Donostiarrek Kukullagari bisita egingo diote bigarren itzuliaren hasieran. Bizkaitarrak iaz igo ziren ohorezko mailara eta bertan gelditzen borrokatzen ari dira.
Erreka Laranja peñak antolatu duen autobusa Bidebietatik irtengo da arratsaldeko 5,30etan larunbatean, urtarrilak 28, eta partida amaitu bezain pronto itzuliko da. Bazkideak eta 14 urte baino gutxiago dituzten bazkideen seme-alabek dohainik izango dituzte bidaia eta sarrera. Lekurik egonez gero edonork egin dezake bidaia 15 euro ordaintuta. Izena Erreka Tabernan eman daiteke, bihar arte, epea asteazkenean bukatzen baita.
Hilabete baino gehiago eten egon ostean, Egia Bera Bera senior preferente mailako taldeak partidak irabazten jarraitzen du igoera poltsikoan izan arren. Igandean Egian 30-21 menperatu zuen CDB Leizaran eta Ereintzaren aurka bukatuko du liga datorren asteburuan.
Jardunaldiko partidarik interesgarriena Egian eman zen, sailkapenean aurretik gelditzeko jokatu zen Egia Bera Bera eta Bera Bera Egiaren arteko derbia. Egiakoek 21-19 nagusitu ziren eta, ondorioz, hamaikagarrenak gelditu dira sailkapenean Bidebietakoak, aldiz, hamabigarrenak.
Infantil mailako taldeek puntu bakarra eskuratu dute. Bera Bera Egia Infantil A taldeak Bidebietan 9-20 galdu zuen Urnietako KE A taldearen aurrean, sailkapenean laugarren posturaino heltzeko aukerak galduz. Bera Bera Egia infantil B taldeak, berriz, CDB Leizaranen aurka berdindu zuen partida eta sailkapeneko erdialdean dago.
Argazkian, Ainhoa Gutierrez jubenila.
Emaitzak: infantilak, kadete, jubenil, senior preferente
Sailkapenak
Donostiarrek baino zenbaki hobeak partidarik galdu ez duen Grupo Asfi Itxako taldeak bakarrik ditu. Hamahiru norgehiagokak irabazteaz gain –Lizarrerian Bera Beraren aurka (27-26) eta Alcobendasen (23-25) baino ez ditu puntuak arriskuan ikusi- golegile nagusiena da Itxako -424 gol (partidako 32,61) eta gol gutxien jaso duen taldea ere bai -269 (partidako 20,69), Bera Berak baino hiru gol gutxiago, hain zuzen ere. Donostiarrek bigarrenak dira 377 gol (partidako, 29)- atea zulatzeko lanean.
Aipatzekoa da golegile nagusien zerrendan hamargarren postuan agertzen dela Itxako nahiz Bera Berako aurreneko jokalaria, Barbosa hain zuen (63 golekin). 58 golekin, Eli Pinedo da Bidebietako golegile nagusiena.
Bera Berak daturik azpimarragarrienak defentsari esker lortu ditu. Atezainak dira gol gutxien jaso dituzten ligan partida batean –11 gol Porriñoren aurka, Bidebietan- eta etxetik kanpo ere bai, azkeneko partidan, alegia, Ucam Murtziak 13 gol baino ez zituen egin.
Ondorioz, Bera Berak nota altuarekin amaitu du denboraldi erdia. Donostiarrek Leonen eta Elxen egindako hutsegiteak gainditu dituzte Sagunton, Kanarietan eta Murtzian iaz galdu zuten pista zailetan irabazita. Bitartean, menderaezin jarraitzen dute Bidebietan.
Bigarren itzulia larunbatean Etxebarrin hasiko da (20etan) eta hiru egun beranduago Bera Berak Itxako hartuko du Bidebietan (urtarrilaren 31n, 7etan) Europako kanporaketari heldu aurretik.
Partida estua izan da, oso defentsa itxiak erabili dituzte bi taldeek, izan ere, gol gutxien jasotzen dituzte Ucam Murtziak eta Bera Berak eta ondorioz, San Basilio kiroldegian jokaturiko norgehiagoka izan da orain arte golei dagokienez ligako partidarik eskasena, 34 besterik ez.
Partida hasieran lorturiko abantaila (9. minutuan, 0-4) ondo kudeatu du Bera Bera Eskubaloiak. Reyes Carrereren jokalariak eroso sentitu dira 6-0 defentsarekin, aitzitik, donostiarren erosoa ez zen batere arina, baloiak galduz, hórrela atsedenaldian hiru goleko abantaila baino ez du lortu Bera Berak (5-8).
Bigarren zatian defentsa ona izaten jarraitzen zuen. 40. minututik aurrera Bera Berak aldea zabaldu egin du, Bea Fernandez eta Eli Pinedoren golei esker eta Ucam Murtziak baino jokalari gehiago erabili dituelako. Bigarren zatiko 20. minutuan aurreneko zatiko partziala eman da, hau da (5-8), hamar minutuen faltan zortzi goleko abantaila lortu du Bera Berak (11-19) amaiera arte mantendu duena (13-21).
Ondorioz, Bera Berak sei garaipen jarraian lotu ditu, iaz punturik urratu ez zuten pistatik, Sagunton, Kanarietan eta Murtzian, alegia, garaipen bikainak eskuratu dituzte donostiarrek.
Horrela, Bera Berak bigarren postua lehenengo itzuli amaieran bermatu du lehenengo aldiz. Bost puntutara dagoen Itxakorekin batera zerrendaburu izango da Kopako zozketan aurreneko aldiz, ondorioz, nafarrak balizko final batean baino ez ditu ikusiko. Gainera, Mar Saguntoren porrotak hirugarren sailkatuekin aldea zabaldu du, hiru puntutara, hain zuzen ere.
Fitxa
Ucam BM Murcia 13 (5+8): Pérez, Stefanova (2), Hernández (3), Gina Craciun (3), González (1), Verdú (4), Lorenzo, Martínez, Temprano (o.a.), Roda, Lipan eta Valiente.
Bera Bera 21 (8+13): Zoqbi, Altuna (2), Ziarsolo, Campa, Cuña, Carvalho (2), Rubio (1), Bea Fernández (6), Pinedo (6), Berta, Yamiley (o.a.), Mena (2), Arizaga (1) eta Menéndez (1)
Epaileak: Pablo García Sánchez eta Alberto Murillo Castro Kanporaketak: Carvalho, Rubio, Altuna eta Pinedo Bera Beratik eta Lorenzo Franco eta Gina Craciun Ucam BM Murtziatik
Partzialak: 0-1, 1-4, 1-5, 3-6, 3-7, 5-8 –atsedenaldian- 6-11, 8-11, 8-15, 10-16, 11-19 eta 13-21.
Emaitzak eta sailkapena
Borroka horretan daude Ucam Murtzia eta Bera Bera Eskubaloia taldeak, kontrako arrazoiak medio. Zazpigarrenak izan arren, murtziarrek puntuak behar dituzte Cleba León eta Elda Prestigio taldeak atzean uzteko. Donostiarrek, berriz, bigarren postuari eutsi nahi diote denboraldi honetako taldeko erronka delako eta Kopako zozketara begira zerrendaburu izango litzateke aurreneko aldiz.
Partida aurretik, Eider Rubio donostiarrak gogoratu du “iazko porrota esperientzia txarra izan zen”. Ucam Murtzia taldeak emaitza onak atera ditu etxetik kanpo –Castro Urdialesen eta Mar Alicanteri, irabazi; Eldaren aurka berdindu-; etxean berriz, Cleba Leon, Elx, Kukullaga eta Gijon gainditu ditu eta Mar Sagunto (22-24) eta Ro’casaren aurrean galdu. Gol gutxi sartzen dituzte murtziarrek –atea zulatzen Ligako 9. taldea-, era berean, Itxako eta Bera Berarekin batea gol gutxien jasotzen duena da –partidako 22,25 gol-.
Eider Rubiok ohartarazi du “Ucam Murtzia dagoeneko ez da sorpresa, ondo jokatzen ari dira eta aurten hobetu du taldea”. Horregatik, “orain arte egin dugun jokua berreskuratu behar dugu partida irabazteko eta bigarrenak gelditzeko”.
Bera Berako zentrala, egun taldeko golegile nagusiena, pozik dago taldekideekin. “Iaz jokalari berriak etorri ziren eta nabaritu egin zen, aurten antzematen da elkar ezagutzen dugula eta, nik uste dut, nortasun propioa osatu dugula“ adierazi du Eider Rubiok.
