30 Urria 2011

Bera Bera Eskubaloia taldeak egindako lehenengo zatia bikainak BM Porriñoren aurkako garaipena bermatu dio (31-11), Leonen izandako berdinketa gazi-gozoa ahaztuz. Donostiarren 5-1 defentsak, Eider Rubio aurrean jarrita, galiziarren jokua oztopatu du, baloi asko galdu zituzten eta jaurtiketa okerrak eraginez, etxekoen kontraerasoen mesederako. BM Porriñok soilik aurreneko 10 minutuak eutsi du Bera Bera (5-3). Hortik aurrera, urdinen uholdea geldiezina izan da, batez ere bere defentsa eta erasoan eskuin aldean, Anna Punko eta Libe Altuna oso fin ibili direlako. Bera Bera Eskubaloiak tartea zabala ireki du azkeneko bost minutuetan, 7-0 partziala lortuz. Horrela, 17-5 atsedenaldia iritsi da. Bigarren zatiaren hasieran akatsak alde batean eta bestean, halere, Bera Bera defentsan saiatu da berriro ere eta Mena, Cuña eta Eli Pinedok erasoan eraginkorrak izan dira. Bera Bera Eskubaloi taldeko entrenatzaile Reyes Carrerek atsedenaldi dexente eman dio Dara Carvalho brasildarrari eta, era berean, Antonella Menak minutu ugari jokatu ditu. Ondorioz, partida bikaina konfidantza berreskuratzeko eta azaroari ondo heltzeko, oso norgehiagoka interesgarriak baitatoz. Bera Bera 31 (17+14) Zoqbi eta Yamiley, Altuna (4), Punko (4), Rubio (2), Carvalho (2), Bea Fernández (3), Ziarsolo (1), Pinedo (7), Cuña (4), Mena (3), Berta (1) eta Campa Porriño 11 (5+6) Masha Makarenko eta Iris, Ana (1), Aloa, Isa (1), Bibi (1), Sandra, Maialen Mugica (2), Paula (4), Carolina (1), Cecilia, López (1) eta Carla. Kanporaketak: Dara, Eli Pinedo, Antonella Mena eta Eider Rubio Bera Beratk eta Bibi BM Porriñotik. Epaileak: Joseba Jokin Ordoki (Nafarroa) eta Miguel Gardón (Madrid) Partzialak: 2-2, 4-3, 7-4, 9-4, 12-5, 17-5 (atsedenaldia) 20-6, 20-7, 21-8, 23-8, 27-9 eta 31-11

28 Urria 2011

Oso partida berezia izango da biharkoa Veronica Cuñarentzat. Herriko taldearen aurka jokatuko baitu porriñotarrak “eta ilusio handia egiten dit Bidebietan Ohorezko mailako norgehiagoka bizitzea”. Veronicak BM Porriño mailaz igotzeko egin zituen ahaleginak gogoan ditu. “23-24 urte nituen orduan eta gogor saiatu arren azkenean klubak mutilen aldeko apustua egin zuen” azaldu du Verok. Bere ustez BM Porriñok “aurten mailari eusteko aukera ugari ditu, gainera disfrutatzen ari direla badakit eta asko pozten naiz etxeko partida festa modukoak izatea”. Bere ohi taldeari buruz Bera Bera Eskubaloi taldeko zentralak azaltzen du “iaz igoera lortu zuten jokalariak saritu ditu, Galizako jokalarien aldeko apustua egin du, gazteak erakarri eta atean nahiz Isa Bastero bezalako fitxaketek taldeari oreka ematen diote”. Bere bigarren denboraldian Donostian, Veronica Cuña dio “Bera Bera Eskubaloian oso pozik nago”. “Etxetik kanpo sei urte daramatzat, Castron eta Leonen jokatu ostean, espero dut hemen urteak egitea” azpimarratzen du. Eider Rubiorekin taldea zuzentzeko ardura izan arren, Vero minutu ugari jokatzen ari da. “Bai, gustora, Eiderrek eta biok banatzen ditugu minutuak, berak hegalean ere joka dezake; defentsan bat posizioan ere askotan jokatu dut” adierazi du galizarrak. Horrez gain, “bereziki oso ilusionaturik” dago Vero Europako txapelketa jokatzeko. Azaroaren 12an eta 13an Donostian izango da hori Belgikako Antwerpen taldearen aurka. Halere, erronka horri aurre egin baino lehen Bera Bera Eskubaloiak Porriñoren aurka jokatu, Elxera bidaiatu eta Castro jasoko du.

28 Urria 2011

Nora Azurmendi eta Olatz Ramon jubenilak eta Eider Lizarbe eta Udane Rodriguez (argazkian) kadeteak astelehenean Euskadiko selekzioarekin bilduko dira bi eguneko konzentrazioa burutzeko.

Jubenilak Hondarribian elkartuko dira eta kadeteak, berriz, Gasteizen. Lehenengo eguna da Eider Lizarbe jokalariarentzat Euskadirekin, Maitane Etxeberriak, aldiz, Portugalen jokatuko ditu bi partida Espainiarekin.
 
Infantilak, bihar

Bidebietan, goizeko 10,30etatik aurrera, Bera Bera Egiako infantil mailako bi taldeak izango dira aurrez aurre. Igandean, aldiz, Bidebietan, goizeko 10etan Bera Bera Egia kadete 1 taldeak Ordizia Irurenaren aurka jokatuko du eta 12etan Bera Bera Egia kadete 2 eta Casa Astigarraga Elgoibar, aurrez aurre.

28 Urria 2011

BM Porriño taldearen aurkako patida atarian, Bera Bera Eskubaloi taldeko entrenatzaile Reyes Carrerek taldea “prest, lehiaketara bueltatzeko gogokin eta egutegi zorrotz bati heltzeko gaitasunarekin” ikusten du. Izan ere, datozen 18 egunetan sei norgehiagokak jokatuko dituzte, horietatik Europako bi, hain zuzen.
 
Horretarako, talde osoa du prest Reyesek. “Internazionalak konpetizio erritmoarekin itzuli dira eta egun hauetan gainontzeko jokalariekin saioak intensitate handiz osatzen saiatu gara eta, era berean, partidako tentsioak leuntzen”.

BM Porriño taldearen inguruan, Reyesek dio “joku ona egiten ari dira, Itxakori asko kostatu zitzaion Galizan irabaztea eta Isa Bastero garrantzi handiko jokalaria da beraientzat”. “Lan asko egin beharko dugu irabazteko” ohartarazten du.

Porriñoren aurkako norgehiagokarekin, sei partidako zikloa irekiko dute bihar donostiarrek Bidebietan, Brasilgo Mundiala dela eta azaroaren 16tik urtarrilerarte liga geldituko baita.

Bera Bera Eskubaloiak jokatu behar dituen partida hauen aurrean, Reyes Carrere baikor da “gerta zitekeen onena delako”. “Entrenatzen dugu norgehiagokak jokatzeko eta gustokoena jokatzea da” dio. “Taldea lehiaketetan sartzeko prest dago eta jakin badakigu Europan aritzeak zer dakar, hau da, errekuperatzeko egun gutxi, lan asko eta konpetizio bat bestearekin txandakatu, alegia” amaitu du.