Martínez: “Pradesek Elxen kemena ezaugarri gisa mantendu du”

Italian Espainiako selekzioarekin Italian jokatzen ari zela sorbaldan mina hartu ondoren, etenaldi bat pistatik at egon zen eta, besteak beste, Bidebietan Elche Mustang talde ohiaren aurkako partida jokatzerik ez zuen izan. Hortaz, datorren larunbata, azaroak 1, 12etan –jai izanda instalazioa arratsaldez itxita dago- iristeko irrikan da Ana Martínez “jokatzeko gogo askorekin nagoelako eta hasieratik gogor irten iaz bezalako sustorik ez hartzeko”. Izan ere, iaz elxetarrak 2-10 aureratu ziren eta Bera Bera estu hartu zuten, Eli Pinedo -12 gol- ardura osoa hartu zuen arte 21-20 irabazteko. Superkopa jokatu ostean, belaunean jasaezineko mina izan ostean, Ana Martínezek eta Aitor Etxaburuk bat egin zuten. Taldea utzi eta errehabilitazioari ekin zion elxetarrak. Hilabete pasa eta gero taldearekin bat egin zuen eta Alcobendasen aurkako partidan ligan debuta egin zuen. “Erritmoa hartzen ari naiz, fisioterapeutarekin belauna kudeatzen ari gara eta hobeto doa”. Halere, egunero lantxoren bat egin behar du Ana Martínezek “astelehen, asteazken eta ostiralean prebentzia eta kuadrizepsa indartu eta astearte eta ostegunean fisioterapeutarekin –Nerea Uranga- luzaketa ariketak, eta izotza nahiz beroarekin tratamendu ezberdinak”. “Entrenatzaileak konfidantza eman zidan Valentzian eta belaunak asko gozatzeko aukera eman zidan” dio central postuan dabilen jokalaria. Orain Etxaburuk erasoan erdian kokatzen du, “erronka polita da minutu gutxi jokatu dudalako hor, selekzioan baino ez”. Bera talde ohiaren inguran, Nitsan Dunay fitxatu duena eta Mar Alicantetik Marizza Faria eta Lene Tobiasen bezalako jokalariak, José Ignacio Prades entrenatzailearen eskua ikusten du Ana Martínezek “Elche taldearen ezaugarriak mantentzen duelako, kemena eta lehiatu, alegia”. “Taldeak asko aldatu arren eta emaitza okerrak izan arren” Ana Martínezek dio “kalitate handiko plantilla dela, eskarmentua eta gaztedia uztartzen duena” eta ondorioz “hasieratik irabaztera irten behar gara”.