Idatzi honen bidez Akaba Bera Bera taldearen Ligako urrengo partiduaren berri eman nahi dizuet. Bihar ( otsailak 21, asteazkena) izango da Marina Park taldearen aurka, arratsaldeko 20.30etatik aurrera, eta Santanderreko Albericia pabiloian. Neurketa aurreratua dugu hau, izan ere, gipuzkuarrak, Errusian jokatu beharko bait dute igandean, Europako errekoparen lehiaketaren barne. Biharko partidurako, Tati Garmendia entrenatzaileak talde osoa du prest, baita azken eransketa ere, serbiako Svetlana Obucina. Azken jokalari hau, pasa den igandean zelairatu zen lehen aldiz Akabaren jantziarekin, eta defentsa lanetan ondo arituz gain, bi gol ere sartzeko trebetasuna erakutsi zuen. Marina Park taldeari dagokionez, egun, hamairugarren lekua okupatzen du Ligako sailkapen nagusian. Partiduaren epaile, leongo Merino Mori eta Moyano Prieto izango ditugu.

Akaba Bera Berak bost goleko errenta defendatu beharko du Errusian jokatuko duen Errekopako final-zortzirenetako itzulerako partidan. Donostiarrek abantaila handiagoa lortzeko aukera izan zuten Astrakhanochka taldearen aurka, sei golez irabazten ari baitziren partida amaitzeko hamar minutu falta zirela. Dena dela, bost goleko errenta ez da txarra, bukaerarako minutu eta erdi geratzen zenean 27-24 emaitza adierazten baitzuen markagailuak. Irudimena erasoan Akabak harrokeririk gabe hasi zuen norgehiagoka; fin atzean eta serio erasoan. 3-0 aurreratu zen, baina gero, errusiarrak, 1-5eko partzial baten bitartez, aurrea hartu zuten markagailuan. Kanpoko taldearen jokalari altuen defentsak zailtasun handiak eman zizkion Tati Garmendiaren taldeari. Hortaz, etxekoek irudimena erabili behar izan zuten baloia mugitzeko eta erasoak sei metroko distantziatik behar bezala bukatzeko. Egindako lan txukunak emaitzak eman zituen, eta atsedenaldian, 15-12 zen emaitza. Bigarren zatian, etxekoak nagusi izan ziren, eta sei goleko aldea izatera iritsi ziren (25-19 eta 27-21). Azken minutuetan, ordea, Astrakhanochkako jokalariek bizirik daudela erakutsi eta errenta handitu ez zedin lortu zuten.

Idatzi honen bidez, Akaba Bera Bera taldearen errekopako urrengo neurketaren berri eman nahi dizuet. Igande honetan izango da, otsailak 18, eta errusiako Astrakhanochka taldearen aurka,eguerdiko 12,00etatik aurrera Bidebietako kiroldegian. Partidu garrantzitsua dugu nonbait europako errekoparen txapelketaren barne,eta aurrez, eta garaipen posibilitateei dagokionez, norgehiagoka nahiko orekatua estimatzen da. Gipuzkuarrak ahalik eta onura zabalena lortzen saiatuko dira gogoz etxeko zelaian, itzuleko neurketa Errusian, otsailak 25ean, aldez aurretik errazago gerta dadin. Partiduaren epaile, belgikar Karl Riga eta Singurd Tomasen izango ditugu. EHFko ordezkari berriz, Jean Lelong frantziarra. Partidu aurreko entrenamendu saioei gagozkiolarik, Akabako jokalariak bihar garatuko dute goizeko 11,ooetatik aurrera eta Bidebietan, bertan jokalari serbiar berria, SVETLANA OBUCINA lehen aldiz arituko delarik. Larunbatean, saioa pixka bat beranduago hasiko da, 12,00etan jada. Errusiar taldeari dagokionez, beren etorrera bihar 18,00etan Hondarribiko aireportuan espero dugu, eta larunbatean entrenamendu saioa garatuko dute ere, goizeko 10,30etan, Bidebietan.

Garaipen garrantzitsua lortu du gaurkoan Akaba Bera Bera taldeak, Vicar Goya almeriarren aurka. Azken hiru urteetan bezalaxe, nahiz hango bisitetan (iraila bukaeran) galdu, etxeko partiduan erabat nagusi bilakatu dira Tati Garmendiaren jokalariak. Aurrera pauso handia suposatzen du garaipen honek Ligako txapelketari dagokionez; defentsa sistema sendo eta bikaina erakutsi dute gipuzkuarrak neurketa osoan zehar, baloi asko moztuz, gora azkar igoz eta hutsuneak probetxatuz edota berria sortuz, gola lortu arte. Baikorrak dira beraz gipuzkuarrak, eta egonkortasun hau oinarritzat hartuz, beren gogo eta kemen guztia igandeko partiduan jarrita dute jada, Europako txapelketaren barne, errusiako Astrakhan taldeari aurre egin beharko diotelarik. Gaurko partiduaren jendartekoan, SVETLANA OBUCINA, Akabako serbiar fitxaje berria nabarmendu dezakegu.Igandeko partiduan estreinatuko da zelaian.

Idatzi honen bidez, Akaba Bera Berak zinatutako fitxaketaren berri eman nahi dizuet. Serbiar jokalaria dugu, SVETLANA OBUCINA, 1979garren urteko urriak 9an jaioa, eta DUNAFERR hungariar taldetik etorria.1,77 altuerarekin, lehen eremua defendatuko du zelaian (hegal edo zentral bezala). OBUCINA bihar arratsaldean Loiuko (Bilbo) aireportuta ailegatuko da, ondoren, Donostiaruntz abiatuko da, Akaba Bera Bera eta Vicar Goyaren arteko partiduaz gozatzeko asmoz. Jokalari berri hau, igandeko errekopako neurketan zalairatuko da lehen aldiz gipuzkuar taldearekin, Bidebietako kiroldegian.

 

 

 

 

 

  

Resultado de imagen de icono calendario balonmano

Cartel

@BalonmaBeraBera

SUPER AMARA Bera Bera
RT @NotGip: 🤾‍♀️ La jugadora del @BalonmaBeraBera Sara Gil sufre un esguince en el codo https://t.co/bCRXU6Q6Wp
SUPER AMARA Bera Bera
RT @nereauranga14: “Masajito” de mano y antebrazo! @elicr52 🤙🏼 https://t.co/FBYkhD85S3
SUPER AMARA Bera Bera
RT @RMDonostia: 🔊 40 X 20 🎙️ @UnaiMacias 🔵🔵 @BalonmaBeraBera 📈 Balance primer tramo de temporada 💼🤾‍♀️ @TatiGarmendia 📋🤾‍♂️ Agenda fi…
Follow SUPER AMARA Bera Bera on Twitter

Egutegia / Calendario

SUPER AMARA Bera Bera 27, HC Zvezda 27

Laguntzaileak / Colaboradores

© Bera Bera RT