18-14 –atsedenaldia- 23-15, 27-18, 29-20, 32-21, 36-23 eta 38-26.
Horrela, apirilaren 2tik 5ra bitartean, asteartetik ostirelra, 9etatik 13etara, Pazko Astea eskubaloi egunetan bihurtuko dira. Ekimen honen arduradunak harrobiko koordinatzaile Verónica Valverde eta María Gracia entrenatzailea dira. Horrez gain, Reyes Carrere eta Martin Larrañaga ohorezko mailako taldeko entrenatzaileak eta jokalariak ere parte hartuko dute Campusean, harrobiko kadete eta jubenil mailakoak bezala.
Gazteak kirolara gerturatzeko asmoz antolatu da Campusa eta batez ere, eskubaloira, jokuak bitarte, taldeko harremana landuz eta baloia tresna gisa erabiliz. Kirol txartelaren jabe duenak 35 euro ordaindu beharko dute, gainontzekoek, 42 euro. Informazio gehiago nahi duenak 943 458 166 telefonoan edo
Bundesligako txapeldun eta egun liderrak Josean Gasca kiroldegian lorturiko abantailak (15-33) ez du kanporaketa kolokan jartzen baina partidak garrantzia du. Bi mila eserleku baino gehiago dituen Wiedigsburghalle Nordhausen pistan, Elche Mustang taldearen aurkako ibilibideari jarraipena emateko asmoarekin agertuko da Bera Bera. Ikus Bera Bera Elche bideoa
Asteazkenean Bidebietan lorturiko garaipenak Liga bideratuta utzi du baina Europa mailako partida izanik, Bera Bera seriotasunari helduko dio. Egin behar duen bidean sinistuta, joaneko partidan 40 minutuetan egin zuena, intentsitate handiko defentsa Gascan gutxitan erabili ahal izan zen kontraerasoa bermatzeko.
Aurrean, oso talde sendoa, une gozoak bizi dituena, izan ere, Oldenbur laugarren sailkatuari 39 gol sartu zizkion asteazkenean. Donostian defentsa, atezaina, transizio azkarra, kanpoko jaurtiketa eta kontraeraso zitalak erakutsi zituen.
Bera Beraren denboraldi honetako zortzigarren partida Europan izango da biharkoa. Datorren astean selekzioetako deialdiak lau katu utziko ditu Bidebietan, Patri Elorza, Silvia Ederra eta Adriana Castro astelehenean Frakfurtetik Madrilera eta Buenos Airesera joango dira. Ligako hurrengo jardunaldian Bera Berak Valentziara egingo du bidaia Aste Santu aurretik, martxoaren 27an.
