30 Urtarrila 2012

Bigarrena lehenengoaren kontra, bihar urtarrilak 31, asteartea, arratsaldeko 7etan Bidebietan. Bera Berak punturik galdu ez dituen Grupo Asfi Itxakori irabazi nahi dio, bigarren postuan sendotu, hiru puntutara hurbildu sailkapenean eta nafarrei liga zaildu.

Gipuzkoarren eta nafarren arteko partida gehienak oso estuak izaten dira, azken aldi honetan Itxakok irabazi arren. Bera Berak ligan boloda txarrari amaiera jarri nahi dio, Kopan Itxako menperatu zuen finalerdietan 2008an eta 2009an eta bi berdinketa lortu ditu 05-06 denboraldian Lizarrerian eta 07-08 Bidebietan. Azkeneko garaipena 04-05 denboraldian eman zen.

Lehenengo itzulian, Bera Bera puntu bat urratzeko zorian egon zen. Partida amaitzeko bost segundo falta zirela, Eider Rubiok langara bidali zuen penaltia eta aldaratutako baloia denboraz kanpo ate barrura bidali zuen.

Erronka gauzatzeko, Bidebieta alde du Bera Berak, denboraldi honetan partida guztiak irabazi ditu eta Mar Alicante eta Elda Prestigio taldeekin baino ez du sufritu.
Biharko partidarako, Melinda Berta ezker hegala jokatzeko prest du Reyes Carrerek, Murtzian orkatila bihurritu eta gero. Erasoan bikain aritu zen Berta Lizarrerian, zazpi gol sartu baitzuen, orain arte jokaturiko partidarik onena, alegia.

29 Urtarrila 2012

Erasoan hamar minutuko inspirazioa balio izan zion Bera Berari zortzi goleko abantaila hartzeko eta atsedenaldira iristeko (13-33). Reyes Carrerek jokalari asko erabil zituen atzo. Yamiley atean aritu zen minutu asko eta lehenengo zatian oso geldiketa onak egin zituen. Erdian, Rubio, Campa eta bost gol sartu zituen Menendez. Hegaletan, Ziarsolok hiru kontraeraso gauztu zituen eta Altunak partida osoa jokatu zuen Bertaren baja zela eta. Lehenengo zatian Reyes Carrerek Eli Pinedo eta Darly Zoqbi aulkian utzi zituen eta amaieran Nagore Arizagari eman zion gidaritza. Bigarren zatian, Mena eta Pinedo sartu ziren. Kukullagak sei minutu behar izan zituen gola sartzeko eta Bera Berak aldea zabaldu zuen Cuña eta Pinedoren goleio esker, Kukullaga bikoiztuz markagailuan. Hamar minutuen faltan, Uxue Ezkurdia jubenilak egin zuen debuta. Gaztea saiatu egin zen, barneraketa baten penaltia egin zioten eta beste batean Carvalhori eman zion asistentzia. Argazkian Uxue Ezkurdia. Fitxa: Kukullaga 16 (11+5): Aisa, Silvia (2), Mariya (3, 2p), Bayon (3), Mujika (3), Castañeda (1) y Azkona (1) –titularra- Etxabe (2), Maialen, Alba eta June (1) Bera Bera 33 (18+15): Yamiley, Altuna (4), Menéndez (5), Rubio (2,1p) , Carvalho (1), Campa (2) y Ziarsolo (5)–titularra- Cuña (5), Bea Fernández (6,3p), Arizaga, Pinedo (3) Zoqbi (p.s.) y Ezkurdia. Amaia Barrena eta Mónica García (Euskadi) Kanporaketak: Carvalho (2), Menéndez, Mena, Bea Fernández, Cuña eta Rubio Bera Beratik eta Kukullagatik, Mujika, Azkona, Etxabe, Mariya eta Alba. Partzialak: 2-3, 3-7, 4-12, 6-14, 8-16, 11-18 –atsedenaldian- 11-20, 13-23, 13-26, 14-28, 15-30 eta 16-33.

27 Urtarrila 2012

Murtzian titularra izan zen, defentsan jokatu zuen eta eskuin lateralean erasoan, Bera Bera eta Ucam Murtziaren arteko partidako aurreneko gola sartu zuen egindako barneraketa medio. Alba Menéndezek hernia diskala lesioa ahaztuta dauka eta Reyes Carrere entrenatzaileen deialdietan sartzen ari da urritik aurrera.

Zarauztarrak dio “egunez egun fisikoki eta psikologikoki hobeto nago denbora asko geldirik egon bainintzen eta pixkanaka pixkanaka aurrera noa”. Horrela, “partidatan minutuak ditut” sendatuta dagoen seinale.

Bera Berak Bizkaiako Kukullagaren aurka jokatuko du bihar (Etxebarrin, 20etan), ohorezko mailari eutsi nahi dion taldea. “Aurten partida askotan aritu gara elkarren aurka” dio Alba Menédezek, Euskadiko Kopa, lagunarteko batzu eta ligako lehenengo jardunaldian Bera Berak 39-19 nagusitu zen. “Guztiak irabazi ditugu baina arerioari errespetua zor diogu, ez dugu konfidantzarik nahi eta bi puntuak behar ditugu hirugarrena hiru puntutara mantentzeko”.

Lehenengo itzuliaren balorazioa “oso positiboa” izan da Alba Menéndezen ustez. “Leonen berdindu eta Elxen galdu arren, egoera hori gainditu genuen eta iaz porrot egin genuen Sagunton, Kanarietan eta Murtzian irabaztea lortu dugu”.
 
“Orain bolada hau berretsi nahi dugu Kukullagaren aurrean bihar eta asteartean, Bidebietan, Itxakoren aurka, oso taldeo ona da baina ez gaindiezina” azpimarratu du Bera Beraren lateralak. “Lanean jarraitu behar dugu bigarren postuan jarraitzeko amaitu du Albak, igande eguardian, Murtziatik etorri ostean –Nagore Arizaga bezala- bi ordu lo egin ondoren Egia Bera Berarekin jokatu zuena.

26 Urtarrila 2012

Ostiralean hasi igande bitartean, Bidebieta udal kiroldegiak kadete eta jubenil mailetan sortaturiko Araba, Bizkaia eta Gipuzkoako txapeldunen arteko lehiak hartuko ditu, Euskadiko txapelketaren bigarren fasearen baitan. Horrela, Donostian izango dira kadete mailan: Consulting Social Alavés, Bizkaiako Kukullaga eta etxeko Bera Bera Egia kadete 2 taldeak. Jubenil mailan, berriz, Gasteizko Eharialdea, Autobuses Juantxo Kukullaga eta Bera Bera Egia jubenil izango dira. Maila bakoitzean bi taldek Euskal ligako beste sei taldeekin liga bat jokatzeko txartela eskuratuko dute Espainiako txapelketan parte harteko aukera emango duena. Euskal ligara igotzeko fase finala apirilaren azkeneko asteburuan burutuko da Eharialdea, kukullaga eta Bera Bera Egia taldeean artean. Asteburuko ordutegiak, honakoak dira: Ostirala, Urtarrilak 27: 17,15etan: Bera Bera Egia kadete 2 – Kukullaga 19etan: Bera Bera Egia jubenil – Autobuses Juantxo Kukullaga Larunbata, Urtarrilak 28: 18etan: Kukullaga – Consulting Social Alavés 20etan: Autobuses Juantxo Kukullaga – Eharialdea Igandea, Urtarillak 29: 10etan: Consulting Social Alavés - Bera Bera Egia kadete 2 12etan: Eharialdea - Bera Bera Egia jubenil Gipuzkoako aurre-selekzioa Gipzukoako selekzioak deitu ditu kadete mailako Maitane Etxeberria, Nahikari Payo, Maialen Eguren, Maddi Fachado, Mora Said eta Leire Oiarbide Bera Bera Egiako jokalariak igandean Usurbilen, goizeko 10,30etan, entrenaldia burutzeko. Bigarren urteko kadeteak Maitane Etxeberria, Nahikari Payo eta Maialen Eguren, aldiz, Bidebietan partida dute eta ezin izango dute selekzioarekin aritu. Bestetik, infantil mailako Nahaia Arana jokalaria igandean, 10,30etan Ordiziako Majori Kiroldegira joango da Gipuzkoako selekzioarekin entrenaldia eta partida jokatzera.