14 Urria 2013

Koprivnican Bera Bera Prodavka Vegeta taldeari eusten saiatzen ari zen bitartean, emakumeen eskubaloiko ohorezko mailako bostgarren jardunaldia osatzen ari zen. Gipuzkoarren Canyamelar gainditu zuten ostegunean eta albisteak espero zituzten, batez ere, Kanarietan Rocasa Ace Gran Canaria eta Helvetia Alcobendasen partidatik. Madrildarrek lau garaipen zituzten baina ezin izan zute partida irauli. Rocasa gogor hasi zen (10. Min, 8-4 eta 20 min. 13-4) eta tarte horrekin atsedenaldira iritsi ziren (19-10). Bigarren zatian Helvetia Alcobendasen erreakzioa heldu zen, hiru goletara jarri zen (25-22) zortzi minutu falta zirela baina Luján, Davinia y Haridian hirukoteak partida erabaki zuten (29-26). Azpimarratzekoa da Nora Azurmendi minutuak izaten ari dela Alcobendasen. Horrela, gole aldeari esker, Rocasa da bigarren lau garaipen eskuraturik, Helvetia Alcobendas eta Elche Mustang taldeekin batera. Ondoren, sei punturekin, Bera Berarekin topo egin duten hiru talde: Canyamelar, Mecalia eta Porriño. Ligako zenbakiei erreparatuz gero, donostiarrak dira gol gutxien jasotzen dituen taldea, bataz beste 19,6 gol eta Rocasa da gol gehien egiten dituena, partidako ia 30. Championsak aste honetan ere aurreratuko du Ligako partida. Bera Berak asteazkenean, urriak 16, 19etan, Adesal Córdoba hartuko du Bidebitan, igo berri den taldea eta oraindik punturik lortu ez dituena. Larunbatean, Rocasan Alacanten jokatuko du, punturik lortu ez duen beste taldea; Alcobendasek Zuazo hartuko du eta Elche Mustag taldeak irteera ez oso erosoa Castelldefelsen.

12 Urria 2013

Bera Bera Eskubaloiak atzo goizean egin zuen bidaia Valentziatik Bartzelonara eta Prat aeroportuan Munichetik Zagrebera hegazkinez iritsi zen arratsaldeko 5ak aldera. Oraindik autobusez ia bi orduko bidaia egin behar izan zuten Dudrevic herrian zegoen hotelean atsedena hartzeko. Gosaldu ostean bideoz ikusi dute lehengo larunbateko Larvik vs Prodavka partidako hainbat irudi eta ondoren Koprivnicako Sport Hall Fran Galovicen ordubetez entrenaldia burutu du.
Taldea ondo dago atsedena hartu ostean eta Championseko multzoen faseko bigarren jardunaldiari ekingo dio puntuak lortze aldera baina, aurkaria eta pistaren zailtasuna jabeturik. Prodavka Vegeta talde gaztea da eta hiru jokalari izan ezik – Itxakon egon zen Montenegroko Milenkovic atezaina ,eta Trifunovic eta Zivkovic serbiarrak- beste guztiak bertakoak dira. Eta Milanovic pibotearekin lotzen saiatzen da bere eraso jokoa.
Prodavkak 6-0 defentsa sutsua egiten du eta Imanol Álvarezek azpimarratu du espazioak sortu eta aurkitu berhar direla.
Bera Bera urdinez arituko da gaur arratsaldean. Partida 18etan hasiko da eta Tetyana Rakytina eta Iryna Tkachuk ukraniarrak zuzenduko dute. EHF TVn ikus daiteke.

12 Urria 2013

Goizean Imanol Álvarezek behin eta berriz azpimarratu duen ideia izan da, Prodavka Vegeta taldearen 6-0 defentsaren aurrean hutsuneak sortu eta kroaziarren aurkako kontakturik ekiditu. Bera Berak, baina, ez du asmatu eraso posizionalean eta lehenengo zati amaieran partidak ihes egin dio.
Izan ere, hasierako 2-0 berdin dute gipuzkoarrek Eli Pinedoren golei esker. Amurriokoak erantzukizuna bereganatu du lehenengo zatian, guztira, hamar jaurtiketa eginez. Tempranok penalti bat gelditu du eta internazionalak berdindu du partida (3-3).
Prodavka Vegeta taldeak baloiak galdu arren, Bera Berak ez du kontraerasorako betarik izan. María Núñez bi minutuz kaleratu dute eta kroaziarrek 3-0 partziala ezarri dute Zivkovic –bikain, gaur- eta Milanovic jokalarien bidez. Pibotak abantaila handitu du baina Pinedok eta Castro –kontraerasona- aldea murriztu dute (7-5).
Baina Serbiako alboko jokalariak asmatzen jarraitzen zuen eta Ukrainiako epaileek kroaziarren defentsa sutsua ez dute geldiarazi.
Lehenengo zatia amaieran ihes egin dio norgehiagokak Bera Berari.23. minutuan 9-6 tik atsedenaldira 14-7 pasatu da. Covic jokalariak hiru gol sartu ditu eta Nemaskalok bat.
Bigarren zatian, Imanol Álvarez saiatu da Pinedo zentral moduan jarriz eta Ziarsolo eta Etxeberria hegaletan. Alba Menéndez sutsu atera da, bere gol batek eta lapurtutako baloi bati esker Ziarsolok 16-10 ezarri du (35. Min).
Halere, Zivkovic jokalariak hiru gol sartu ditu, Menéndezek erantzun dituenak, baina kroaziarrek tartea berreskutatu dute. Ziarsolo serbiarraren gainean jarri da baina Prodavkak Milanovic edo Covic jokalariekin ondo jokatu du pivotean. Gainera Nemaskalo kontraerasoan mina egin du, ondoriz, Prodavka geroz eta urrunago zegoen (49 min. 27-14).
Ziarsolok sarturiko bi penaltu eta Pinedoren kontraeraso batek hamar goletan utzi du partida baina amaieran Milanovicek asmatu du eta ez dute ontzat eman Maitane Etxeberriren gola, antza, denboraz kanpo baitzegoen.
Ondorioz, Koprivnican porrota zabala, Europan jarraitzeko zaila jartzen duena, kontutan hartuta orain birritan Larvik izango dela aurkaria. Lehenengo partida igandean Gascan (12,15etan) baina lehenago Adesal Córdoba taldea Bidebietatik agertuko da asteazkenean (19etan). Bera Bera lidergoan dago bakar bakarrik, Helvetia Alcobendas Rocasaren aurka galdu baitu gaur.
Fitxa:
HC Prodavka Vegeta 29 (14+15): Milenkovic , Pongrac, Gavranic (2) , Havic (1), Zivkovic (9), Milanovic (4) eta Vukojevic –titular- Covic (5), Nemaskalo (3), Dragisic (1), Trifunovic (4), Vidak, Poljak, Senvald, Kapitanovic (o.a.) eta Jukic (o.a.). Bera
Bera 18 (7+11): Temprano, Castro (1), Menéndez (3), Elorza (1), Núñez, Ana Martínez eta Pinedo (7, 2p) –Ziarsolo (5, 2p), Arizaga, Ederra, Dunay (1), Arrojeria eta Etxeberria. Deialdia, Akuña (o.a.).
Epaileak: Tetyana Rakytina eta Iryna Tkachuk (UKR) eta EHFko delegatua, Svetlana Obucina (SRB). Kanporatuak: Havic eta Trifunovic Prodavkatik eta Núñez eta Elorza Bera Beratik.
Partzialak: 2-1, 3-3, 6-3, 8-5, 10-6, 14-7 –atsedenaldia-, 16-9, 21-11, 24-12, 27-14, 27-17 eta 29-18.

10 Urria 2013

Gaur goizeko 9ak aldera, Bidebietatik Autocares David autobusak 14 jokalari, Imanol Álvarez entrenatzailea, Martin Larrañaga bigarrena eta delegatua eta Leire Pardavila masajista, hau da, Liga eta Champions lotuko ditu asteburu honetan, Valentzia eta Kroazia, alegia.
Izan ere, gaur arratsaldean Valentziako El Cabañal kiroldegian, Canyamelar eta Bera Bera eskubaloi ligako bostgarren jardunaldia irekiko dute (19,15etan, Jordi Ausas eta Miquel Florenza, Catalunya).
Iazko denboraldian donostiarrek bertan galdu zuten jokalari gehienak mantentzen dituen talde honen aurka, aurten Susana Parejak zuzentzen duena. Partida hartan Cristina Morell jokalariak partida ona egin zuen eta Bera Berak ez zuen egun ona izan.
Gainera, Canyamelar taldeak hiru garaipen lortu ditu: Porriñon eta Castelldefelsen; etxean Adesal Cordoba gainditu zuen baina ezin izan zuen Elche Mustangekin (31-35). Garaipena lortu duenen aurkariak ez du 22 gol baino gehiago sartu.
Ondorioz, konfidantzarik gabe ekingo dio partidari Bera Berak, gainera, Championsen Mazedoniako Vardarren aurrean irudi ona eman ondoren. Bertan deialdia osatu zuten jokalariekin osatu da espedizioa, Uxue Ezkurdia izan ezik. Partida Federazioko orrialdean jarraitu daiteke.
Ostiralean Bera Berak Bartzelonan hartuko du hegazkina Zagreb hirituntz, Munichetik; Koprivnicara autobusez iritsiko da, larunbatean goizeko 10etan entrenatuko da bertan eta arratsaldeko 18etan Prodavka Vegetaren aurka larunbatean bertan jokatuko du, EHF TV plataforman ikusiko dena.