Hirugarren urte jarraian, Bera Bera Eskubaloiko harrobiak Algemesin Aste Santuan burutuko den txapelketan parte hartuko du, martxoaren 29tik apirilaren 1era bitartean, alegia.
Lacturale Bera Bera jubenil taldeak Euskadiko Txapelketako lauko finalean ez zuen punturik urratzerik izan baina partida guztietan aurpegia eman zuen. Zarautzen ospaturiko fasean, Elgoibarko taldea izan zen nagusi, hiru norgehiagokak irabazita. Ibilbide bikaina Lacturale Bera Bera taldearentzat Gipuzkoako txapelketatik etorrita, Euskadiko laugarrena geldituz.
Asteburu ona Etxeberria, Berasategi, Arrojeria eta Aramendia jokalarientzat. Guerreras selekzioak Frantziako Eurokopako sailkapena bideratu dute Alemania gaindituta Gascan, Portugalen junior mailako selekzioak Mundialara lortu dute txartela eta B selekzioak Poloniari irabazi diote Béjarren.
Froga baliagarria SUPER AMARA Bera Berarentzat gaur jokaturikoa Frantziako junior mailako selekzioaren aurkakoa, Frantzia eta Brasilgo goreneko selekzioen aurkako atarikoa izan dena Pau hirian. Frantziarren aurkako norgehiagokak oso fisikoak izaten ohi dira eta gaurkoa ere bai. Bigarren zatian egindako akatsek mugatu dute Super Amara (18-16).
Guerreras selekzioak larunbatean Gascan (20etan) Alemaniaren aurka jokatuko duten partida atarian, Frantziako Europako Txapelketako sailkatze faseari dagokiona, kiroldegi ondoko aparkalekuan Fan Zone delakoa jarriko da.
