Asteburu berezia, nesken kadeteen Minikopa Málagan, seniorren sailkatze fasea eta beste zazpi partida Bera Bera Eskubaloiko harrobiarentzat. Lacturale Bera Bera bi norgehiagoka jokatuko ditu ostiralean Málagan –10,15etan Ciudad Jardínen eta 19etan El Carranquen- eta bestea larunbatean 11,30etan, El Carranquen ere bai.
Málagan apirilaren 20tik 22ra ospatuko den Emakumezkoen Kopako XXXIX. edizioarekin batera, kadete mailako Minikopa delakoa ere burutuko da, Lacturale Bera Beraren partaidetzarekin.
Emakumezkoen eskubaloiko lehiaketa interesgarrienetarikoa iristeko atarian gaude, Bera Berarentzat oso berezia dena, izan ere, 2007an aurreneko titulua eman ziona eta azken sei finaletara iritsi dena.
Jakina zen partida estua izango zela eta horrela izanda. Azken minutuetan sufritzen jakin izan duelako eta eskarmentua duelako SUPER AMARA Bera Berak KH7 BM Granollers gainditu du (19-22, atsedenaldian 10-10).
SUPER AMARA Bera Berak Guerreras Iberdrola Liga irabazteko aukerak baldin baditu Bidebietatik kanpo emandako erantzunagatik da. Horregatik, bihar larunbata 20etan –Federazioko streaming – boladari jarraipena eman nahi diote donostiarrek Granollerseko Palau D’Esports pistan (David Monjo -madrildarra- eta Miguel Martín Soria -valentziarra-).
